Пратениците и под СДСМ ќе земаат исто пари за патни трошоци, како и под ВМРО

Македонија

на 11.2017

Пратениците во 2018 година повторно ќе земаат како и досега пари за патни трошоци со буџетот кој им е на располагање од 1,3 милиони евра. И покрај наводните заложби на СДСМ дека сакаат да се намалат патните трошоци, сепак и следната година ќе земаат исто пари.

Координаторот на пратеничката група на СДСМ, Томислав Тунтев, кој зеде 2588 евра за три месеци годинава, редовно ја критикуваше минатата власт дека сумата од страна на тогашната власт која се издвојувала за патни трошоци на парламентариците е преголема. Крсто Муковски за истиот период зеде 3000 евра, а меѓу рекордерите останува Силвана Бонева со земени 23.000 ерва за цела 2014 година. Тунтев и СДСМ се заложија дека мора да има промени во висината на патните трошоци, но тоа засега не се случи. Јавна тајна е дека сите години пратениците од исти градови се раправаат во Собранието, но заеднички доаѓаат со едно возило, а потоа секој под нив зема пари за патни трошоци.

– Четири месеци се обидувавме да ги убедиме пратениците од ВМРО-ДПМНЕ дека нема потреба да се одолжуваат седниците, да се доаѓа секој ден, да се дискутира едно исто со реплика на реплика. Секое доаѓање на пратениците значи и патни трошоци. Јас сум од Охрид, патувам секој ден. За да дојдам на работа, мене ми се потребни пет часа дневно во автомобил, возам 350 километри во денот и немам избор. Тоа е регулирано законски, со Законот за платата и други надоместоци на пратениците во Собранието и другите избрани и именувани лица и со Одлуката за висината за надоместокот, што ја носи Комисијата за избор и именувања во ова Собрание. Значи, една од причините за големиот број доаѓања на пратениците беше токму таа и ние со месеци укажувавме дека непотребно доаѓаме и дека непотребно им се трошат парите на граѓаните“, изјави Тунтев на почетокот на август оваа година кога се актуелизираше темата за патните трошоци на пратениците.

Покрај сите обвинувања, средствата за патни трошоци на пратениците не само што не се намалени, туку и се зголемени за 10 илјади евра за следната година. Со буџетот за 2017 предвидени беа 80 и пол милиони денари или приближно 1,3 милиони евра. Истата ставка на име трошоци за 2018 година се 81 милион денари, што е 500 илјади денари повеќе од претходната година. Буџетот за трошоци е речиси ист со 10.000 евра плус кои отпаѓаат на зголемен број пратеници надвор од Скопје, информираат од Собранието, но зголемен е и со 35 илјади евра за нововработени 33 лица и како и за набавка на нови возила во висина од 97 000 евра. Во буџетот има и дополнителни 340 илјади евра за набавка и на нова опрема за собранискиот канал.

Силјановска Давкова победи во 60 општини, Пендаровски во 3, Османи во 15, Таравари и Димитриевски во по една

Македонија

пред еден час

Гордана Силјановска Давкова, претседателската кандидатка на ВМРО-ДПМНЕ, на вчерашниот прв круг избори за шеф на државата, победи во 60 општини во земјава, кандидатот на СДСМ Стево Пендаовски освои најмногу гласови три, Бујар Османи од ДУИ во 15, а Арбен Таравари од Вреди и Максим Димитриевски од ЗНАМ во по една општина.

Гордана Силјановска Давковска победи во: Аеродром (51,48 %), Берово (54,92 %), Битола (48,44%), Богданци (49,59 %), Босилево (57,61 %), Брвеница (33,54 %), Бутел (43,91%), Валандово (50,29 %), Василево (60,18 %), Вевчани (56,15 %), Велес (53,57 %), Виница (56,71 %), Гази Баба (53,68 %), Гевгелија (52,62 %), Ѓорче Петров (51,58 %), Градско (64,27 %), Дебарца (57,06 %), Делчево (47, 08 %), Демир Капија (54,77%), Демир Хисар (52,92 %), Дојран (52,58 %), Зелениково (53,35 %), Зрновци (61,15 %), Илинден (62,96 %), Јегуновце (47,49 %), Кавадарци (50,84 %), Карбинци (61,22 %), Карпош (40,82 %), Кисела Вода (57,67 %), Кичево (39,84 %), Конче (57,85 %), Кочани (53,10 %), Кратово (62,84 %), Крива Паланка (47,05 %), Кривогаштани (54,84 %), Лозово (53,09 %), Македонска Каменица (50,96 %), Македонски Брод (55,86 %), Могила (63,48 %), Неготино (49,02 %), Новаци (61,88 %), Ново Село (56,84 %), Охрид (53,89 %), Петровец (59,05 %), Пехчево (53,97 %), Прилеп (51,42 %), Пробиштип (52,03 %), Радовиш (56,34 %), Ранковце (54,34 %), Ресен (47,64 %), Росоман (51,36 %), Свети Николе (57,63 %), Сопиште (49,44 %), Старо Нагоричане (37,59 %), Струмица (47,06 %), Центар (39,98 %), Чашка (32,70 %), Чешиново-Облешево (58,93 %), Чучер Сандево (36,35 %) и во Штип (53,44 %),

Стево Пендаровски освои најмногу гласови во: Крушево (43,02 %), Маврово и Ростуша (44,04 %) и во Центар Жупа (34,95 %).

Бујар Османи победи во: Арачиново (53,51 %), Боговиње (55,33 %), Врапчиште (58,02 %), Дебар (49,88 %), Долнени (32,95 %), Желино (49,45 %), Липково (56,83 %), Пласница (66,91 %), Сарај (55,49 %), Струга (39,38 %), Студеничани (50,54 %), Теарце (41,30 %), Тетово (37,91 %), Чаир (40,65 %), Шуто Оризари (37,11 %)

Арбен Таравари освои најмногу гласови во Гостивар (32,26 %), а Максим Димитриевски во Куманово (22,89 %).

Времето денес со повремени врнежи од дожд

Македонија

пред 3 часа

Времето денеска ќе биде променливо облачно со повремени врнежи од дожд, а на планините со повремен снег.

Локално, врнежите ќе бидат поројни, проследени со појава на ретки грмежи. Ќе дува слаб до умерен ветер од северозападен правец. Минималната температура ќе биде во интервал од 5 до 10, а максималната ќе достигне од 11 до 18 степени.

Во Скопје променливо облачно со повремени врнежи од дожд. Кон крајот на денот врнежите ќе престанат. Ќе дува слаб до умерен ветер од северен правец. Минималната температура ќе се спушти до 8, а максималната ќе достигне до 15 степени.

Од петок следува период на претежно стабилно и потопло време со пораст на температурите на воздухот.