Ископал тунел од дома до кафеана, пиел секоја вечер додека жена му спиела

Водоинсталатер од Ирска, верувале или не, ископал тунел од својата спална соба со локалниот паб кој се наоѓа на 800 метри одалеченост од куќата.

За тоа му биле потребни цели 15 години, а на идејата дошол откако гледал филм. Причина – неговата сопруга силно хрчела.

Патси К. добил повик за на суд откако поради него под куќата на соседот пукнала канализациона цевка.

Тој на суд раскажал се поврзано со неговиот тунел, како и причините поради кои копал изминатите 15 години.

-Мојата жена има проблем во хрчењето. Откако го гледав филмот The Shawshank Redemption во 1994 година одлучив да преземам нешто во врска со тоа, па почнав да копам дупка под креветот во правец на пабот. Ги користев сите можни алати, од лажица до бушилка за тунел која успеав да ја однесам во дупката додека сопругата беше на пазарување. Дури во 2009 успеав да излезам на другата страна и тоа во женскиот тоалет, изјавил Патси.

Изминатите пет години, Патси секоја вечер одел во пабот во 23 часот и се враќал во 1 часот по полноќ.

Неговата жена не ни насетувала што прави тој и каде е додека таа спие.

-Да бидам искрен, мило ми е што сум фатен. Сопругата наутро секогаш чувствуваше дека мирисам на алкохол, а јас и одговарав дека тоа е мојот природен мирис. Беше само прашање на време кога некој ќе ме фати. Сопственикот на пабот се прашуваше како секогаш доаѓам во исто време и како исчезнувам од женскиот тоалет, изјавил Ирецот.

Тунелот бил откриен откако настанал проблем со канализацијата кој е предизвикан поради пукање на цевка која Патси случајно ја удрил додека го копал тунелот.

ФОТО: Браќа близнаци се ожениле со сестри близначки

Фотографијата од свадбата на двајца браќа близнаци и две сестри близначки стана хит во светот. Паровите се вселиле дури и во куќи во соседство, одвоени само со ограда, а живееле како едно необично семејство. Потоа на свет почнале да доаѓаат и нивните деца.

Прво Дајен и Крег станале родители, кои исто така добиле еднојајчени близнаци. Инаку според статистиката, идентични близнаци добиваат 3 од 1.000 парови, а шансата идентичните близнаци да добијат идентични близнаци е една во милион.

Потоа Марк и Дарлин станале родители на две близначки, овој пат двојајчани, а неколку години подоцна добиле и син.

Фасцинантниот научен факт во оваа приказна лежи во фактот дека децата, иако од различни родители, имаат таква генетика како да се родени браќа и сестри, што било предизвикано од тоа што нивните родители, како идентични близнаци имаат иста селекција на гените.

Погледнете како изгледаат:

На оваа секси девојка и треба донатор на сперма

Наследничката на хотелот „Хилтон“, веќе контактирала агенција и е подготвена да го награди момчето кое ќе ги исполни нејзините услови.

Парис Хилтон посакала да биде мајка, па одлучила да најде донор на сперма, пренесува „Курир.рс“.

Триесет и седумгодишната наследничка на хотелот „Хилтон“, веќе контактирала агенција и е подготвена да го награди момчето кое ќе ги исполни нејзините услови.

Таа бара донорот да има добар изглед, високо ниво на интелегенција, но и да потекнува од добро семејство.

– Постои проблем бидејќи донорите не се милионери. На богатите луѓе не им е потребно да ја продадат спермата. Хилтон смета дека самохрана мајка се вклопува со нејзиниот имиџ, таа може да направи сè и не ѝ е потребен маж за да успее, – рекол нејзин пријател.

Наводно, на Хилтон ѝ е преку глава од немањето среќа во љубовта. Таа била љубоморна на својата помала сестра Ники, која има две деца.

Дали купувањето кондоми е фрлање пари?

И покрај тоа што  е  шармантен, секси и неодолив, ако партнерот одбива да стави кондом пред сексуален однос, најдобриот ваш избор е да му одолеете да искушението и да ја одложите интимната игра, особено ако се работи за партнер со кого не сте заедно долго време.

И покрај тоа што е јасно дека кондомите се најдобриот начин за заштита од инфекции, сексуално преносливи болести и несакана бременост, многу мажи пронаоѓаат најразлични изговори за да ја избегнат употребата на презерватив. „Скапи се“, „Го намалуваат задоволството“, „Ја уништуваат спонтаноста“, „Ќе излезам пред да свршам“... изговори колку и да сакате. Во една таква ситуација кога мажот одбива безбеден секс, останува на вас да застанете цврсто на ставот дека не треба да продолжите без заштита.

[Пар во кревет] Кондомите се најефективен метод за заштита од несакана бременост и СПБ

Еве кои се најчестите машки изговори за неупотребување на кондом, како и потенцијални одговори од ваша страна:

1 Тој: „Кондомите се скапи. Зошто да фрламе пари за ништо?“

Вие: „Тоа не се фрлени пари. Здравјето е поважно од сè и знам и дека не сме спремни за дете. Х денари не се ништо, а така ќе ми биде помирна главата и нема секогаш да паничам кога ќе ми доцни.“

Кондомите се многу поевтини од посетите на гинеколог за лекување на инфекција или болест, а уште поевтини од растењето на бебе. Наредниот пат кога ќе бидете излезени, напијте се една пијачка помалку и ќе заштедите доволно. Ако сепак финансиите се главниот проблем, искористете ги акциите кои се организираат, а за време на кои бесплатно се делат кондоми.

2 Тој: „Не ми веруваш дека немам болест? Здрав сум.“

Вие: „Не станува збор за доверба. Многу луѓе имаат инфекција или СПБ, а не се свесни за тоа бидејќи немаат симптоми. Освен тоа, не се работи само за болести. Бременоста исто така ме плаши.“

Ако вашиот партнер изгледа здрав, тоа не значи дека навистина не носи некоја инфекција. Кај 50% од мажите и над 70% од жените кои имаат хламидија не се појавуваат никакви симптоми и најголем дел од нив не знаат дека имаат таков проблем. Не заборавајте дека довербата не се гради со некористење на кондом. Кондомите отпаѓаат од игра дури откако ќе биде изградена силна доверба во врската. А и во тој случај, останува ризикот од несакана бременост.

3 Тој: „Со кондом ништо не чувствувам. Се губи задоволството.“ / „Кондомот ми влијае негативно на ерекцијата.“

Вие: „Кондомите се неопходно „зло“. И мене ми се уништува задоволството ако цело време размислувам дали ќе забременам. Со кондом ќе бидам порелаксирана и верувај дека и тебе ќе ти биде поубаво ако сум поопуштена.“

Денес постојат најразлични марки кои нудат кондоми со различни големини, дебелини, вкусови... Ако вашиот партнер се жали дека гумичката му го убива задоволството, побарајте ултра-тенки кондоми. Доколку вашиот партнер има проблем да ја одржи ерекцијата кога носи кондом, помогнете му со визуелна, рачна или орална стимулација. Бонус за мажите е што многумина со кондом издржуваат подолго и полесно можат да ја контролираат ејакулацијата, па сексуалниот однос трае подолго.

4 Тој: „Само еднаш. Ќе купам наредниот пат, ветувам.“

Вие: „Еднаш слатко, цел живот татко.“

Доволно е само еднаш да го прескокнете безбедниот секс за да станете родители или да добиете некоја инфекција. Не „паѓајте“ на изговорот „само еднаш и нема повеќе“.

5 Тој: „Кондомите ја убиваат спонтаноста и го уништуваат моментот.“

Вие: „Ставањето на кондомот не мора да е непријатно искуство. Ќе го направиме забавно.“

За да не се чувствувате „прекинати“, чувајте кондом на дофат на рака. Додека тој го става кондомот, вие можете да потанцувате пред него, да се допирате заводливо или да го бакнувате страсно. Така нема да гледате на ставањето на кондомот како на несексапилна активност.

6 Тој: „И онака може да пукне. Зошто да се мачиме?“

Вие: „И сепак, кондомите се најефективниот метод за заштита од бременост и СПБ и во најголем дел од случаите не се кинат ако се употребуваат правилно.“

7 Тој: „Не ни треба кондом. Ќе излезам пред да свршам.“

Вие: „Да, но јас цело време ќе бидам напната и нема целосно да можам да му се предадам на задоволството. Освен тоа, сигурно знаеш дека може да се забремени и од предсемената течност.“

8 Тој: „Кондомите ме стегаат.“

Вие: „Можеби не си навикнат. Ако ти е проблем, ќе пробаме со друга марка.“

Навистина, ако кондомот е мал, на вашиот партнер ќе му биде многу непријатно и тешко да ја одржи ерекцијата. Но, затоа денес има кондоми со различни модели и големини. Сепак, ова е машки изговор кој често не држи вода, бидејќи кондомите многу се растегнуваат.

Креативниот машки ум може да смисли најразлични изговори. Може да се случи да слушнете и:

„Алергичен сум на кондоми“ – ова е вистина само за мал процент од мажите, другите едноставно си ја пробуваат среќата.

„Ако ме сакаше и ми веруваше, немаше да ме принудуваш да ставам кондом.“

„Никој од моите другари не користи, па сè е ОК“ – туѓата неодговорност не треба да ви служи како изговор и вие да се однесувате ризично.

„Не си плодна во овој период од месецот.“

„Свршив пред да излезам, сега е безбедно.“

Не се срамете да разговарате со вашиот партнер за користењето заштита. Сепак, ако го разголувате своето тело пред него, значи сте доволно блиски за да можете да разговарате на таа тема. Тоа не е срамен, туку разумен разговор. Тоа значи дека вие се почитувате себеси и своето тело и дека сакате да останете заштитени и здрави.

Популарно