По Штербик и Гонзалес, и Абуутовиќ го напушта РК Вардар

Македонскиот ракометен шампион и европски првак Вардар дефинитивно останува без главниот дефанзивец Илија Абутовиќ на крајот од сезоната. Левиот бек во следните две сезони ќе го носи дресот на германскиот шампион Рајн Некар Левен и ќе му биде соиграч на македонскиот репрезентативец Филип Талески. Преговорите се веќе завршени, преддоговорот е потпишан и сега ќе се чека бундеслигашот да го плати обесштетувањето на Вардар за трансферот да биде официјализиран.

„Лавовите“ и ланската сезона беа заинтересирани за услугите на српскиот репрезентативец, но тогаш тој одлучи да му остане верен на Вардар и го продолжи договорот на уште три години, ама ќе одработи само една.

Абутовиќ е дел од играчите кои имаат најдолг стаж во вардаровиот дрес, од 2011 година, кој, како играч, растеше заедно со успесите на клубот. Покрај шампионските и куп-титулите во македонското првенство, големиот борец може да се пофали и дека бил дел од клупската историја освојувајќи три шампионски титули во СЕХА-лигата, како и најсјајната титула во Лигата на шампионите, ланската сезона во Келн.

Со ова станува јасно дека „црвено-црните“ остануваат без уште една од клучните алки во тимот, откако претходно се обелодени дека голманот Арпад Штербик на крајот од сезонава заминува во Веспрем, а екипата официјално ја напушта и тренерот Раул Гонзалез, кој ќе седне на клупата на ПСЖ.

Денеска започнува Лига на шампиони во фудбал

Денеска започнува “новиот изглед“ на најдоброто клупско натпреварување во Европа, Лигата на шампионите.

Новитетите во сезоната треба да го направат турнирот уште поинтересен, а сите гиганти се обидуваат да стават крај на доминацијата на Реал Мадрид, кој три години во низа се искачува на врвот.

Почетокот ќе биде најавен со првите мечеви од 18:55 часот, а ќе биде заокружен со преостанатите дуели од 21:00 часот. Терминот од 20:45 часот заминува во историја, бидејќи УЕФА одлучи да направи поделба на која најмногу ќе и се израдуваат љубителите на фудбалот ширум светот.

Со новите правила, клубовите ќе имаат право на четврта замена при евентуални продолженија во нокаут фазата и ќе имаат можност да користат електронски уреди и да комуницираат со секој член на тимот кој се наоѓа на трибините. Најголемата промена носи опцијата клубовите да користат фудбалери со кои се засилиле во јануари, а тие имале запишан настап во Лигата на шампионите во дресот на другата екипа. УЕФА конечно стави крај на ограничувањето за кое постоеше незадоволство години наназад.

За неколку сезони се очекува примена и на новата ВАР технологија, која е доста популарна меѓу големите клубови, кои итно бараат истата да се воведе што поскоро со цел да се избегнат грешки и лоши сценарија.

Утрешната програма ќе биде отворена со натпреварите Интер - Тотенхем и Барселона - ПСВ Ајндховен.

За титулата ќе се натпреваруваат 32 екипи распоредени во 8 групи. Вкупната вредност на екипте е околу 14 милјарди евра однсоно 13.816.200.000 евра. Најскапа е Барселона со 1.14 милјарди евра, следува Manchester City со 969 милиони евра. Клубови со најмала вредност се Црвена Звезда со 43.9 милиони евра, Аек  38.4 милиони евра и Чешката Viktoria со 30.35 милиони евра.

Не запира: Дејан Недев двократен европски шампион

Дејан Недев, стана двократен Европски шампион во дисциплините кати и фукуго на 33. Европски шампионат во традиционално карате што се одржува во Белград, Србија. Недев со овој резултат ја потврди врвната форма и докажа дека со години е во врвот на Европското и светското карате. Тој ги одбрани европските титули од минатиот ЕШ кој во 2016 година се одржа во Крањска гора, Словенија. Јадранка Недева освои сребрен медал во кати за сениорки. ЕШ во Белград сè уште е во тек.

КОШАРКА:СЕНИОРИТЕ ЈА СОВЛАДАА И РОМАНИЈА

Првиот претквалификациски прозорец за Евробаскет 2021 е затворен со две победи запишани на два натпревара. Нашиот сениорски тим успеа за четири дена да ги совлада соодветните репрезентации на Косово, на гостински терен, и Романија на домашен терен.

Во Косово славевме со 76-73 додека в Скопје нашите сениори славеа со 90-76.

Следи мала пауза од два месеца, а следниот натпреваар ќе го одиграме на 2. декември против Косово на домашен терен.

Популарно