Јавното обвинителство отвори постапка за „Дрисла“

Дали Дрисла сторила кривично дело - загадување на животната средина и природата ќе истражува јавното обвинителство. Од обвинителството денеска информираат дека по допрен глас отвориле постапка за загадување на животната средина и побарале од ресорното министерство податоци од сите досегашни извршени контроли врз депонијата.

„Во насока на утврдување на фактите, надлежниот јавен обвинител испрати барање до Министерството за животна средина и просторно планирање за добивање потребни податоци во врска со досегашна извршена контрола над работењето на депонијата ДРИСЛА – СКОПЈЕ ДОО, како и доколку е извршена контрола дали е констатирано почитување на протоколите за согорување на медицински отпад од страна на депонијата и други информации“ , велат од Основно Јавно Обвинителство – Скопје

Отворањето на истрагата доаѓа откако Дрисла со месеци е во фокусот на јавноста, а инспекторите за животна средина минатиот месец ја казнија со парична казна поради тоа што емитувала штетни емисии во воздухот над дозволените граници.

Депонијата уште пред шест години требало да набави нова печка. Тогашната градска администрација за набавката издала и меница од 700 000 евра, но зошто печката не била набавена не се знае. Ова денеска на прес конференција го изјави градоначалникот Петре Шилегов.

„Индикативно е зошто тоа до сега не е направено имајќи во предвид дека градот се јавил како гарант за набавка  на печа во 2012 година  со меница во висина од 700.000 евра. Зошто тоа од 2012  до 2018 не е направено ќе видиме во други постапки најверојатно“, вели Петре Шилегов – Градночаланик на Град Скопје 

ТВ24 стапи во контакт со претходниот градоначалник Коце Трајановски, но тој не сакаше да коментира , само накусо одговори дека секогаш кога имало постапка за таа печка имало и одлука на советот на Град Скопје, и не упати прашањата да ги адресираме до директорот на Дрисла.

Од Дрисла пак денеска не добивме одговор дали во 2012-та добиле 700 000 евра за набавка на нова печка и доколку добиле зошто печката не е набавена и после шест години.

Печката за согорување на медицински отпад Македонија ја доби  како донација од британската влада пред 16 години и се уште се користи и покрај тоа што не ги исполнува безбедносните стандарди. По извршените инспекциски контроли, депонијата ќе набави нова печка која ќе треба да почне да функционира најдоцна до јули, а во меѓувреме е должна да постави нови филтри за намалување на емитувањето на отровни емисии кои го загадуваат воздухот.

Сашо Мијалков е исклучен од ВМРО-ДПМНЕ

Екс директорот на УБК и поранешен висок функционер во ВМРО-ДПМНЕ, Сашо Мијалков е исклучен од партијата. Иако тој самиот демантираше каква било вмешаност во актуелните случувања поврзани со обезбедувањето на двотретинското мнозинство за почнување на процесот за уставни измени во законодавниот дом, сепак претседателот на партијата Христијан Мицкоски се одлучил на ваков чекор и покрај противењето на голем број на членови и симпатизери.

Неофицијално Мицкоски пред своите најблиски членови од раководството ова го објаснил како борба против „мијалковистите“.

Миленко Неделковски: полицијата ми е на врата за да ме апси!

Пред еден час новинарот мИленко Неделковски на својот Фејсбук профил објави дека полицијата му е на врата со покана за негово апсење:

„На врата ми е дојдена полиција да ме уапси. Без некоја посериозна причина. Имаат "покана", но немаат детали зошто, како, кај кој инспектор, кога...

Фашистите од режимот на Зоран Заев се решени да апсат и уништуваат по секоја цена.

Дудинка пак, ја маваат до ниво на поракава: "ovie stvarno se reseni da ne i dadat na stranata da se vkluci".

Нека апсат. Македонија е ппголема и од овој момент и од сите нас заедно.

Смрт на фашизмот - слобода за народот.“

Ни треба единство како никогаш до сега

Не е време за создавање поделби. Ни треба единство како никогаш до сега, вели екс директорот на УБК и поранешен висок функционер во ВМРО-ДПМНЕ, Сашо Мијалков во изјава за Press24.

„Заради зачестеното присуство на моето име во некои медиуми во изминатите 2-3 дена, чувствувам обврска да дадам свој коментар по однос на истите.

Имено, на денот на мојата оставка од сите партиски функции минатата година, немам учество во какво било својство и форма во работењето на политичката партија во која сум поминал децении.

Оттука, отфрлам било какви шпекулации за мое влијание врз претседателот на партијата, органите на партијата, пратениците или која било друга организациска структура во нејзин состав.

Во таа насока, сметам дека во овој момент, во интерес на сериозните предизвици со кои се соочува нашата партија, е потребно единство како никогаш до сега. Најмалку потребно во овие моменти е создавање поделби кои ќе имаат за цел да го ослабат ВМРО-ДПМНЕ.

Не смее да заборавиме дека историското ВМРО имало про-западна ориентација исто како и ВМРО-ДПМНЕ од нејзиното основање. Овој про-западен концепт беше еден од фундаментите на партијата, со крајна цел интеграција на Република Македонија во ЕУ и НАТО.

Им порачувам на сите патриоти, членови и поддржувачи на политиките на ВМРО-ДПМНЕ, дека е потребно силно и обединето ВМРО-ДПМНЕ, кое ќе биде стожер на сигурна, безбедна и просперитетна Македонија.“ – вели Мијалков за Press24.

Популарно