(ВИДЕО) Снимил три ајкули на улиците на Мајами по ураганот

Една од снимките кои биле направени за време на случувањата во САД кои настапија по ураганот во овој дел од планетата предизвика огромно внимание на медиумите во последните недела дена. Но, дојде време повеќе да не им дозволуваме на социјалните мрежи да ни ја кројат вистината затоа што вистината за снимката со „трите ајкули среде Мајами“ е сосема поинаква.

На снимката се гледаат три објекти кои со своите врвови потсетуваат на перки на ајкула, што дополнително изгледа застрашувачки затоа што видеото е снимено во моментите на најголемиот потоп по ураганот Ирма.

Корисниците на социјалните мрежи поведоа голема дискусија за тоа дали воопшто е можно овие ѕверови да се најдат на улиците во Мајами и дали снимката е автентична.

Некои тврдат дека ова е вистина и дека изгледа реално, дури правеа споредба со ситуацијата во Бризбејн каде што ајкулите целосно биле дислоцирани кај теренот за голф и продолжиле таму да живеат. Другите изнесоа и несоборлив факт дека ајкулите инаку не пливаат заедно, но, се разбира, се појавиле и такви кои исклучокот го објаснија како последица на природна катастрофа.

На страницата ФЕМА постои список на шпекулации за ураганот Ирма, но оваа приказна за ајкулите не е меѓу нив. Едноставно, сценариото „шаркнадо” (торнадо-ајкула) не е можно во оваа ситауција. Инаку, „Шаркнадо“ или (торнадо-ајкула) е бизарен филм во кој е претставен брегот на САД погоден од разорно торнадо кое доаѓа од океанот, а со себе носи сè што му доаѓа на патот, вклучувајќи и ајкули, кои паѓаат по градовите и јадат луѓе!

Експертите јасно соопштија дека рибите се чувствителни на промена на воздушниот притисок во текот на бурата и дека по правило одат во поголемата длабочина за да бидат безбедни.

„Кај повеќето животни ќе проработи природниот инстикт и тие ќе си заминат“, изјави директорот на Лабораторијата за ајкули на калифорнискиот државен универзитет.

Погледнете го видеото:

Маж во Илиноис уби четири лица и избоде петмина, нападот траел 20 минути

Четири лица загинаа, а пет се повредени во напад во Рокфорд, Илиноис, додека 22-годишен осомничен е уапсен.

Полицијата, исто така, соопшти дека некои од жртвите биле избодени, но не било употребено огнено оружје во нападот, пренесува CBN News Chicago.

Убиени се 15-годишно девојче, 63-годишна жена, 49-годишен маж и 22-годишен млад човек.

Шефот на полицијата во Рокфорд, Карла Ред, изјави дека загинале вкупно четири лица, додека еден од нив е тешко повреден. Четири лица се префрлени во болници, каде нивната состојба е стабилизирана.

Повиците до полицијата и итните служби дошле од повеќе страни додека нападот траел приближно 20 минути, а екипите набрзо биле на терен. Од полицијата истакнаа дека засега не е јасна причината за нападот.

Тинејџер во Германија ги заклал родителите и братот, од смрт ја поштедил сестра си

Деветнаесетгодишник со нож ги убил братот и родителите и тешко си ја повредил сестрата во Хохентенген на германско-швајцарската граница, соопшти државното правобранителство во сојузната покраина Баден-Виртемберг. 19-годишникот со нож ги убил родителите на возраст од 58 и 61 година, а потоа и 34-годишниот брат. Сестрата, чија возраст не е објавена, била повредена и со хеликоптер била пренесена во блиската болница. Таа наводно се здобила со сериозни убодни рани, но нејзиниот живот не е во опасност.

Инцидентот се случил вчера вечерта, соопштија од полицијата и од државното правобранителство. Осомничениот е уапсен. Според полициското соопштение, целото семејство живеело во куќата во која се случил масакрот. Убиецот има германско и италијанско државјанство. Мотивот за нападот се уште е нејасен.

Според информациите од државното правобранителство, 19-годишникот се товари за тројно убиство без умисла и обид за убиство, а во текот на денот треба да биде изведен пред судија кој треба да одреди мерка притвор.

Во истата област, пред два месеци, 32-годишен син ги убил своите родители, а на крајот и себеси

Ни трага, ни глас од 100 лица по масакрот од Москва

Деведесет и пет лица се уште се водат како исчезнати по минатонеделниот терористички напад во Москва, јавија денеска руските медиуми.

Официјалниот биланс на загинати во нападот во Crocus City Hall сега е 140 мртви и 182 ранети.

Порталот База, кој има добри врски со руските безбедносни служби, објави дека на списокот се појавиле уште 95 лица кои нивните семејства ги пријавиле за исчезнати.

Руските истражители велат дека акцијата ја извршиле четворица напаѓачи со калашникови. Пукањето започна непосредно пред рок групата „Пикник“ да настапи пред 6.200 гледачи.

Оттогаш руските социјални мрежи се преплавени со повици за помош во пронаоѓањето на исчезнатите.

Собрани во чат на Телеграм, пријателите и семејствата ги споделуваат имињата на луѓето кои сè уште се бараат и нудат поддршка еден на друг.

Популарно