Четири години затвор за Панче Ангелов

Четири години затворска казна за Панче Ангелов, кој ја кубеше и ја повреди министерката за одбрана Радмила Шеќеринска за време на крвавите насилства во Собранието на 27 април, одлучи Основниот суд Скопје 1.

Ангелов на претходното судско рочиште призна вина и побара од судот да има разбирање за него, бидејќи, како што кажа, живее сам и ако оди во затвор ќе нема кој да му помогне. За делото Насилство, за кое е осуден, предвидена е казна затвор во траење од 3 до 10 години.

„Разбрав за што сум обвинет, се чувствувам виновен за кривичното дело. Го признавам во целост како што е напишано во обвинителниот акт. Доброволно, без присила од кого било, при потполна свест. Се извинувам кон целата јавност за тоа грозомормно дело што го направив и им се извинувам на оштетените во оваа кривична постапка. Не ми беше целта да ја повредам, туку да ја тргнам настрана, но во тоа тргање можеби употребив повеќе сила. Искрено се каам за стореното дело и се надевам дека судот ќе има разбирање за мене и ќе ми одреди поблага казна, бидејќи живеам сам и доколку одам во затвор нема кој да ми помогне“, кажа Ангелов на минатото судење, кое практично беше единствено и завршно.

Обвинителката потоа рече дека тоа што обвинетиот го признал делото е потврда за доказите кои што биле приложени на судот и додаде дека признанието може е олеснителна околност најмногу до 70% од казната.

„Го почитуваме признанието, но судот сепак треба да ги цени околности за стореното кривично дело и за подмолниот начин на кој што е искористена немоќта на оштетената“, рече таа.

Генералот Стојанче Ангелов за споменикот на Ќосето

Споменик на Ќосето – да, но не пред судот, напиша Стојанче Ангелов на „Фејсбук“.

„Андон Ќосето (1854-1953). Херој на македонската борба за слобода. Лојален припадник, бескомпромисен борец и суров извршител на Организацијата. За жал, поради масовната (зло)употреба на неговото име во дневнополитички и други цели, неговиот лик денес е извалкан и буди негативни емоции кај дел од македонскиот народ. Но, без разлика на неговата патриотска величина, сепак, на споменикот на Ќосето местото не му е пред судот. Ќосето не бил судија ниту, пак, судел. Ќосето пресудувал. Им пресудувал на лицата на кои им судела Организацијата“, напиша Ангелов.

Затоа, додава тој, споменик на Андон Ќосето треба да има, но на некоја друга репрезентативна локација од која нема да буди негативни емоции и асоцијации.

Владо Јовановски се огласи на Фејсбук и предизвика лавина лајкови

Aктерот Владо Јовановски кој е обвинет за тероризам и три месеци помина во затворот во Шутка за настаните на 27 април вечерва се огласи на својот фејсбук профил.

Тој  објави стихови на српскиот поет Бранко Милковиќ.

“…Иднината не е сѐ она што ќе дојде!

Многу нешто, едноставно ќе се повтори!

Минатото, не е сѐ она што нема да се поврати и еден дел од иднината останува затаен…”, напиша актерот на својот профил вечерва.

Пред неколку денови притворот во Шутка на Јовановски му беше заменет со куќен притвор и одземање на пасошот.

ВИДЕО: Мицов го напушти студиото на Алсат затоа што му се обратија на Албански јазик

Стефан Влахов–Мицов, универзитетскиот професор и писател, член на политичката партија „Единствена Македонија“, го напушти стидиото на „АлсатМ“ телевизија, затоа што новинарката му се обраќаше на Албански јазик. 

Популарно