„Пасатот“ на министрот преку две полни линии во центарот на Скопје

По притисокот на јавноста, министерот за правда, Билен Саљији, се одвикна да го остава службеното возило на тротоарот пред Министерството за правда, но сега е истото возило е фатено како прави сериозен прекршок во сообраќајот. На фејсбук бејџот „Ѕид на сообраќајниот срам“ е објавена фотографија на која јасно се гледа како истото возило излегува на улицата пред Министерството, при тоа газејќи две полни линии.

Претходно Саљији се најде на мета на јавноста затоа што неговиот „пасат“, паркиран на тротоар, го блокираше поминувањето на пешаците. Министерот потоа вети дека тоа нема да се повтори. Непосредно потоа Град Скопје постави столпчиња долж улицата „Даме Груев“, со што и спречи идна узурпација на тротоарот.

Вештачењето за смртта на Саздовски доставено до ОЈО

Во Основното јавно обвинителство Скопје интензивно се преземаат дејствија за утврдување на фактите во предметот поврзан со смртта на Никола Саздовски, кој почина по инцидент во скопската населба Автокоманда.

– По разгледување на вештачењето во контекст и на другите прибрани материјални и вербални докази, Јавното обвинителство веднаш ќе одлучи во поглед на правната квалификација и натамошниот тек на постапката, соопштија денеска од Обвинителството.

По дадена наредба од ОЈО Скопје, денеска Институтот за судска медицина, криминалистика и медицинска деонтологија при Медицинскиот факултет во Скопје, до Обвинителството достави извршено вештачење за причинско-последичната врска на нанесените повреди со смртната последица кај сега починатиот.

Во соопштението е наведено дека оваа наредба од Обвинителството следеше откако претходно беше доставен обдукцискиот протокол, а беа обезбедени и други вербални и материјални докази. Пред надлежен јавен обвинител денеска беше испитан и законскиот застапник на починатото момче.

– ​Во доставеното вештачење детално од страна на вештите лица се дава приказ за состојбата на оштетениот по случувањето на кривично-правниот настан во моментот на неговата хоспитализација, во периодот на хоспитализацијата, па се до настанување на смртната последица. Вештачењето е доставено кај надлежниот јавен обвинител на натамошно проучување, велат од Обвинителството.

„Комити“ на мирен и достоинствен марш против неправдата

Вечерва во 19.30 од плоштадот Филип Втори во Автокоманда, тргнува протестниот марш во чест на Никола Саздовски – Саздо.

Според извори во навивачки групи попладнево во Скопје се очекува присуство на фудбалски фанови од повеќе градови.

Според проценките на МВР се очекува мирен протест но преземени се сите соодветни мерки за спречување на инциденти.

Повикот за марш и правда за Саздо објавен на

Фејсбук страната на навивачката група Комитити го пренесуваме во целост:

Ве повикуваме сите Комити, сите добри луѓе, секој што се чувствува како Македонец, од секој дел на Македонија да дојде заедно со својата фамилија, со пријателите и во еден мирен и достоинствен марш да го дигнеме гласот против неправдата. Да им докажеме на “европејците” дека ние сме различни и сме поцивилизирани од “другите”.

Протестниот марш ќе се движи до Основното Јавно Обвинителство, каде што ќе се прочита известување до јавноста за неправдата, а маршот ќе заврши пред МВР, каде што симболично ќе запалиме свеќи во чест на нашиот брат.

Уште еднаш ве замолуваме на најдостоинствен и мирен начин да го изразиме нашето незадоволство за селективната правда и да се избориме за најстрога казна на сторителите на ова грозоморно дело.

ПРАВДА ЗА САЗДО !!!

ФОТО: Змии во Аеродром - населбата претворена во џунгла

Змии во општина Аеродором! Граѓаните оставени на милост и немилост. Неспособноста на Златко Марин и Петре Шилегов направија општината да личи на џунгла. Децата во парковите повеќе не се безбедни. Дојде Живот во Аеродром!, пишува на Фејсбук страницата „Аеродром во моето срце".

Популарно