(ВИДЕО) Игор Дурловски, Игор Дурловски – скандираше публиката пред почетокот на „Набуко“ во МОБ

Игор Дурловски, Игор Дурловски, скандираше вечерва публиката во Македонската опера и балет. Непосредно пред почетокот на операта „Набуко“ која вечерва е на репертоарот на МОБ, дел од публиката присутна во салата го искажа својот револт од приведувањето и притворот на еден од најдобрите, ако не и најдобар македонски оперски пејач, Игор Дурловски. По извикувањето на името на оперскиот пејач, присутните не го попречија почетокот на операта.

Публиката негодува што македонскиот талент се наоѓа во притворот Скопје или познат како Шутка. Дурловски е еден од 36-те осомничени за тероризам. Тој се наоѓа во притвор од 29 ноември годинава, а заедно со него се актерот Владо Јовановски, режисерот Борис Дамовски, твитерџијата Богдан Илиевски, шестмина пратеници, од кои тројца во домашен притвор…

Нив им се суди за случувањата во Собранието на 27 април годинава, кога незадоволните граѓани влегоа во собранието откако Талат Џафери беше избран за претседател на Собранието по нестандардна процедура и за многумина спротивно на законите и уставот на РМ.

Сашо Мијалков е исклучен од ВМРО-ДПМНЕ

Екс директорот на УБК и поранешен висок функционер во ВМРО-ДПМНЕ, Сашо Мијалков е исклучен од партијата. Иако тој самиот демантираше каква било вмешаност во актуелните случувања поврзани со обезбедувањето на двотретинското мнозинство за почнување на процесот за уставни измени во законодавниот дом, сепак претседателот на партијата Христијан Мицкоски се одлучил на ваков чекор и покрај противењето на голем број на членови и симпатизери.

Неофицијално Мицкоски пред своите најблиски членови од раководството ова го објаснил како борба против „мијалковистите“.

Миленко Неделковски: полицијата ми е на врата за да ме апси!

Пред еден час новинарот мИленко Неделковски на својот Фејсбук профил објави дека полицијата му е на врата со покана за негово апсење:

„На врата ми е дојдена полиција да ме уапси. Без некоја посериозна причина. Имаат "покана", но немаат детали зошто, како, кај кој инспектор, кога...

Фашистите од режимот на Зоран Заев се решени да апсат и уништуваат по секоја цена.

Дудинка пак, ја маваат до ниво на поракава: "ovie stvarno se reseni da ne i dadat na stranata da se vkluci".

Нека апсат. Македонија е ппголема и од овој момент и од сите нас заедно.

Смрт на фашизмот - слобода за народот.“

Ни треба единство како никогаш до сега

Не е време за создавање поделби. Ни треба единство како никогаш до сега, вели екс директорот на УБК и поранешен висок функционер во ВМРО-ДПМНЕ, Сашо Мијалков во изјава за Press24.

„Заради зачестеното присуство на моето име во некои медиуми во изминатите 2-3 дена, чувствувам обврска да дадам свој коментар по однос на истите.

Имено, на денот на мојата оставка од сите партиски функции минатата година, немам учество во какво било својство и форма во работењето на политичката партија во која сум поминал децении.

Оттука, отфрлам било какви шпекулации за мое влијание врз претседателот на партијата, органите на партијата, пратениците или која било друга организациска структура во нејзин состав.

Во таа насока, сметам дека во овој момент, во интерес на сериозните предизвици со кои се соочува нашата партија, е потребно единство како никогаш до сега. Најмалку потребно во овие моменти е создавање поделби кои ќе имаат за цел да го ослабат ВМРО-ДПМНЕ.

Не смее да заборавиме дека историското ВМРО имало про-западна ориентација исто како и ВМРО-ДПМНЕ од нејзиното основање. Овој про-западен концепт беше еден од фундаментите на партијата, со крајна цел интеграција на Република Македонија во ЕУ и НАТО.

Им порачувам на сите патриоти, членови и поддржувачи на политиките на ВМРО-ДПМНЕ, дека е потребно силно и обединето ВМРО-ДПМНЕ, кое ќе биде стожер на сигурна, безбедна и просперитетна Македонија.“ – вели Мијалков за Press24.

Популарно