Дознајте кој ви ѕвони со непознат број!

Апликацијата Hello моментално е достапна само на Android уредите и користи податоци од Фејбсук како би ви открила кој се крие зад непознатите броеви.

Секако, оваа апликација ќе ви открие кој стои зад непознатиот број доколку тоа лице ги споделило своите контакти на социјалните мрежи.

Доколку сте го оставиле својот број на телефон на Фејсбук, лицата со оваа апликација ќе знаат дека ги повикувате, дури и ако го немаат меморирано вашиот број во телефонот.

Оваа апликација исто така може да ја користите за да телефонирате или да пронајдете броеви кои ви требаат на Фејсбук.

Оставате вклучено Wi-Fi на телефонот и преку ноќта? Еве зашто треба веднаш да го исклучите!

Кога се во прашање паметните телефони, на Интернет можете да пронајдете голем број на совети кои можат да ви бидат од голема помош. 

Меѓутоа, корисниците на некои фунцкии не обрнуваат внимание претерано. Некои работи се подразбираат, па никој од корисниците и небара совети за тоа. Но тоа не би требало да биде така. 

Колку вие обрнувате внимание на  Wi-Fi и Bluetooth? Колку од вас ја исклучуваат оваа фунцкија кога не ја употребувате? Поготово кога спиете бидејчи тогаш телефонот не се користи. Дали на овие работи воопшто обрнувате внимание? Доколку вашиот одговор е негативен, да знаете  дека тука грешите.

Експертите велат дека оваа функција би требало да ги исклучувате преку ноќта бидејќи непотребно се троши батерија и со тоа се скратува нејзиниот животен век/ Едноставно нема потреба оваа функција да биде активна. 

Зошто Оне.Вип и Македонски Телеком ги исклучија Discovery и Eurosport каналите ?

Од 01.01.2018 година каналите Discovery, Eurosport повеќе нема да се емитуваат на операторите Оне.Вип и Македонски Телеком.

Од Discovery излегоа со соопштение дека се прекинува соработката, но без конкретни факти зошто е прекината со двата најголеми оператори во државата.

Денар.мк од блиски извори на еден од операторите ги дознава причините поради која е прекината соработката.

Причина поради која не е продолжен договорот е зголемување на цената за 30% од моменталната која е енормно висока сума, можеби и со шест нули која ја плаќа операторот, а со тоа и автоматски го принудува да ја покачи цената на крајниот потрошувач.

Како што дознаваме, операторите побарале овие канали да ги понудат само на корисниците кои сакаат да платат повисока цена, но компанијата која ги нуди каналите не се согласувала со тоа, односно да се нудат на сите корисници.

“Според статистиката што ја направивме, каналите Discovery, Eurosport  се гледани само 1% од вкупните корисници, што е релативно малку и со потпишување на нов поскап договор автоматски ќе ја зголеми претплатата на крајните корисници, што не би било фер, особено за оние 99% кои не ги гледаат тие канали, а треба да платат за нив”, велат од операторот.

Овој случај со Discovery и операторите не е само во Македонија, туку се случува и во другите држави од регионов како Хрватска минатата година, а сега и во Грција.

Преговорите меѓу операторите и Discovery  се сеуште во тек и најавија официјално соопштение во текот на наредната недела.

За што служат копчињата од F1 до F12 на компјутерската тастатура?

Оние кои никогаш не ги употребиле копчињата од F1 до F12 на компјутерската тастатура најверојатно и не знаат за што се користат.

Овој мал водич ќе ви помогне да научите за што се користат и да ги применувате, бидејќи може многу да ви помогнат и да ви заштедат време. Сепак се со намена ставени таму, нели?

F1 – Ја отвора опцијата Help за речиси секоја програма

F2 – Овозможува промена на името на документ или фајл

F3 – Ја отвора опцијата за пребарување врзано за апликацијата што е отворена во моментот

F4 – Со истовремено притискање на копчињата Alt и F4 се затвора активен прозорец

F5 – Овозможува освежување на страница или документ

F6 – Го поместува курсорот на полето за адреса на речиси сите интернет пребарувачи

F7 – Овозможува проверка на правописни и граматички грешки во Microsoft апликации како MS Word

F8 – Ова копче овозможува пристап до менито „boot“ во OS Windows при гасење на компјутерот

F9 – Овозможува освежување на документи во MS Word и праќање мејлови во рамките на MS Outlook

F10 – Го активира мени барот во отворената апликација. Истовремено притиснување на копчињата Shift и F10 има иста функција како десен клик на глушецот.

F11 – Активирање и деактивирање на гледањето содржини на цел екран во рамките на интернет пребарувач

F12 – Го отвора прозорецот со опцијата Save as во MS Word.

Популарно