Студено, но сончево време

ВРЕМЕНСКА ПРОГНОЗА

До крајот на работната недела ќе преовладува сончево време со мала до умерена локална облачност. Утринските температури во поголемиот дел од земјава ќе се спуштат под нулата, а дневните ќе бидат во благ пораст. Во сабота облачноста ќе се зголеми, а на запад од крајот на денот ќе започнат врнежи од дожд. Преку ноќта кон недела краткотрајно врнежите ќе се прошират во поголемиот дел од земјата. Во недела претежно во западните и источните делови ќе има повремени врнежи кои понекаде на повисоките места ќе бидат од снег.

Голем пад на температурите со дожд и СНЕГ!

За време на овој викенд ќе започне продор на постуден воздух од север со што ќе започне да дува умерен ветер од северен правец кој повремено ќе засилува на интензитет.

Времето ќе биде променливо облачно со сончеви периоди, локално и подолги и тоа особено во сабота, покрај ова ќе има и локални послаби врнежи од дожд а има услови и за локална помала нестабилност со ретки грмежи.

Максималните дневни температури на воздухот ќе се искачуваат во интервалот од 19 до 26 утре (сабота) додека во недела ќе бидат пониски и ќе се искачуваат во интервалот од 17 до 25 степени.

Веќе од недела попладне и навечер поради продор на значително постуден воздух од север температурите на воздухот значително ќе опаѓаат, дури за околу 10тина степени а ќе има и повремени локални врнежи од дожд кој локално ќе бидат нешто поинтензивни односно со умерен интензитет, врнежите ќе продолжат и во понеделник.

Поради позначителното заладување на повисоките планини ќе има и провејување на снег.

Максималните дневни температури на воздухот веќе во понеделник ќе бележат тенденција на голем пад и ќе се искачуваат во интервалот само од 11 до 17 степени.

Подготви: Славчо Попоски

Уште денеска сонце, од утре дожд и СНЕГ!

Денеска е петок, 19 октомври 2018 година, 292-иот ден во годината. До крајот на годината остануваат уште 73 дена. 

Сонцето во Скопје изгреа во 6 часот и 49 минути, а ќе зајде во 17 часот и 48 минути.

Денов трае 10 часа и 59 минути.

Месечината, која е во фаза на прва четвртина, ќе изгрее во 15 часот и 35 минути, а ќе зајде во 1 часот и 12 минути.

Временска прогноза

Времето во Македонија ќе биде сончево со умерена облачност и со слаб до умерен северозападен ветер.

Утринската температура ќе се движи од два до 10, а дневната од 22 до 28 степени.

Во Скопје слично време, сончево со умерена облачност и со умерен северен ветер. Утринската темптература ќе се спушти до седум, а дневната ќе се искачи до 25 степени.

Од сабота следува период на променливо облачно и постудено време со повремени врнежи од дожд, а на повисоките планини со услови за снег. Повремено ќе дува засилен северен ветер, а дневните темпратури позначително ќе опаднат.

Голема промена на времето во Македонија

Денеска е четврток, 18 октомври 2018 година, 291-иот ден во годината. До крајот на годината остануваат уште 74 дена. 

Сонцето во Скопје изгреа во 6 часот и 48 минути, а ќе зајде во 17 часот и 49 минути.

Денов трае 11 часа и 1 минута.

Месечината, која е во фаза на прва четвртина, ќе изгрее во 15 часот и 2 минути, а ќе зајде 15 минути по полноќ.

Временска прогноза

Времето во Македонија ќе биде сончево со мала облачност и слаб југоисточен ветер.

Утринската температура ќе се движи од еден до девет, а дневната од 22 до 27 степени.

Во Скопје претежно сончево. Утринската темптература ќе се спушти до седум, а дневната ќе се искачи до 25 степени.

До петок ќе се задржи стабилно и суво време со дневни температури над просекот за овој период од годината. Од сабота ќе започне да дува повремено засилен северен ветер, а од недела ќе преовладува променливо облачно, ветровито и постудено време со повремени врнежи од дожд.

Популарно