(ВИДЕО) Австралијка со голи раце фати ајкула и ја врати во океанот

Австралијката Мериса Хејтер, која работи како агент за недвижности, е хит на социјалните мрежи откако се појави видео во кој таа фаќа ајкула и ја враќа во океанот.

Мелиса пливала во природен базен во Оак Парк во предградие на Сиднеј, кога налетала на бакарна ајкула и одлучила да ја спаси.

Нејзината ќерка дури снимила и видео како мајка и се бори со ајкулата и ја префрла од базенот во морето.

„Едноставно сакав да ја фатам ајкулата. Да беше возрасна ајкула не би го направила тоа“, вели Хејтер и додава дека ајкулата била мала и од стрес и дезориентираност се удирала со главата во карпа.

„Jа фатив за вратот за да не може да се сврти и да ме гризне. Не беше толку тешка, но нејзината кожа беше груба. Ја фрлив преку работ и видов како отплива“.

Инаку овој вид ајкули ако се гладни се многу агресивни, а повеќепати годишно во Синдеј настрадува некој човек.

Италија: Земјите членки на ЕУ или да си прифатат дел на мигранти или...

Италија сака сите земји на ЕУ да прифатат свој дел од економските мигранти кои влегуваат во тој блок, или да добијат помалку пари од Унијата, се наведува во предлогот кој италијанската влада го подготви за состанок со групата лидери на ЕУ за мигрантите. 

Во документот, кој ќе им биде претставен на 15 лидери на ЕУ, кои се дојдени во Брисел со намера да најдат начин да ја намалат загриженоста поради големите миграции во неколкуте земји, наведени се 10 точки по кои смета Рим дека треба да се реши проблемот.

"Секоја земја утврдува влезна квота за економските мигранти", се наведува во документот, во кој Ројтерс денеска имал увид. Тоа ќе биде принцип кои ќе мора да се почитува, но за земји кои нема да дозволат прифаќање на бегалците ќе подлежат на "адекватни контрамерки" а се однесуваат на добивање пари од фондовите на ЕУ.

Во документот јасно се става до знаење дека Италија сака промена на т.н. Даблински пропис, по кој се утврдуваат правилата за решавање на прашањето за мигранти кои бараат азил и мигранти кои доаѓаат во ЕУ. 

Спрема сегашните правила, прва земја во ЕУ во која емигрант ќе бара азил, одговорна е за неговото барање на азил.

Меѓутоа, во италијанскиот документ се истакнува дека, "кој доаѓа во Италија, стигнува во Европа", со што особено се нагласува дека во ЕУ би требало да има зедничка одговорност за оние кои се спасуваат на море.

Италија истакнува дека во прашање е Шенгенската зона. Во документот, исто така се повикува на формирање центри за мигранти и во други земји во Европа, притоа тоа прашање да не се ограничи само на Италија и Шпанија.

Италијанскиот премиер Џузепе Конте неодамна изјавил дека на состанокот на групата лидери во Брисел, ќе изнесе сосема нов предлог за заедничко решаение по прашањето за мигрантите. 

"Називот на тој предлог е Европска стратегија за миграција на повеќе на нивоа". Содржи шест услови и 10 цели. Насочен е на прецизно политичко регулирање и управување со мигрантските текови на ефикасен и одржлив начин", појаснил Конте.

Тој додава дека, италијанскиот предлог има за цел преживување на Даблинските прописи кој "се заснива на логика која се базира на вонредни ситуации, додека во реалноста сакаме проблемот да го решиме на структурен начин".

Нашето јавно мислење тоа го бара од нас", истакнал италијанскиот премиер.

По Македонија и САД добива име со геогравска одредница?!

Кога Колумбо несвесно ја „открил“ Америка пристигнал на Бахамите и Куба, ги истражувал бреговите на Средна и Јужна Америка. Малку потоа Џон Кабот стигнал до Северна Америка. Америго Веспучи, првиот свесен дека станува збор за „нова земја“ и по кого „новиот“ континент добил име, стигнал до Бразил и ја истражувал Јужна Америка.

Во географијата Америка е континент кој е составен од три дела – Северна, Средна и Јужна Америка. Но како државјани и како нација, само жителите на Соединетите Американски Држави се нарекуваат Американци. Така се самоопределиле. Во сите држави кои се формирале во тој географски регион националноста е право на самоопределување. Наспроти државјанството. Во Канада живеат Канаѓани, во Мексико Мексиканци, во Бразил Бразилци, во Аргентина Аргетинци, во Куба Кубанци. Граѓаните во овие држави можат да имаат различни етнички потекла, но никогаш не мешаат етничко со државно. Државјанството ја определува лојалноста и обврските кон државата, не етникумот. 

Е сега, хипотетички да замислеме ситуација каде Канада, Мексико и Бразил им го забрануваат правото на САД да се викаат Соединети Американски Држави а нивните граѓани Американци. Како смее некој да го користи името Америка кога тоа е поширок географски поим од наведената држава? Дали со тоа пројавува територијални претензии кон нив, со кои го дели географскиот поим? Како се чувствуваат во Канада, Мексико и Бразил кога Американциве им го крадат името и идентитетот? Па Америго Веспучи бил во Бразил, никогаш на територијата на денешните САД. Името Америка и Американци е право на Бразилците повеќе отколку на сите други. Иако нема да го користат за себеопределување, ниту како државно име или националност – историски им припаѓа ним! Затоа САД ќе мораат да го променат своето име, да се вметне некоја географска одредница која би го издвоила историското име Америка од денешното. Секако живеат во Северна Америка, името мора да се промени соодветно на географската поставеност. Соединети Северно Американски Држави. Е сега, под Канада се. А и таа има право на името Америка, посебно на Северна Америка. Значи, единствено прифатливо би било Соединети Северно Долни Американски Држави. А жителите кои себе се нарекуваат Американци, по ново ќе се нагласи дека станува збор за Американци/ жители на Соединетите Северно Долни Американски Држави. Секое користење на изразот „американско“ од страна на ССДАД ќе реферира единствено на поновата историја на ССДАД со задолжителна забелешка за тоа. Вистинскиот поим „американско“ ќе го користат само Бразил и ќе има сеопфатно значење за богатата американска култура и славна историја. Ќе се преименуваат сите институции во ССДАД кои во својот назив го содржат зборот „Американски“. Владата на ССДАД ќе побара од сите држави кои досега ги признале како САД да го повлечат тоа и од утре да ги нарекуваат ССДАД. Ќе ги променат уставот и законите во својата држава соодветно на тоа. И самите себе ќе се нарекуваат Северно Долни Американци.

Ви звучи апсурдно?

Лудо?

Недемократски?

Иредентистички?

Нацистички?

Под Ваше покровителство се случи....

Автор: Вероника

Пари за секој километар поминат со велосипед

Министерство за инфраструктура во Холандија предложило паричен надомест за сите вработени кои на работа патуваат со велосипед.

Секој жител кој на работи оди со велосипед би можел да добие по 19 центи за секој километар.

Да излеземе од автомобилите и да ги земеме велосипедите. Целта ни е да придобиеме уште 200.000 луѓе кои со велосипедите ќе поминат три милијарди километри повеќе – изјавила Стиентје ван Велдховен, од ресорното министерство.

Владата планира и субвенции за купување на велосипед, но и додатни 100 милиони евра за зголемување на бројот на велосипедски патеки.

Популарно