СКАНДАЛОЗНО: Предлог буџетот за 2018 открива дека ќе има казни за некористење на албанскиот јазик

Додека во Собранието непрекинато тече дебатата за неуставниот закон за јазиците, предлог буџетот за 2018 година открива дека ќе има казни за граѓаните и институциите за неупотреба на албанскиот јазик.

Во најголемиот буџет во историјата на Македонија ќе има и пари за две нови институции кои ќе произлезат од новиот закон за јазиците. Тоа ќе бидат агенцијата за примена на јазикот како и Инспекторатот за употреба на јазиците.

Функциите на овие две установи се сеуште нејасни, но едно е сигурно, Инспекторатот за употреба на јазиците ќе ја има функцијата да ги казнува граѓаните и државните институции кои нема да го употребуваат албанскиот јазик.

Бујар Османи во свое неодамнешно интервју уште пред формирањето на новата влада најави казни кои ќе достигнуваат и до 5 илјади евра за институцијата која нема да го почитува законот, а до 30 проценти за вработените.

ВИДЕО: Муковски ја запеа химната од говорница, па гласаше за

Пратеникот на ВМРО-ДПМНЕ Крсто Мукоски кој тврдеше дека не ги отворил вратите на македонското собрание на 27 април кога група насилници ги нападнаа пратениците од СДСМ и албанските политички партии, вчера, по излегувањето од домашен притвор гласаше „за“ промена на уставот со цел промена на уставното име на Република Македонија.

Мукоски подолг период беше во притвор, по што потоа мерката притвор беше замената со куќен притвор.

Мукоски тогаш во повеќе наврати избегнуваше да одговори, но воедно и негираше дека тој ги отворил вратите од Собранието, иако на снимките јасно се гледа дека токму тој и Сашо Василевски се тие кои овозможуваат на граѓаните да влезат во Собранието.

Мукоски беше оној кој го предводеше и „хорот“ на ВМРО-ДПМНЕ, но и на сите други пратеници кога се пееше македонската химна во македонското Собрание.

Се поставува прашањето дали токму притворот и притисокот за тој 27 април сепак е вистинската причина што Мукоски, но и дел од другите нивни колеги се одлучија да гласаат „за“ промена на уставот, со цел промена на уставното име на Република Македонија.

Кои се следните чекори во процесот за уставни измени?

Со 80 гласа „за“, синоќа во Собранието на РМ беше донесена одлуката за уставни измени, предвидени со договорот кој со Грција беше потпишан во Преспа.

Вчерашното гласање беше само почетна фаза, а следуваат уште неколку за овој процес да се комплетира.

После ова, Владата ќе интервенира со четири амандмани во македонскиот устав, ќе ги подготви, а потоа истите треба да минат на претрес во две комсии во Собранието, додека расправата за нив може да трае по три ден.

По утврдувањето нацрт на секој од амандманите, се отвора јавна дискусија, во кој пратениците можат да поднесат амандмани на амандманите.

И за нив следува претрес во две комсии, по што Собранието се изјаснува поединечно за секој амандман на уставните амандмани.

Премиерот Заев на вчерашната прес-конференција кажа дека очекува што поголем број пратеници да се приклучат кон следната фаза.

„Ние гласавме за потребата од уставни промени, допрва ќе се гласа за нацрт амандманите, ќе се гласа со двотретинско мнозинство за амандманите“, истакна Заев.

Заев посочи дека постои иницијатива од пратениците во четирите амаднмани, да се зајакне нашиот јазик и идентитет, и поради тоа Владата е подготвена да соработува со Парламентот за да ја обезбеди поддршката.

Следува рок од 15 дена за доставување на амандманите, но според Заев колку порано се заврши, толку порано и грчкиот парламент ќе ја донесе одлуката.

(ВИДЕО) Говорот на пратеничката на ВМРО која гласаше ЗА: Немаме право да го менуваме името!

По вчераното гласање за отварање на процесот за измена на усавот во Собранието на Република Македонија,  да се потсетиме што зборуваше пратеничката од Берово, Емилија Александрова.

Имено, пред само неколку дена таа се обрати пред пратениците и рече дека ќе го почитува Уставот и ќе ги брани интересите на Република Македонија.

Јавноста е заинтересирана да дознае која е причината за пратеничката на ваков начин да го промени својот став и да гласа против вољата на народот изразена на референдумот на 30 септември.

Популарно