(ВИДЕО) Скандал „Македонија“: Кривична за Мими Ѓоргоска-Илиевска, ги пречекорила овластувањата, државата е оштетена со 68.000.000 денари

За кривично дело злоупотреба на службената положба и овластувањето поранешната директорка на Агенцијата за филм, Мими Ѓоргоска-Илиевска, заработи кривична пријава од Управата за финансиска полиција. Пријавата е поднесена во консултација со Основното јавно обвинителство за гонење организиран криминал и корупција, кое констатирало дека во периодот од 26.10.2016 до 18.9.2017 година Илиевска со пречекорување на своето службено овластување склучила анекс-договор, со кој извршила промена на условите на основниот договор за финансирање на проектот – играната серија „Македонија“, во вредност од 283.000.000 денари, при што го намалила бројот на епизоди од 130 на 80, без притоа да изврши намалување на цената. Со тоа ја зголемила вредноста на проектот 62 отсто, односно 109.000.000 денари во корист на Винко Грубишиќ, продуцент на „Јадран филм“ и државјанин на Хрватска.

Ова беше објавено на денешната прес-конференција во Управата за финансиска полиција, која подолго време го истражува скандалозниот проект кој од државата можеше да одлее 4,2 милиони евра. Директорот на Управата за финансиска полиција рече дека во соработка со хрватските колеги се расчистува и одливот на парите во фирмите во Хрватска, каде што завршиле најголем дел од средствата, за каква намена се користени и со каква дејност овие фирми се занимаваат. Досега е констатирано дека 3 од фирмите каде што се префрлени парите се во стечајна постапка.

Спротивно од член 4, став 1 и став 5 од основниот договор, со кој е предвидена динамиката на исплата да се врши до најмногу 20 отсто од паричните средства за развој и подготовка на производство на проектот за играната серија „Македонија“, Илиевска склучила анекс-договор и доделила парични средства во износ од 80 отсто од вкупниот износ од 85.000.000 денари за првата сезона и донела решение и исплатила 68.000.000 денари. Притоа таа не вршела континуирана контрола, надзор на наменското трошење на исплатените средства и не водела сметка за динамиката на исполнување на обврските, односно снимањето на серијата, без осигурување на исплатените средства, со што им овозможила на Грубишиќ и на „Јадран филм“ да се стекнат со противправна имотна корист на штета на буџетот за износ од 68.000.000 денари.

Што се однесува до „Јадран филм“, спротивно на член 37 од Законот за филмската дејност, иако имале обврска 65 отсто од доделените средства наменски да ги потрошат во Македонија, во три наврати извршиле откуп на девизни средства за износ од 34.428.357 денари и ги префрлиле на фирми во Хрватска и САД, како и на сметката на „Јадран филм“, „Продакшн сервис“ ДОО Загреб, кој е оновач на „Јадран филм“ ДООЕЛ Скопје.

Со избегнување на следењето и трошењето на паричните средства и обезбедувањето услови за транспарентност и пристапност на парични средства доделени на „Јадран филм“, Грубишиќ без никаков надзор од Илиевска од наменската банкарска сметка 7085605-7191000010 на „Јадран филм“ – Скопје, депонент на Шпаркасе банка од Скопје, во повеќе наврати во неколку правни субјекти во странство префрлил износ од 34.428.357 денари, што претставува повеќе од 50 отсто од вкупно примените парични средства наменети за финансирање на проектот, што е спротивно на член 37 од Законот за филмот.

Конечно, во согласност со анекс-договорот 08-62/13 од 14.6.2017 година, поранешната директорка Илиевска му овозможила продолжување на рокот за завршување на првата сезона заклучно со 4.9.2017 година, меѓутоа и по истекот на овој рок, нема исполнување на обврските, образложува Управата за финансиско работење.

Не сме првата држава која го менува името - овие 7 земји го сториле тоа пред нас

Синоќа во Собранието со 80 гласови „за“ беше изгласана одлуката да пристапување кон уставни измени,  заради имплементација на Договорот од Преспа.

Со ова се отвора патот за спроведување на Преспанскиот договор за промена на името, со цел Македонија да продолжи кон членство во ЕУ и НАТО.

Ова се седумте земји кои го променија своето име, пред нас:

Бангладеш

После раздвојувањето на Пакистан од Индија, неговиот источен дел се одвоил од новонастанатата држава и го променил името од Источен Пакистан во Бангладеш.

Шри Ланка

Шри Ланка првично се викала Цејлон.

Индонезија

Оваа држава претходно се викала Источна Индија. Недолго по отцепување од матичната земја, го променила и името.

ДР Конго

Бидејќи се одвоил од Белгија во 1960 година, се викал Република Конго, по истoимената река, за да во 1971 година стане Заир. Заир во 1997 година се преименувал во Демократска Република Конго.

Мјанмар

За да раскрсти со колонијалното минато, Бурма го сменила името во Мјанмар. Светот долго се спротивставувал на ова име, но од 2012 година ситуацијата се менува, на што влијаела и демократската транзиција.

Буркина Фасо

Француската колонија Горња Волта во декември 1984 година се преименувала во Буркина Фасо. Ова име значи „земја на исправените луѓе“, на најраспространет домашен дијалект.

Камбоџа

Камбоџа двапати го менувала името. Режимот на Црвените кмери и го дал името Кампучи по доаѓањето на влас во 1975 година, што била само транскрипција на првичното име на кмерски дијалект. Името на Камбоџа е вратено во 1989 година.

ВИДЕО: Муковски ја запеа химната од говорница, па гласаше за

Пратеникот на ВМРО-ДПМНЕ Крсто Мукоски кој тврдеше дека не ги отворил вратите на македонското собрание на 27 април кога група насилници ги нападнаа пратениците од СДСМ и албанските политички партии, вчера, по излегувањето од домашен притвор гласаше „за“ промена на уставот со цел промена на уставното име на Република Македонија.

Мукоски подолг период беше во притвор, по што потоа мерката притвор беше замената со куќен притвор.

Мукоски тогаш во повеќе наврати избегнуваше да одговори, но воедно и негираше дека тој ги отворил вратите од Собранието, иако на снимките јасно се гледа дека токму тој и Сашо Василевски се тие кои овозможуваат на граѓаните да влезат во Собранието.

Мукоски беше оној кој го предводеше и „хорот“ на ВМРО-ДПМНЕ, но и на сите други пратеници кога се пееше македонската химна во македонското Собрание.

Се поставува прашањето дали токму притворот и притисокот за тој 27 април сепак е вистинската причина што Мукоски, но и дел од другите нивни колеги се одлучија да гласаат „за“ промена на уставот, со цел промена на уставното име на Република Македонија.

Кои се следните чекори во процесот за уставни измени?

Со 80 гласа „за“, синоќа во Собранието на РМ беше донесена одлуката за уставни измени, предвидени со договорот кој со Грција беше потпишан во Преспа.

Вчерашното гласање беше само почетна фаза, а следуваат уште неколку за овој процес да се комплетира.

После ова, Владата ќе интервенира со четири амандмани во македонскиот устав, ќе ги подготви, а потоа истите треба да минат на претрес во две комсии во Собранието, додека расправата за нив може да трае по три ден.

По утврдувањето нацрт на секој од амандманите, се отвора јавна дискусија, во кој пратениците можат да поднесат амандмани на амандманите.

И за нив следува претрес во две комсии, по што Собранието се изјаснува поединечно за секој амандман на уставните амандмани.

Премиерот Заев на вчерашната прес-конференција кажа дека очекува што поголем број пратеници да се приклучат кон следната фаза.

„Ние гласавме за потребата од уставни промени, допрва ќе се гласа за нацрт амандманите, ќе се гласа со двотретинско мнозинство за амандманите“, истакна Заев.

Заев посочи дека постои иницијатива од пратениците во четирите амаднмани, да се зајакне нашиот јазик и идентитет, и поради тоа Владата е подготвена да соработува со Парламентот за да ја обезбеди поддршката.

Следува рок од 15 дена за доставување на амандманите, но според Заев колку порано се заврши, толку порано и грчкиот парламент ќе ја донесе одлуката.

Популарно