Пет деца заразени во градинка во Карпош од опасен вирус кој може да предизвика воспаление на мозокот

Пет дечиња од градинката Орце Николов во Карпош 2 заболеле од коксаки вирус. Пред два дена во скопскиот центар за јавно здравје заболувањето го пријавила директорката на градинката. Епидемиолозите направиле увид и констатирале дека заразените се од групата јасли. Во објектот била  направена целосна дезинфекција. Откако загрижени родители се пожалиле кај градоначалникот Богоев, тој утрово лично бил во Орце Николов.

-Бев да видам каква е состојбата и ми кажаа дека се преземени сите превентивни мерки и објектот е чист, односно се почитуваат хигиено санитарните услови, вели Стефан Богоев, градоначалник на Карпош.

Вработени во градинката велат дека нема проблем со згрижувањето на децата а некои родители кои ги затекнавме пред објектот и не се запознаени дека има коксаки вирус.

-Не, не сум запознаена, вели родител

Вирусот е препознатлив по осип на раце или нозе и зголемена телесна температура. Може да помине со благи симптоми, но според лекарите доведува и до тешки компликации како воспаление на мозок. Коксаки уште е наречен и болест на нечисти раце. Градоначалникот Богоев најави контрола во сите градинки.

-Наредната недела имам во план да ги посетам сите градинки и училишта во општината и да видам каква е хигиената, таа е најважен услов, вели Богоев.

Вчера и денеска не е регистриран нов случај на коксаки во градинката Орце Николов. И во октомври беа регистрирани неколку случаи во други градинки во градот.

.Надлежните велат дека нема простор за паника и дека надлежните во градинката ги презеле сите неопходни мерки за заштита. За попладне закажале средба со родители на која ќе ја објаснат целат состојба. 

ВИДЕО од ноќното отстранување на споменикот на Ќосето

По детално испитување на фактичката состојба, надлежните служби донесоа решение дека се работи за дивоградба, соопштија денеска од општина Центар во врска со отстранувањето на споменикот на Андон Јанев Ќосето од пред Врховниот суд во Скопје.

При увидот на овластениот градежен инспектор на општина Центар, се наведува, е констатирано дека спомен-обележјето не е поставено на одобрената микролокација и издаденото решение од страна на град Скопје.

Од општината посочуваат дека одлуката за подигање на спомен обележје на Андон Јанев Ќосето ја донел тогашниот Совет на општина Центар на 28 декември 2012 година и тука е направено и основното прекршување на законот, бидејќи во член 1 стои дека одлуката се носи заради одбележување на делото и оддавање почит на македонскиот комита и револуционер од илинденскиот период.

Според Законот за меморијални споменици и спомен-обележја, настаните и личностите што се одбележуваат со меморијален споменик треба да се од исклучително значење за развојот на државноста на Република Македонија и за нејзиниот државно-правен континуитет и да се вградени во историскиот развој на земјата. Меморијален споменик може да подига Собранието на Република Македонија, Советот на општините, на градот Скопје и на општините во градот Скопје за одбележување со спомен-обележја на настани и личности што се од локално значење, донесува програма за одбележување на значајни настани и истакнати личности со спомен-обележја..

Решението за поставување на спомен обележјето на Андон Јанев Ќосето е донесено од поранешниот Совет на град Скопје на седница одржана на 14 јули 2014 година, информираат од општина Центар.

Градоначалникот Шилегов, на конференцијата за новинарите изјави:

-  Споменикот е незаконски поставен и затоа ќе преземаме и слични дејствија,  но не наведе кои. Шилегов рече дека екипи на Градот Скопје за да не предизвикаат застој во одвивањето на сообраќајот на една од најфреквентните крстосници кај Врховниот суд, рано изутрината го отстраниле бесправно поставениот споменик.

На местото на постаментот ќе биде засадено дрво од Нирнберг и ќе биде поставена плоча за заштита на човековите права.

ФОТО: Град Скопје го тргна споменикот на Ќосето од пред судот

Споменикот на Ќосето е отстранет од тревникот на крстосницата кај Врховниот суд во Скопје.

Работниците кои утрово го тргаа Ќосето за добиле налог од властите на Град Скопје. Некои од нив рекоа дека по отстранувањето, ќе го носат споменикот во магацините на Металскиот завод Тито.

Споменикот со кама в рака на Андон Јанев-Ќосето, контроверзен лик познат во историјата како ликвидатор на ВМРО, е еден од петте споменици кои се издигнаа на 7 септември 2014  на различни локации во Скопје, а кои Град Скопје ги доби како донација од Здружението за духовно обединување на Сетинци, Попадинци и Крушоради од Лерин. Спомениците беа поставени во времето на градоначалникот Коце Трајановски.

Во крвта на силуваното девојче од „25 Мај“ е пронајдена дрога - била носена и пред МРТ

При испитување на крвта на 12-годишното злоставувано девојче од „25 Мај“, за да се утврди дали е бремена, анализите утврдиле дрога во нејзината крв. 

Заменик народниот правобранител Васка Бајрамовска Мустафа во вчерашното „Ноќно стдио“, на „Телма“ вели дека институциите потфрлиле при заштитата на девојчето за кое државата требало да се грижи, откако им била одземена на родителите. Според неа, се работи за исклучително интелегинтно девојче, за своја возраст. Во номеври минатата година наполнила 12 години, а првите извештаи за неа дека била жртва на сексуално злоставување потекнуваат од 2016 година. 

– Народен правобранител го испита случајот. Во декември 2016 е прво запишување за девојчето дека е во својство на минувач и до моментот кога јавноста дознава за неа имаме податоци дека е во постојано бегство. Имаме потврда дека била носена пред МРТ за да дава сексуални услуги. Цела година се случувало тоа и нешто да не се преземе е надвор од разумот – вели заменичката на народниот правобранител.

Популарно