ВИДЕО+ГАЛЕРИЈА: Почуствувајте ја атмосферата на свадбата на Каролина и Михаил

Најголемата музичка ѕвезда на македонското естрадно небо, Каролина Гочева и Михаил Корубин го изговорија судбоносното „ДА“ на магична церемонија која се одржа на спортскиот аеродром „Стенковец“, во близина на Скопје.

37-годишната македонска ѕвезда изгледаше шармантно во венчаница со чипка.

Бројни македонски ѕвезди, меѓу кои Елена Ристеска, Калиопи, Тамара Тодевска, Владимир Блажев – Панчо, Александар Дадар и Весна Петрушевска, славеа заедно со среќните младенци.

„Михо и Керол од денес па натаму започнува вашата вистинска и најубава животна приказна, само што вие сами ќе си ја направите да трае и да ви е најубаво на свет.. само вие двајца и никој друг не е важен... СРЕЌЕН БРАК!!!“ – напиша Елена Ристеска во описот на фотографија со убавата невеста од свадбата.

Сестрата на Лука Лазукиќ, Ана Калиќ, го коментира инцидентот што се случил меѓу нејзиниот брат и нејзината снаа Наташа Беквалац

Сестрата на Лука Лазукиќ, Ана Калиќ, во последниве неколку дена сè почесто се огласува на социјалните мрежи и „Фејсбук“, каде го коментира инцидентот што се случил меѓу нејзиниот брат и нејзината снаа Наташа Беквалац.

Ана во објавите често споменува дека таа не му е сестра на Лука Лазукиќ од 2008 година, а сега тврди дека Лука и нивниот татко ѝ должат стан со голема квадратура.

Ви го пренесуваме во целост постот на Ана:

(ВИДЕО) Исповед на таткото на Беквалац: „Би убил за неа“

Таткото на српската пејачка Наташа Беквалац, Драгољуб Беквалац, јавно проговори за насилството што го преживеала неговата наследничка и во емисијата на РТС јавно ги изнесе сите детали за таа кобна ноќ.

„За тоа што се случи дознав во саботата во 10 часот. Најмладата ќерка ми се јави дека е со Наташа и дека сопругот ја претепал и ѝ нанел видливи повреди по телото. Јас ја зедов сопругата, седнавме во автомобилот и стигнавме во Белград. Кога стигнав, тоа што го видов не би му го посакал никому да му се случи. Можам да кажам дека Наташа е многу силна и цврста личност и порасна во семејство со многу љубов, која ја добиваше од сестрите и од нас. Многу ми падна тешко кога ја видов како изгледа и кога ми опиша што ѝ се случило. Таа во договор со сопругот излегла да се види со соработниците за работата и му испратила СМС-порака дека ќе дојде дома со нејзиниот менаџер. Наташа околу 23 часот пристигнала во станот и видела дека Лука го нема. Потоа истата ноќ околу 3 часот видела дека сѐ уште не е пристигнат. Дознала дека е во друштво со некои девојки, па го побарала, но тој не ѝ се јавил. Кога следниот пат се разбудила со бебето, го забележала како лежи пијан во дневната соба. Го зела неговиот телефон и забележала како се допишувал со три девојки. Ги забележала љубовните пораки по што се обидела да го разбуди и да види што е работата. Тој станал мамурен, почнал да ја навредува и ја нападнал. Таа доживеала физичко малтретирање. Тој ја удрил со тупаница по лицето, ја кубел за косата. Таа два-три пати паднала и на подот. Ја шутирал со ногата по раната каде што и беше извршен царски рез. Побегнала во собата кај бебето, а тој продолжил да спие. Кога станал околу 9 часот утрото, сварил кафе и дошол во собата како ништо да не се случило. Се обидел да ја бакне, но таа ја свртела главата. Тогаш се изнервирал и почнал да се пакува и да се заканува дека ќе си замине. Тоа го правел и порано. Тој станал друг човек по нејзиното пораѓање. Постојано говорел дека по раѓањето на детето, неговото место во животот на Наташа станало помалку важно“, изјавил Драгољуб.

Тој навел и дека Лука имал среќа што помеѓу Нови Сад и Белград има голем број километри и со солзи на очите раскажал дека би убил за Наташа.

„Пред десет години реков дека би убил за Наташа, а вечерва ќе кажам дека би загинал за неа. Лука е еден измамник кој преку заљубените жени ги решавал своите економски проблеми. Се обидел на име на неговата фирма да ги префрли станот на Наташа и сестра ѝ Кристина. Но, му успеа само со автомобилот. Тој, едноставно, е човек што служи за измами и изневерување жени. Тој сигурно не е нормален, штом шутирал жена од 55 килограми. Ги почитувам жените, а децата секогаш ќе ги штитам. Наташа ми рече дека тој по пораѓањето станал друг човек, дека бил гневен што бебето го зазело неговото место. Тоа не можам да го сфатам. На мажот местото му е покрај својата жена, а не во кафеана до 4 наутро“, порачал Беквалац.

Од друга страна, Лазукиќ во една утринска емисија открил дека не е Наташа таа што поднела тужба за развод, туку тој.

Видеото од гостувањето на Лаузиќ во утринската емисија можете да го погледнете на следниот ЛИНК.

ФОТО: Брутално претепана - нови фотографии од повредите на Наташа Беквалац

Наташа Беквалац минува низ пеколен период. 37-годишната српска пејачка беше брутално претепана од сопругот Лука Лазукиќ, само месец и половина откако го роди нивното прво заедничко дете.

Додека Лука демантира дека извршил физички напад врз сопругата, српското списание „Блиц“ објави фотографии на кои јасно се гледаат модринките на лицето на музичката ѕвезда.

„Ова се повредите на Наташа. Модринките и гребаниците под окото и големи подливи на рацете го демантираат насилникот кој тврди дека ја нема удрено сопругата“ – пишува на насловната страница на списанието.

Анонимен извор за српскиот медиум изјавил дека Лука ја удирал Наташа и по раната од царскиот рез и ја влечел низ станот.

„Лука синоќа си дошол пијан дома и легнал покрај Наташа во кревет. Таа тогаш го зела неговиот телефон и видела љубовни пораки поради кои меѓу нив избувнала кавга. По вербалниот конфликт, Лука ја претепа. Побесна, со тупаници ја удираше по раната од царскиот рез, по што ја влечеше по станот. Беше ужасно тоа што се случи“ – изјавил изворот.

Наташа беше фотографирана од папараците по нападот, но големите очила за сонце не ги сокрија повредите.

Лука негира дека ја нападнал Беквалац. „Јас не сум ја тепал мојата жена, јас не сум ја претепал мојата жена и јас мојата жена не сум ја развлекувал низ куќа и не сум ја удирал во раните од царскиот рез, а за раните, прашајте ја неа“ – рече тој.

Кога нему му беа покажани фотографии од модринките по нејзиното тело, тој инсистираше дека тие се резултат на антицелулитна масажа. „Што се однесува на подливите на рацете и нозете, таа одеше на масажи за целулит итн.“ – тврди тој.

Лука е категоричен дека ништо не крие и дека кога Наташа физички го нападнала, тој само ја повлекол настрана. „Јас дојдов да ја кажам вистината… Вистината е дека не сум ја тепал мојата жена, вистина е дека сè ова се случува за пари, вистина е дека ова е медиумска хајка… докази има“ – изјави тој.

Популарно