Што предвидуваат руските медиуми за спорот на Македонија и Грција

Македонија и Грција се блиску до договор за спорот со името на македонската држава, а конечното решение ќе доведе до сериозни геополитички промени на Балканот, пишува московскиот весник „Комерсант“.

Според тврдењата на весникот, по договорот, Скопје речиси сигурно ќе добие повик за членство во НАТО.

Весникот наведува и дека конечниот договор за името може да биде постигнат веќе следната недела во Њујорк. Според весникот, во прилог на тоа  дека новата рунда преговори може да биде клучна, одат и консултациите кои во Атина ги имаше македонскиот вицепремиер Бујар Османи.

„Решавањето на спорот меѓу Скопје и Атина, кој трае повеќе од две и пол децении, не само што ќе го сруши клучниот проблем во нивните односи туку и ќе има сериозни геополитички последици по регионот“, оценува весникот.

„Комерсант“ потсетува дека на самитот на НАТО во Букурешт во 2008 година земјите членки на Алијансата ветија членство за Македонија, штом ќе се реши прашањето за името.

„Ова значи дека Скопје би можело да добие покана веќе во јули на следниот самит на НАТО, а да стане 30. членка на Алијансата за една година“, заклучува весникот.

ВИДЕО: Во мобилниот телефон на Владислав Рослјаков пронајдена страшна снимка која ја направил пред да се самоубие

За масакрот во Политехничото училиште во Карч, во источниот дел на Крим, одговорен е 18-годишниот Владислав Рослјаков.

Тој прво одел низ училиштето и пукал, а потоа поставил бомба полна со метални делови во кафетеријата, за на крајот да изврши самоубиство. Во крвавиот поход убил најмалку 18 луѓе, а ранил 70 лица. 

Неговото безживотно тело било пронајдено во библиотеката на вториот кат на училиштето. Кај него бил пронајден неговиот мобилен телефон со последното видео кое го снимил пред да се самоубие. Владислав бил ученик во четврта година.

Истражниот комитет на Русија кривичното дело го преквалификувало од терористички напад во убиство на две или повеќе лица. Комитетот соопштил дека убиените во нападот настрадале од прострелни рани.

Во училиштето во текот на претресот биле откриени и други експлозивни направи! Премиерот на Крим, Сергеј Аксијонов, вели дека напаѓачот делувал сам.

ФОТО: Хрватка преку Фејсбук статус ја објансува ситуацијата во Македонија

„Замислете тие да ни го земаат целиот наш брег (од кој заработиме околу 11 милијарди евра годишно од туризмот) и плодните обработливи полиња како што е Славонија.

Во текот на сто години, Грција ги окупираше, им ја зеде Егејска Македонија, нивното море, најплодните полиња кои ја хранат цела Грција. Од 1943 до 1949 година, го одработија својата работа до крај, направија етничко чистење на Македонците, на оние кои останаа  им беше забрането да се нарекуваат себеси Македонци, а кој ќе проговорел македонски, му ставале зажарен јагленот на јазикот.

Најголемиот грчки кошмар е тие прашања да се стават на маса. Затоа, меѓу другото, е и притисокот за Македонија да го смени името, бидејќи тогаш тоа не им го правеле на Македонците, туку на своите во некоја внатрешна граѓанска војна.

Доаѓа време да се разоткрие грчкиот фашизам“, пишува извесна Хилда Рај, на нејзиниот ФБ профил.

Саудијците брутално одговориле на заканите на Трамп

Саудиска Арабија денес предупредила дека ќе одговори на сите закани и евентуални мерки, по изјавата на претседателот на САД, Доналд Трамп дека жестоко ќе го казни Ријад ако се воспостави дека е негова одговорноста за исчезнувањето на саудискиот новинар Јамал Кашоги.

Соопштението кое го објавила државната новинска агенција на Саудиска Арабија уследило откако на берзата во таа земја денес бил забележан пад од седум проценти. 

"Саудиска Арабија ги отфрла сите закани и обиди за поткопување, било какви економски санкции и политички притисок, или повторување на лажни обвиненија".

Ако против Саудиска Арабија бидат преземени било какви мерки, таа ќе одговори посилно, се наведува во соопштението. Во соопштението не се наведува директно исчезнувањето на Кашоги, за кој турските службеници веруваат дека е убиен и исечкан на парчиња кога на 2. октомври дошол во саудискиот конзулат во Истанбул, по документи кои му се потребни за женење. Саудиските службеници ги отфрлиле тие обвиненија како неосновани, но не изнеле ниеден доказ дека Кашоги го напуштил конзулатот. 

Трамп рекол дека Ријад ќе биде "тешко казнет" ако се открие негова одговорност во исчезнувањето на Кашоги, колумнист на "The Washington Post".

"Ќе го истражиме тој случај детално и ќе има жестоки казни. Во овој момент ие негираат и негираат одлучно. Дали би можеле да бидат виновни? Да.", рекол Трамп во интервју за CBS, кое било емитувано денес.

59-годишниот Кашоги од минатата година живеел во САД, каде побегнал од страв да не биде уапсен, а за "Washington Post" пишувал за Саудиска Арабија. Ја критикувал нејзината воена интервенција во Јемен, неодамнешниот дипломатски спор со Канада и апсењето на активисти за правата на жените.

Популарно