ВИДЕО: Мало потсетување како изгледаше Скопје не толку одамна

Видеово е снимено 2009-2010 година, а ако сме искрени изгледа како да е снимено пред 50 години.

Истото е поракаод Коце Трајановски на ФБ:

Почитувани сограѓани,

Мало потсетување за тоа каков град наследив во 2009 година, кога за првпат ми ја дадовте довербата да бидам градоначалник на Скопје.

Тесни и нефункционилни сообраќајници, руинирани пешачки патеки, ниско ниво на хигиена и депонии.

Нефункционални јавни претпријатија пред колапс, со долгови над 17 милиoни евра, без опрема и механизација, стари автобуси...

Каква тајна кријат скришните ходници под улица Македонија во центарот на Скопје?

Како дванаесетгодишно момче Људмил, нашинец од Австралија, открил урбана мистерија врзана за старо Скопје.


Тој ја раскажал неверојатна приказна за тајни ходници што како дете ги открил под сегашната улица „Македонија“ во 1963 година.

Претпоставува дека по ходниците се движела турската војска.


– Кога Турците бегале за Истанбул силно потиснати од нашите, меѓу останатите работи што ги носеле со себе биле и три коњски коли полни со злато. Само што немало никаква шанса да ги потераат коњите во тунелите кои влечеле претоварени коли.

 

Така што, трите коли сосе 6 луѓе на нив и по 4 коња на кола биле затрупани некаде под земја. Подобро им било да го затрупаат златото отколку да бидат фатени со него, а поради него убиени. Така тројца турски големци успеале да избегнат сигурна смрт.

Оваа информација ја имам многу одамна од еден стар скопјанец кој веќе одамна е починат. Оваа урбана легенда е таа што дополнително го разгори мојот љубопитен и авантуристички дух – раскажува Људмил.

Во истата таа 1963 година, кога ги открил капакот и мистериозниот ходник под него, и кога му се родила идејата да го истражи со надеж дека ќе ја разоткрие оваа урбана легенда која ја чул од старецот, Скопје го стресе катастрофалниот земјотрес. Руините што тој ги остави зад себе ја направија оваа негова авантура речиси невозможна.

– Ние, губејќи го нашиот дом, куќата на Петар Драшин, која го издржа земјотресот со мали оштетувања, но сепак беше срушена, се преселивме во населбата Влае. Иако не запрев со истражувањето на сите тунели и отвори што ги наоѓав, многу од местата каде што проценував дека водат, беа урнати и како да ја голтнаа тајната во себе. Легендата за тунелите под Скопје и златото на турските големци за мене остана урбана мистерија, која и понатаму ме скокотка, завршува Људмил.

ВИДЕО: Што сработе Трајановски за 8 години како градоначалник на Скопје?

Градоначалникот на град Скопје, Коце Трајановски, по 8 години како татко на главниот град, од своите сограѓани побара нов 4 годишен мандат. За таа цел градоначалникот во ова видео дава отчет за тоа што е сработено во метрополата во минатите два мандата.

„Почитувани жители на Скопје

Драги сограѓани!

Сакам да Ви се обратам како ваш сограѓанин, скопјанец, градски татко, пријател.

Најпрво сакам да ви се заблагодарам за досегашната доверба која ми ја дадовте на локалните избори во 2009 и во 2013 година за позицијата градоначалник на Градот Скопје.

Со ваша поддршка и преку секојдневната комуникација со Вас реализиравме многу проекти во овие 2 мандати.

Како кандидат за градоначалник на главниот град од редовите на ВМРО-ДПМНЕ и по трет пат ја барам довербата од Вас граѓаните, која имајќи ја во изминатите години беше чест и привилегија, а во исто време и уште поголема одговорност. 

Ви го претставувам мојот отчет со најкапиталните проекти за сработеното во изминатите два мандати.“

Скопје не е ни Париз, ни Њујорк - Што му е потребно за да функционира беспрекорно?

Што му е потребно на еден град како Скопје, за да функционира беспрекорно ? Метропола која има свои урбани, но и рурални делови, чии комунални проблеми не се мали, а не се решаваат ни прекуноќ.

Скопје не е ни Њујорк, ни Париз, по годишен буџет. Дури има помалку имот и средства од соседните балкански метрополи. Сето тоа, поради лошата приватизација во 90-те години од минатиот век, со која беше раскрчмен имотот кој требаше да биде негова сопственост и во служба на граѓаните. 

Токму поради тоа, на Скопје му треба менаџер, човек кој знае и со малку средства да води град со неофицијална бројка од милион жители кои живеат или циркулираат неделно во главниот град.

Скопје е машина. Ако некој не знае како да работи со неа, со сиот човечки потенцијал и одговорности, неизбежна е хаварија.

Ова наше Скопје е солидарен, мултиетнички и мултиконфесионален град, кој, исто како и пред стотина години. Годишно, прима, илјадници и илјадници нови сограѓани и не може брзо и ефикасно да излезе во пресрет на градежната експанзија и потребите, наметнати од доселувањето. 

Скопје има десет општини плус Градот Скопје, но сите граѓани најмногу очекуваат од скопскиот градоначалник и тој секогаш ја носи на свој грб, сета жестока критика, за она што другите не го сработиле-одговорностите и надлежностите од кои десетте други градоначалници бегаат. 

До пред 10 години градот беше затрупан со ѓубре, иако сметките се исти, јавни претпријатија кои беа нефункционални, со незадоволни вработени, кои, не примаа редовни плати и одбиваа да работат. По улиците чадеа тридецениски стари автобуси и  граѓаните возеа по тесни и руинирани улици, со искршени тротоари, по улици без велосипедски и пешачки патеки, на кои се гледаа редици автомобили, заглавени со часови во метеж. 

Сега, Скопје, е град со нови автобуси, ќе се набават и електрични, а тесните и нефункционални сообраќајници се минато. Претпријатијата се консолидирани, платите се редовни, благодарение на доброто менаџирање. 

Немаше ниту еден новоизграден парк, а сега има дури 4, по површина колку три Градски паркови. Булеварското зеленило, сега, наспроти минатото, беспрекорно се одржува со ново зеленило и цветни аранжмани, а исто и Градскиот парк и Паркот на Жена Борец, кои, редовно се обновуваат со нова опрема, се санираат патеките, плочките и зеленилото. Скопје има дури три нови плоштади - Македонија, Филип Втори и оној кај црквата "Пресвета Богородица". 

Во Градскиот парк се вратени сите бисти на народните херои од НОБ, откако сите претходни градоначалници одбија, со изговор дека не се надлежни. 

До пред десетина години, имаше и руинирани средни училишта со истрошена опрема и инфраструктура, стари контејнери и амортизирани камиони за собирање смет, кои, постојано се расипуваа, ниеден кружен тек за побезбеден сообраќај, ниеден парк, во градска надлежност, со обновено зеленило кое потоа се одржува и негува, преку целата година. 

Популарно