„Не ги лекувајте со чудотворни лекови, туку со ова“

Многу родители веруваат дека постои лек кој на чудотворен начин може да влијае на зајакнувањето на имунитетот кај децата, меѓутоа, еве што советува Јевгениј Комаровски, познатиот лекар и автор на многу книги за деца.

Јевгениј Комаровски, доктор по медицински науки, телевизиски водител и автор на многу книги за нега на деца, даде ексклузивно интервју за „Спутник“ за борбата против алергии, зајакнувањето на имунитетот кај децата. Тој на многу едноставен начин дава совети како во денешно време треба да се воспитува здраво дете.

„Луѓето генерално, па и децата конкретно, имаат способност за адаптација на сите временски услови. Промената на климата може сериозно да делува на иднината на човечката цивилизација, но и премногу е преувеличено влијанието на овие  промени врз здравјето на едно дете.

Животот во современото семејство денеска се разликува од тоа што било вообичаено пред 20 или 30 години. Се е поинаку: од негата на децата, до куќната техника, клима-уредите, храната, но и времето поминато на свеж воздух, па и квалитетот на самиот воздух, спортот и рекреација во детските установи, и предучилишните и училишните. Посебно прашање е денешната медицинска етика. Паролата на агресивните фармаколози гласи: нема здрави, постојат само оние кои не се доволно темелно прегледани. За секој, па и најмал проблем, фармацевските компании имаат лек. Уште еден важен фактор се и компјутерите кои сериозно влијаат врз современото одгледување на деца и комуникација меѓу децата и родителите.

Сето ова го наведувам за да привлечам внимание на тоа дека родителите се склони да ги земат климатските фактори како оправдување за сопствените грешки и мрзеливост, бидејќи здравјето и имунитетот на децата се формираат од начинот на живот. А мајката и таткото се тие кои го обликуваат животот на детето.

Кога родителите не можат да проценат што е добро а што лошо за нивното дете, тогаш не можат да организираат правилна нега, односно режим на исхрана, вежбање, шетање, укажување на основна медицинска помош при честите детски болести – сето тоа доведува до тоа родителите “во хор“ да се повикуваат на лошата клима, загадениот воздух, неорганизираната држава, лошите лекари и итн.

Уште една типична заблуда е и тоа што повеќето возрасни се убедени дека постои лек кој на чудотворен начин може да влијае врз имунитетот на детето. Такви лекови всушност не постојат, а тоа што стои на рафтовите во бројните аптеки, се “шарени лаги“. Употребата на тие препарати служи само за тоа родителите да можат да “стават цртка“ дека направиле нешто добро за своите деца. Друга цел на продавањето на тие лекови е и да се наполнат џебовите на производителите.

Ако сакате вашето дете да не боледува, ако сакате брзо и лесно да се адаптира на животните услови и на околината кои многу брзо се менуваат, тогаш читајте, интересирајте се. А пред се немојте да дозволите детето да биде претопло облечено, немојте премногу да го храните, стимулирајте секојдневна физичка активност и немој да го држите детето во “стерилни“ услови. Со децата поминувајте повеќе време на свеж воздух и немојте да им давате “магични“ таблети за зајакнување на имунитетот. Пред се на децата и се потребни мајката и таткото“ – изјави доктор Јевгени Комаровски.

Повторно изведена мултиорганска трансплантација: Пациенти добија срце, црн дроб и бубрези

Четворица пациенти добија органи од починат донор. Министерството за здравство соопшти дека вчера е направена уште една мултиорганска трансплантација на органи, а еден пациент добил срце, други црн дроб, а двајца пациенти добиле бубрези.

Во наредните денови пациенти на Универзитетската клиника за ортопедија ќе имаат шанса да добијат и коскени ткива.

Министерот Демири му се заблагодари на семејството на донорот кои спасија најмалку четири животи.

„По добиената согласност во вторникот, вчера во раните утрински часови започнаа трансплантациите на срце, црн дроб, бубрези и коскени ткива. Упатувам огромна благодарност до семејството на донорот кои повторно не потсетија на важноста, на емпатијата и на хуманоста и во најтешките моменти од животот. Нивната одлука денес значи нов живот за некого, од вчера спасуваме најмалку 4 животи. Дарувањето органи е највисокиот чин на алтруизам кои сите нас не прави подобри луѓе спасувајќи човечки животи. Голема благодарност и до сите медицински тимови кои овие 48 часа работат со пациентите и се грижат за нивното здравје“, истакнува Демири.

Од 2020 година досега трансплантирани се 11 срца, 4 црни дроба, 38 бубрези и 24 коскено ткива, вкупно 77 органи што живот значат.

По Македонија и Хрватска чоколадата „Милка Орео“ повлечена и од БиХ

Инспекторатот за храна при Сојузната управа за инспекциски работи во Босна и Херцеговина денеска повлече од продажба 33 парчиња чоколада „Милка Орео“ поради присуство на пластика.

Управата соопшти дека откако Агенцијата за безбедност на храна на Босна и Херцеговина известила за пластични парчиња во 37 грама млечно чоколадо „Милка Орео“ со рок на траење до 18 август, инспекторите за храна извршиле контроли.

Федералната агенција за инспекција на храна најави дека ќе ги преземе сите законски мерки против одговорните.

Производот претходно беше повлечен и од Македонија и Хрватска.

Македонската Агенција за храна, минатата недела информира дека од продавниците се повлекува чоколада „милка орео“ од 37 грама поради присуство на парчиња пластика.

Производот е со сериски број OSK0934652 и со рок на употреба до 18 август 2024 година.

Чоколадата е произведена во „Монделез Полска продакшн“, а увозник е операторот со храна „ТД Нелт“

Колку килограми можете безбедно и здраво да изгубите за еден месец?

Заедничка желба на повеќе луѓе кои се на диета е брзо да ослабат. Сепак, колку е безбедно да се отфрлат несаканите килограми премногу брзо?

Безбедно и здраво слабеење значи губење на половина килограм до килограм секоја недела, што е еднакво на два до четири килограми месечно.

Можно е да изгубите повеќе килограми од ова во првиот месец на здрав начин, особено ако некој има прекумерна тежина.

Поединци кои губат 10 килограми во првиот месец или губат тежина премногу брзо, исто така се изложени на ризик од губење на вода или мускулно ткиво.

Друга причина зошто луѓето имаат тенденција брзо да губат тежина е ако се на ненамерна диета, која не е здрава или лесно да се држи долгорочно. Овие лица на крајот повторно ја добиваат тежината кога повеќе не можат да следат толку строга диета.

Кога станува збор за успешно долгорочно слабеење, важно е да се фокусирате на стабилизирање на шеќерот во крвта секој пат кога јадете, без разлика дали тоа е оброк или ужина. Ова ќе ви помогне да избегнете енергетски несреќи што може да доведат до нездрава желба за рафинирани јаглехидрати и шеќер.

Популарно