ХРВАТ ВО ИСЛАНД: Кога стигна првата плата...

Хрватскиот пратеник Горан Алексиќ на Фејсбук ги сподели впечатоците на Хрват кој заминал да работи во Исланд.

Овој гастербајтер на Алексиќ детално му го опишал животот во оваа земја позиционирана на северот на Атлантикот.

Имено, човекот се зачудил бидејќи затоа што од платата не мора да плаќа придонеси, туку добива бруто износ.

Исто така, на Хрватот интересно му било тоа што во Исланд никој не плаќа со готовина.

„Овде се цени работата, се плаќа работата, сите се среќни, срдечни. Овде нема шанси работодавецот да ве измами ниту за една круна. Главниот збор кога се во прашање работниците и работодавците го водат синдикатите. Платата се зема секогаш на први од месецот“ - раскажува тој. 

Додава дека после 20 години работен стаж се чувствува како ценет работник. 

Вели дека му било тешко да ја напушти Хрватска, но порачува дека политичарите конечно мора да направат нешто за добро на граѓаните. 

(ВИДЕО) Руски милијардер почина кога ги слушна тажните вести: После неколку дена, приказната добила уште потрагичен пресврт

Рускиот милијардер 71 годишниот Игор Некљудов почина после веста дека детето кое го удрил, починало во болница.

Иако медиумите пренесоа дека богаташот најверојатно починал бидејќи не можел да се помири со тажните вести, приказната доби трагичен пресврт.

Имено, пред неколку дена, Некљудов случајно удрил едногодишно дете со кола при мала брзина, додека возел во рикверц.

Еден од сведоците кажа дека детето ги одрало колената, а друг истакнал дека возилото воопшто не го удрило детето туку тоа трчало и во еден момент се сопнало.

Било како било, милијардерот чие богатство се проценува на 15 милијарди евра, направил се за детето да оди во болница и да помине низ сите прегледи како би се утврдило дека се е во ред.

Меѓутоа, неколку дена подоцна, во локалните медиуми се појавила вест дека детето починало во болница.

Набрзо починал и Некљудов, а неговите соработници истакнале дека на работа добил срцев удар. Бил однесен во болница, но му немало спас.

(ВИДЕО) Експлозија на цевка за парно, асфалтот летал во воздух

Пет луѓе се полесно повредени, меѓу кои тројца цивили, кога цевка за парно експлодирала под Петтата авенија во центарот на Менхентен во Њујорк, јавува АП.

Од експлозијата парчиња асфалт летале во воздух, а потоа се појавил и гејзер кој испуштал бела пареа во висина од 10 катови, што довело до евакуација на станарите во зградата.

Компанијата која е сопственик на цевката, „Кон ед“, им порача на луѓето кои биле во близина на експлозијата, поради азбестот, да се искапат доколку материјал од цевката паднал на нив.

Експлозии на цевки за парно во јули 2007. и во август 1989. година, однеле по една жртва.

Слични експлозии оваа година го привлекоа вниманието на староста на инсфрактурата под улиците на најголемиот американски град. Цевката која експлодирала е инсталирана во 1932. година.

На Менхетен се наоѓа мрежа за парно која е долга повеќе од 150 километри, од каде што се грејат илјадници згради.

(ВИДЕО) Првпат во јавноста: Децата и тренерот излегоа од болница и открија морничави тајни за „проколнатата“ пештера

Дванаесетте тајландски момчиња и нивниот фудбалски тренер, кои минатата недела се спасени од поплавената пештера, денеска прв пат се појавуваат во јавноста на конференцијата за новинари во Чијанг Раи која ќе биде пренесувана од национална телевизија.

Групата на конференцијата за новинари одговара на прашања за своите искушенија, а потоа ќе им биде дозволено да се вратат кај своите семејства.

– Причините за одржување на оваа конференција за новинари се прашањата кои би можеле да им ги постават новинарите , а после тоа може да се вратат да го продолжат нивниот нормален живот без медиуми кои ќе ги вознемируваат -, рекол портпаролот на шефот на владата на Тајланд.

Тој додал дека тоа ќе биде нивно „единствено официјално интервју“; кажувајќи дека „после овој , нема да има други разговори со новинарите“.

Тие ги замолиле медиумите и јавноста да ја почитуваат приватноста на момчињата откако се спасени, бидејќи, како што наведуваат, изненадно медиумско внимание може да се одрази на менталното здравје на дечињата.

– Не знаеме какви рани носат тие деца во срцата – рекол денес пред новинарите претставник на тајландското Министерство за правда.

Прашањата кои ги поставиле новинарите се прегледани од психијатри за да се осигураат дека нема да бидат вознемирувачки за децата.

Популарно