(ВИДЕО) Погледнете како Путин го понижил Асад сред Сирија

Во прилично понижувачкиот момент за претседател на една држава, руските војници вчера сред Сирија му го попречиле патот на Башар ал-Асад, кога тргнал по рускиот претседател Владимир Путин за време на воениот поздрав.

Потсетуваме, Путин во понеделникот дошол во ненајавена посета на Сирија, а вчера во руската база во покраината Латакија имал смотра со војниците, каде им честитал на победата против терористите на ИСИС и наредил повлекување на поголем дел од руските сили од таа држава. 

Како и во неодамнешната посета на Москва, Асад не го криел своето воодушевување при средбата со Путин, прегрнувајќи го при средбата пред камерите, откако рускиот претседател се симнал од авионот.

Но, само неколку моменти подоцна, кога Путин тргнал да се сретне со своите војници, Асад тргнал по него - но, не стигнал далеку. Еден од руските војници кои го окружувале веднаш му го блокирал патот со рака, и судејќи по снимката, му дал до знаење дека не може да продолжи со Путин.

Асад со својот гест му дал до знаење дека ја сфаќа наредбата и послушно останал на место, додека Путин продолжува да оди кон рускиот војник. Судејќи по снимката, сириски војници нема никаде во близина. Треба да се истакне уште еднаш, ова се случува во Сирија, земја во која Асад е на власт од 2000-тата година, пишува Daily Mail.

Русија е клучен сојузник на сирискиот режим, а нејзината воена интервенција во таа земја била пресуден фактор во пресвртот во граѓанската војна која трае од 2011-тата година, и во која биле убиени 400.000 луѓе.

Москва, која во Сирија започнала воена акција во септември 2015-тата година, официјално пратила помеѓу 4 и 5 илјади војници. Меѓутоа, независните аналитичари проценуваат дека тој број во реалност е многу повисок и тврдат дека значителен дел од руските сили во Сирија се платеници - иако Москва ги демантира таквите тврдења и со закон им забранува на своите граѓани да се борат како платеници. Бројот на руски жртви во војната веројатно е значително поголем од официјалната бројка од 40 загинати војници.

Како и да е, Русија судејќи по сè, ја остварила својата мисија - го спасила својот сојузник во Дамаск и го зацементирала своето доминантно влијание, додека во исто време американското влијание е сè послабо во поширокиот регион. Асад номинално и натаму останува на власт, но неговиот режим во целост зависи од Москва, како и од Техеран. А оваа снимка ја оцртува таа рамнотежа на силите.

(ВИДЕО) Авганистан: Заврши опсадата на хотелот, заложниците бегаа со чаршави преку тераси

Авганистанските специјални сили го убија и последниот од тројцата напаѓачи кои вчера упаднаа во хотелот „Интерконтинентал“ во Кабул, со што завшија опсадата и заложничката драма.

За време на опсадата беа убиени пет заложници, а ранети беа шест лица, пренесе „Ројтерс“.

Групата напаѓачи со часови држеше заложници и им се спротиставуваше на силите за безбедност. Во првичните извештаи стоеше дека се работи за четворица напаѓачи, од кои двајца беа убиени синоќа.

Портпаролот на Министерството за внатрешни работи на Авганистан Наџиб Даниш рече дека бројот на жртви сепак бил помал отколку што првично се стравуваше, откако успешно беа евакуирани 153 луѓе, од кои 41 странец.

Дописникот на „Ројтерс“ од Кабул пренесе дека на дневна светлина се гледало како од хотелот излегува густ чад, а околу зградата биле распределени неколку оклопни возила на војската на САД опремени со тешка артилерија, како и единици на авганистанската полиција.

Нападот следеше само неколку дена откако Американската амбасада во Кабул излезе со предупредување за можни напади на хотели во градот. Засега никој нема преземено одговорност за нападот.

На снимките што се појавија на социјалните мрежи, направени додека траеше опсадата на хотелот, може да се видат заложници како се обидуваат да се спасат спуштајќи се со врзани чаршави по балконите на хотелот.

(ВИДЕО) Грчки демонстранти нападнаа Македонци кои ги гледаа протестите во Мелбурн

Грчка организација во Мелбурн вчера организирала протест под мотото „Не за продажба на името Македонија и Македонија секогаш ќе биде грчка“. На протестот со транспаренти и грчки знамиња, се извикувало „Македонија е грчка“, „Скопјани“, а учествувале над 2.000 луѓе.

За време на протестот група Македонци седеле во непосредна близина на Грчкиот конзулат.

Откако ги забележале демонстрантите настанала вербална и физичка пресметка. Веднаш интервенирала полицијата, ја разбила толпата со солзавец и за кратко време тензиите се смириле.

(ВИДЕО) КАБУЛ ВО КРВ: Ги киднапираа гостите, па почнаа да ги убиваат

Најмалку четворица напаѓачи вечерва упаднаа во хотелот „Интерконтинентал“ во главниот град на Авганистан, Кабул. Тие прво ги киднапирале гостите, а потоа почнале и да ги убиваат. 

Полицијата  го обиколила регионот и хотелот. Се стравува дека има голем број мртви.

Специјалците во секој момент треба  да влезат во хотелот.

Се претпоставува дека напаѓачите се Талибанци.

Хотелот „Интерконтинентал“ беше мета на напад на Талибанците во 2011 година, кога загинаа 21 човек, меѓу кои деветмина напаѓачи.

Пред пет дена две ракети го погодија дипломатскиот дел на Кабул. 

Авганистанците имаат проблеми со Талибанците кои сакаат да ја преземат власта во нивната земја, но и во Пакистан за да го воспостават шеријатскиот закон. 

Популарно