Се расветли убиството во Србија: Еден човек направи нешто неочекувано по веста за смртта на Никола

Полицијата во Србија го реши бруталното убиство на Никола Остојиќ по четири дена. Неговиот најдобар другар Филип Гаврановиќ го убил за пари, бидејќи бил во долгови, а потоа сите лични предмети му ги фрлил на насипот каде беше убиена Јелена Крсмановиќ Марјановиќ, вклучувајќи го и телефонот, па затоа и полицијата се надеваше дека по сигналот ќе го најде жив.

Гаврановиќ се оженил три недели пред страшното злосторство, имал работилница за стакла, бил во долгови особено за свадбата. Дури и оделото за свадба го купил со позајмени пари.

На денот на свадбата од Никола барал 2.000 динари за да има пари во џеб за свадбата.

Зошто бил постојано во долгови не знаат ни соседите. Двајцата биле млади и многу се дружеле. Никола бил вредно момче кое работело 24 часа. Живеел под кирија и штедел пари.

Филип го убил другарот поради пари, знаејќи дека има заштедено и може да му ја оствари целта, да си ја прошири работилницата со тие пари.

Полицијата го потврди мотивот за бруталното убиство во Србија, кое се расветлуваше со денови. Филип Гаврановиќ го убил својот најверен пријател од детството, Никола Остојиќ, за да го врати големиот долг за кој примал закани.

Како што велат од семејството на Остојиќ за Курир.рс, убиецот бил во „долгови до гуша", и бил толку очаен што го убил најверниот пријател за да му земе 20.000 евра.

Работел во работилница за стакло која ја наследил од татка си неодамна, а работата добро му тргнала, но сакал да отвори и пекара во Белград, па се задолжил пари. 

Дури и сопругата на убиецот изјавила дека тој го направил убиството за пари.

Откако го убил пријателот го покрил со стакло, го затрупал телото и сите работи ги фрлил на насипот во Борча, каде ја убија и јелена Крсмановиќ марјановиќ, ѕвездата на Гранд.

Веста за убиството ја чул и оној на кого Гаврановиќ му должел пари, па дента решил да ги однесе парите кај семејството на жртвата. 

Мајката на Никола вели, тој испаднал многу коректен, но што ќе им пари кога чедото им го нема.

Полицијата го прекина пребарувањето на теренот: „Јасно е дека Данка не е на ова подрачје“

Припадниците на српската полиција по 27 часа детално пребарување на теренот во потрага по двегодишната Данка Илиќ во приградската населба Бањско Поље и Брестовачка бања, ги прекинаа понатамошните претреси, со оглед дека сите досегашни резултати укажуваат дека девојчето не е на овој простор од околу 10 квадратни километри, пренесува српски Телеграф.

Полицијата продолжува со интензивна оперативна работа за утврдување на сите факти и околности поврзани со исчезнувањето на детето, за што јавноста ќе биде навремено информирана, соопшти полицијата.

Според неофицијални информации на порталот Нова.рс, српската полиција има индиции кои ја одвеле истрагата надвор од местото на исчезнувањето на девојчето, а кон тие траги се упатени полициските единици.

Уште се трага по исчезнатото 2-годишно девојче во Србија

Во Србија се уште е безуспешна потрагата по двегодишно девојче од Бањско поле крај Бор, Данка Илиќ, која вчера попладне изчезна крај својот дом, а денеска потрагата се прошири и преку контрола на патните правци од Бор кон Зајечар и други населени места, јави дописникот на МИА од Белград.

-Данка Илиќ, стара две години исчезна во 13 часот и 45 минути во населбата Бањско поле во град Бор. Девојчето исчезна на непристапен терен, обраснат со густа шума. Таа има кафена коса, кафени очи, висока е околу 85 сантиметри, во моментот на исчезнувањето носела виолетови панталони, маслинесто зелена јакна, црни патики и косата и е врзана во опавче. Доколку имате информации јавете се во полиција на 192, добија за прв пат СМС порака граѓаните на Србија преку системот „Пронајди ме“ и со прекинување на ТВ и радио програмите, прикажување на екраните на автопатите, аеродромите, железничките и автобуските станици.

Се прегледавме. Шумата ја пребаравме 15 пати. Само постои можност некој од страна да не дошол и го собрал детето. Од тоа најмногу се плашам, изјави комшија на фамилијата Илиќ, изразувајќи сомнеж дека детето е киднапирано.

Според медимите, двегодишното девојче е исчезнато на работ од приградската населаба Бањско поле, каде има густа шума. Полицијата почнала со претрага 15 минути по пријавувањето на исчезнувањето, а потоа, за еден час пристигнале 200 полицајци кои извршиле безуспешна претрага во шумата и околу домот на девојчето. Претпоставка е дека двегодишно дете неможе далеку да отиде од својот дом.

Сомнежите дека девојчето е киднапирано за откуп се отфрлени од полицијата, оти нејзините родители не се добро ситуирани.

-Комшијата кажа дека таа била сама пред мојата врата, но јас не ја видов. Вакво нешто досега не се случило. Ова е многу жално. Навистина велам, не дај Боже на некој вакво нешто да му се случи. Душата ме боли и ми доаѓа да умрам, изјави жителка на Бањско поле.

Потрагата по двегодишното девојче трае над 24 часа, а се проверуваат домаќинства и викендици, патиштата, полињата, густата шума. На терен е полицијата, пожарникари-спасувачи, Жандармеријата со кучиња трагачи, рударите од градот и бројни граѓани. Во потрагата по девојчето во која се вклучени околу 2.000 луѓе се користат и дронови со термо камери и хеликоптери. Се врши и строга контрола на сите возила на патните правци околу Бор.

Во Србија за прв пат е лансиран системот Пронајди ме! кој е наменета за итно известување на јавноста во случај на исчезнување на малолетно лице, со што ќе се овозможи брза дистрибуција на информации до сите граѓани преку субјектите надлежни за информирање на јавноста, кога полицијата ќе оцени дека објавувањето на оваа информација во јавноста би придонела за пронаоѓање на детето.

Активиран системот „Најди ме“ во Србија по исчезнувањето на двегодишно девојче во Бор

Двегодишното девојче Данка Илиќ денеска попладне исчезнало во околината на градот Бор во Источна Србија, по што во земјата по првпат е активиран системот „Најди ме“ (Amber Alert) со кој јавноста веднаш се известува за исчезнување на дете. 

Девојчето, како што се наведува во соопштението на системот, исчезнало во приградската населба Банско Поле во околината на Бор. Како што јави српскиот национален сервис (РТС), на терен се припадници на полицијата, пожарникари спасувачи, членови на доброволно противпожарно здружение и на планинарската служба за спасување. Се очекува од Ниш да пристигнат и припадници на Жандармеријата со кучиња трагачи.  

Во акцијата се вкучиле и граѓани на Бор, пријатели и членови на семејството на исчезнатото девојче. Во потрагата во која се користат и дронови со термокамери, според РТС, учествуваат околу 2 000 луѓе. Според српскиот национален сервис, девојчето исчезнало околу 13 часот на непристапен терен, обраснат со густа шума.

Системот „Најди ме“ или Ambert Alert, кој постои во повеќе земји, е наменет за итно известување на јавноста во случај на исчезнато дете. Тој овозможува брза дистрибуција на информации до сите граѓани, кога полицијата ќе оцени дека нивното објавување може да помогне за пронаоѓање на детето. Итното известување подразбира испраќање порака за исчезнувањето со сите релевантни информации, прекин на ТВ- и радиопрограми, испраќање СМС-пораки до сите граѓани, прикажување на информацијата на екрани на автопатиштата, аеродромите, железничките и автобуските станици.

Популарно