Студено, но сончево време

ВРЕМЕНСКА ПРОГНОЗА

До крајот на работната недела ќе преовладува сончево време со мала до умерена локална облачност. Утринските температури во поголемиот дел од земјава ќе се спуштат под нулата, а дневните ќе бидат во благ пораст. Во сабота облачноста ќе се зголеми, а на запад од крајот на денот ќе започнат врнежи од дожд. Преку ноќта кон недела краткотрајно врнежите ќе се прошират во поголемиот дел од земјата. Во недела претежно во западните и источните делови ќе има повремени врнежи кои понекаде на повисоките места ќе бидат од снег.

Најава за ветер што ќе ја однесе маглата!

ВРЕМЕТО ДЕНЕСКА

Променливо облачно со сончеви периоди, наутро по одделни котлини со појава на магла. Претпладне од запад ќе се прошири облачност. Ќе дува слаб до умерен, а попладне и во ноќните часови и особено на северот засилен јужен ветер. Во крајните западни делови ќе има повремен слаб дожд. Температурата во интервал од 9 до 15 степени.

Во Скопје од преку ноќта и во утринските часови со магла која претпладне ќе слабее. Ќе дува умерен јужен ветер кој особено од крајот на денот ќе засилува. Температурата до 9 степени.

ВРЕМЕТО ВО НАРЕДНИТЕ ДЕНОВИ

Под влијание на нов влажен бран утре од пладне и во текот на ноќта кон недела ќе има врнежи од дожд кои ќе бидат пообилни во западните и источните делови. Во ноќните часови на планините врнежите ќе бидат од снег, а во недела врнежи од слаб снег ќе има и на некои повисоки места особено на запад и на север. Од недела под влијание на северно воздушно струење температурите значително ќе опаднат. А од почетокот на работната недела утринските температури ќе се под нулата.

Се будиме во магла, каков ќе биде денот?

ВРЕМЕТО ДЕНЕСКА

Претежно облачно, претпладне по одделни котлини магливо. Во вечерните и ноќните часови во западните и северните делови ќе има врнежи од дожд. Ќе дува слаб до умерен југозападен ветер, кој во западните делови повремено ќе засилува. Максималната температура ќе се движи од 8 до 14 степени.

Во Скопје претпладне ќе има слаба магла, а преку денот ќе биде претежно облачно. Ќе дува слаб ветер од југоисточен правец. Максималната температура ќе достигне до 8 степени.

ВРЕМЕТО ВО НАРЕДНИТЕ ДЕНОВИ

Под влијание на јужно струење во наредните два дена ќе биде сончево со умерена облачност, а дневните температури ќе бидат релативно високи. Претпладне во некои од котлините ќе има слаба магла. Потоа за време на викендот ќе бидеме под влијание на нов влажен бран со врнежи од дожд кои ќе бидат пообилни во сабота. Од недела ќе има опаѓање на температурите и повремени врнежи од дожд и снег.

Топло, со магла и дожд

ВРЕМЕНСКА ПРОГНОЗА

Под влијание на јужно струење во наредните денови температурите ќе бидат релативно високи. Денеска по одделни котлини ќе има појава на магла. Утре облачноста ќе се зголеми, по котлините ќе биде магливо, а врнежи од дожд ќе има во вечерните и ноќните часови кон четврток во западните и северните делови. Ќе дува слаб до умерен југозападен ветер. Потоа нов влажен бран се очекува за време на викендот.

Популарно