ВИДЕО: Стојанче Ангелов го сака Љубчо Георгиевски за претседател на ВМРО ДПМНЕ

Долгогодишниот член на ВМРО ДПМНЕ, Стојанче Ангелов во изјава за Канал 5 изјави дека Љубчо Георгиевски е витински кандидат за лидер на најголемата опозициска партија.

ДУИ го турка законот за јазици: До Нова Година Македонија двојазична

Комисијата за европски прашања и Законодавно-правната комисија пред полноќ ја завршија амандманската расправа за Предлог законот за употреба на јазиците. Во Комисијата за европски прашања не се гласаше за ниту еден од 90 поднесени амандмани.

Во соопштение од Комисијата се наведува дека согласно член 171-в став 1 од Деловникот на Собранието, Комисијата не успеа да се произнесе по првиот амандаман.

Во согласност со Деловникот, како што се посочува, Комисијата за европски прашања не водеше претрес и по останатите поднесени амандмани бидејќи беше истечен рокот од најмногу три работни дена за водење на претресот по амандманите. Седницата е затворена без да биде прифатен ниту еден од 90 поднесени од кои 84 од ВМРО-ДПМНЕ, четири од СДСМ и два од Беса. Законот е проследен до Собранието.

Продолжението на седницата вчера помина во долги реплики на пратениците од ДУИ, кои го образложуваа и го читаа законот. На расправата, како што најавија, не присуствуваа пратениците од Беса и ВМРО-ДПМНЕ.

Претседателот на Комисијата Артан Груби во изјава за медиумите вчера рече дека тој не може да ги ограничи пратениците во должината на нивните говори и ги отфрли тврдењата дека ова е еден вид блокада за да се спречи расправа за амандамните поднесени од Беса, СДСМ и ВМРО-ДПМНЕ. ДУИ, како што рече, не поддржува промена на текстот на законот, кој е производ на политички компромис помеѓу коалициските партнери.

Американската амбасада побара идеја за почист воздух во Скопје - Руската го реши проблемот!

Загаденоста на воздухот во Скопје која деновиве ги проби сите светски рекорди, предизвика и доза на загриженост кај Американската амбасада која преку официјалниот Твитер профил побара предлози за решение на проблемот.

Промтно реагираше и амбасадата на Руската Федерација која на повикот на амбасадата на САД во земјава за давање предлози за решавање на проблемот со загадувањето, предложи долгорочно и одржливо решение.

„Бидејќи нашите пријатели од Амбасадата на САД бараат идеи за загадувањето на воздухот во Скопје, би сакале да им го предложиме следново решение" – стои во натписот на официјалниот твитер профил на Руската амбасада во земјава, на која се гледа скица од планираниот гасовод „Турски Тек" кој според првичните планови треба да поминува низ Македонија

Oд пратеник – генерален директор, од министер – пратеник

Од пратеник – генерален директор, од  министер – пратеник. Двајца функционери од власта денеска направија рокади со функциите, информира Телма.

Васко Ковачевски од СДСМ, го напушти пратеничкото место за позицијата генерален директор во РЕК Битола. Неговото место ќе го земе Самка Ибраимовски, кој се откажа од функцијата министер без ресор, за да стане пратеник. Но, дали е тоа чекор напред или чекор назад?

Ковачевски вели дека,  новата функција ќе му биде предизвик. Навести поголеми промени во владиниот состав.

Пратеникот Артан Груби, денеска кусо одговори дека преговорите за новите министри завршиле.

Досегашниот министер тврди дека рокадата не ја прави под притисок  да ослободи место за коалиционите партнери. Вели дека не му е важна функцијата. Ги остварил програмските цели за 2018 година и го зголемил буџетот на министерството за 10 милиони денари.

Ибраимовски не го откри името на неговиот наследник, за кој рече дека е правник по струка со долгогодишно искуство.

Се уште е неизвесно дали Алијанса за Албанците ќе го задржи министерското место во Здравство, се очекува да биде избран и заменик министер за образование, а и од БЕСА, би размислиле да и се приклучат на власта иако тврдат дека засега немаат таква понуда.

Оставките на Ковачевски и на Стево Пендаровски, кој замина на позицијата Национален координарот за НАТО, ќе бидат потврдени на утрешната собраниска седница.

На истата седница, свечена заклетва ќе дадат и нивните наследници, Самка Ибраимовски и Далибор Богдановски.

Популарно