ЈСП без тендер склучи договор тежок 1,5 милиони евра

Во четири очи, без тендер, ЈСП Скопје купи дизел гориво за градските автобуси. Еден милион и петсотини илјади евра тежи договорот кој ова јавно претпријатие го потпиша со фирмата АЛОВ од Гевгелија. Недостаток на нафта била причината зошто ЈСП одлучило да се договара нс ваков начин. Пред две години потпишале договор со кој обезбедиле 15 милиони литри дизел, кој се потрошил пред да истече договорот на 20 месецов. Постојаната промена на цената на горивата е наведена како една од причините зошто се одбрал овој метод. Дневно новите кинески и украински автобуси трошеле речиси 24 илјади литри нафта.

„ Овој недостиг на ЕУРОДИЗЕЛ БС ќе предизвика пречки во редовното функционирање на превозот на патници во јавниот градски и приградски превоз во наредниот период, со што ќе биде оневозможено непречено обавување на примарната дејност на Договорниот орган. Согласно наведеното и со оглед на тоа дека Договорниот орган Не смее да дозволи да се најде во состојба во која не би можел непречено да ја обавува својата примарна дејност и би претрпел значителна економска штета“ – велат од Биро за јавни набавки

Јавното сообраќајно претпријатие паралено со потпишаниот договор за набавка на гориво во четири очи вреден еден и пол милиони евра, распиша и нов оглас за набавка на нафта за следните две години. ЈСП планира да потроши 13 милиони евра или шест и пол милиони евра годишно за нафта за автобусите. Ова јавно претпријатие изминативе години добиваше и субвенции од касата на градот. Лани со одлука на градскиот Совет на ЈСП му беа префрлени речиси 3,5 милиони евра. За 2018-та, новиот градоначалник на Скопје, Петре Шилегов од буџетот на градот одвои пари за субвенции за ЈСП. Предвидени се половина милион евра повеќе во однос на лани или вкупно 4 милиони евра, доколку во ЈСП зачкрипи и фалат пари.

Како да ги платите заостанатите сметки за вода и смет без камати и на рати?

Скопските јавни претпријатија „Водовод и канализација“ и „Комунална хигиена“ ги известуваат корисниците коишто имаат заостанат долг за потрошена вода и смет (тужен и редовен) дека имаат можност да го платат без пресметана камата за задоцнето плаќање.

„Можноста да се плати долгот без пресметана камата од страна на корисниците е со определено времетраење во рок од 20 дена, сметано од 15. октомври до 3. ноември годинава“, се наведува во соопштението.

Физичките и правните лица ќе може да го исплаќаат својот долг со склучување на договор до 24 месечни рати, во зависност од висината на долгот, појаснуваат од „Водовод и канализација“ и „Комунална хигиена“ и додаваат дека и натаму ќе спроведуваат мерки и проекти во интерес на граѓаните на градот Скопје.

ФОТО: Хероите од цртаните филмови ги посетија децата на детска клиника

Дел од Тимот за одговор при катастрофи на Црвениот Крст на град Скопје, вчера на Клиниката за детски болести во Скопје, организираше вежба како атракција за сите хоспитализирани деца и случајно затекнати граѓани.

Сите членови беа маскирани во костими на омилените Супер херои од цртаните филмови, и спуштајќи се по јаже им делеа среќа на децата.

Црвен Крст велат дека целта на настанот, е да им се даде поддршка на овие дечиња на кои им е ставрно потребна. Јуначки да ги поминат деновите за време на престојот во Детската Клиника и секако да го разубават нивниот ден. 

 Браво за оваа убава и хумана акција.

Популарно