Ново апсење: Осомничен фатен на прослава во скопски ресторан

Околу 1 часот по полноќ пред ресторан во градскиот парк во Скопје полицијата уапсила еден од петмината осомничени за настаните од 27 април за кои беше распишана меѓународна потерница, потврдуваат полициски извори.  Според информации на Сител тој вечерта бил на прослава во ресторанот, а на излегување кога ги забележал полицајците се обидел да избега, но набргу бил лишен од слобода. Потоа припадниците на МВР го однеле во полициската станица Кисела Вода од каде е префрлен во истражниот затвор во Шуто Оризари бидејќи кривичниот суд во декември му одреди 30 дена притвор. Неофицијално уапсениот изминатиот период се криел во град во внатрешноста.

Тој е од Автокоманда од каде се и останатите четворица кои не се достапни за органите и за кои има меѓународна потерница зошто истражните органи оцениле дека се надвор од државата.

Сите се сомничат дека на 27 април со фантомки на главата упаднале во собранието. За овој настан обнинителството води истражна постапка против вкупно 36 лица кои се товарат за сторено кривично дело Терористичко загрозување на уставниот поредок и безбедноста.  

Македонка треба да плати 40.000 денра на извршители, но не знае зошто

Семејството на велешанката Билјана Темелковска се соочува со апсурден проблем – да плати 40 илјади денари преку извршител, а не знае за што. Вистинско изненадување за неа било кога пред извесно време и стигнал налог за извршување. Прво помислила дека е грешка, оти ги платила сите трошоци од судскиот спор кој пред пет години го изгубила. За изненадувањето да биде поголемо, токму тој судски спор е наведен во налогот за извршување како извор на долгот.

 - „Јас знам дека треба да платам, а што плаќам и на кого му ги плаќам овие пари. Што направив јас за да ги платам овие пари?!“ - вели Темелковска за 24 вести.

 - „Јас ги немам видено тужителите што ме тужат најмалку пет години, затоа што од кога заврши таа приказна со пресудата јас не ни одам на таа нива, а они одат, газат таму, повеќе не ме ни интересира“ - вели Темелковска.

 Но, со ова не се согласува извршителот Крсте Трајковски. Во телефонски разговор објасни дека со пресудата не завршиле обрските на семејството Темелковски. На нивни трошок паѓало околчувањето на патот, па затоа соседите преку адвокат и извршител го побарале тоа. Вели дека оваа обврска произлегувала од пресудата. 

ВИДЕО: Мицкоски си го заборави говорот и потполно се избуни

На денешното обраќање на протестниот марш во Велес, лидерот на опозициската ВМРО-ДПМНЕ, Христијан Мицкоски, се збуни во говорот пред граѓаните на општина Велес.

Ова лидерот на опозицијата го оправда дека е поради емоциите кои го водат.

Миленко Неделковски може да добие 5 години затворска казна

Новинарот и водител, Миленко Неделковски, на 17 јануари 2019 година првпат ќе седне на обвинителна клупа како обвинет за ширење расистички и ксенофобичен материјал на интернет. 

Обвинетиот како јавна личност – новинар, на неговиот јавен профил на „Фејсбук“, објавил коментар по повод пожарот на грчкиот полуостров Атика во кој имаше човечки жртви. Неделковски, според обвинението, со коментарот промовирал омраза кон Грците како етничка група, кои биле засегнати од катастрофалниот пожар.

За ова кривично дело, во Кривичниот законик, предвидена е казна затвор од една до пет години.

Ќе му суди судијата Марин Станевски, кој го суди случајот со смртта на малата Тамара.

Популарно