Еве кои кафеани МВР вчера ги затвори во Скопје

Во вчерашната ноќна акција на МВР во соработка со повеќе инспекциски служби се затворени вкупно 13 угостителски кафани, а контроли биле извршени во 24 објекти. Според информации на МВР затворени се следниве објекти.

1. Гостилница Мал Алтан

2. Кабаре Миднајт – ДПТУ Парламенто

3. Кафе бар Версаче

4. Кафе бар Јари Дупка

5. Кафе бар Конект – Тим Трејд Дооел

6. Кафе бар Ла Лара

7. Кафе бар Снеки бар

8. Ноќен бар Вокс

9. Ноќен клуб Аристократ

10. Ноќен клуб Капан Ан

11. Ноќен клуб Ле Клуб Из Дооел

12. Пивница Темов Доо

13. Ресторан Гиго

Министерството за внатрешни работи во соработка со другите институции ќе продолжи со ваквите контроли и во наредниот период. Нема да биде толерирано никакво непочитување на законите, велат од МВР. Повеќето од локалите кои вчера беа затворени се лоцирани во ГТЦ и во Старата скопска чаршија. Во дел од нив се кршеше и законот за забрана за пушење на јавни места.

Ископувале песок во скопско, нашле оружје

Вчера во 11.08 часот во Единицата за информирање и команда  било пријавено дека при ископ на песок, во сепарација во близина на селото Огњанци-Скопје, пронајдена е ловна пушка.

По пристигнување на полициски службеници од Полициско одделение  Петровец, било констатирано дека се работи за стара ловна пушка, која во голема мера е оштетена и заради тоа не може да се утврди серискиот број.

Известени се инспектори од ОНТ - оружје и увидна екипа  кои ќе ја подигнат пушката на местото на настанот за превземање на понатамошна постапка.

ВНИМАВАЈТЕ навечер во Скопје!!!

Скопската сообраќајна полиција во периодот од 23.00 до 05.00 часот спроведе зајакната акциска контрола за откривање возачи кои управуваат со возило во алкохолизирана состојба.

Како што информираат од МВР, полициските службеници контролирале вкупно 200 возачи, а алкотестирани биле 150 возачи, при што кај 48 од нив утврдено било присуство на алкохол во крвта. Тројца од нив одбиле да подлежат на алкотестирање.

Во полициската акција, 51 возач биле исклучени од сообраќај, времено се одземени 40 возачки дозволи, издадени се 58 мандатни казни и 25 прекршочни платни налози, додека против 2 лица се поднесени барања за поведување прекршочна постапка.

Популарно