ВИДЕО: Ова е ромската кралица - Има 400 автомобили, вила во Италија и милиони на сметка

Амела Сеферовиќ е 60 годишна жена која е позната и под името Сена Халиловиќ. Според информациите од хрватските медиуми, таа живее на релација Босна-Хрватска-Италија. Главно престојува на својот имот во Мостар, а има и вила во Италија, поточно во Астија, пишува телеграф.рс

Ромската кралица од Босна и Херцеговина, Амела Сеферовиќ (60), која илегално заработените пари во Италија ги крие на хрватски сметки, се нашла на мета на финансиските инспектори кои покренале истрага против неа.

Хрватската канцеларија за спречување перење пари покренала постапка против група од 22 лица, главно Роми, на чиешто чело се наоѓа Амела. Како што се шпекулира, во моментов се бараат докази кои ќе ги поткрепат сомнежите дека осомничените се обиделе да исперат цели 6 милиони евра во хрватските банки.

Тие пари пред две години биле откриени на сметки зад кои стоеле лица без имот, живеалиште или вработување во Хрватска. Имињата главно се повторувале во банките и таму како корисници уплаќале големи суми.

Сепак, од Канцеларијата за спречување на перење на пари, овие активности ги оцениле како сомнителни, под претпоставка дека се работи за незаконски стекнати пари, по што покренале детални проверки.

Токму споменатата Амела Сеферовиќ се обидела да подигне износ од околу 20.000 евра, но не можела да објасни и да го оправда потеклото на парите. Затоа сега целиот нејзин имот и банкарски сметки во Хрватска со одлука на судот и биле блокирани, а замрзнати биле и неколку сметки на нејзините родинини.

Финансиските инпектори во Хрватска веруваат дека се работи за пари стекнати со просење во европските земји, како и со продажба на железо. Илегалната продажба на старо железо во Италија претставува кривично дело, а постојат сомневања дека со самото уплатување на парите на хрватски сметки било изблегнато плаќање на данок.

Амела Сеферовиќ е 60 годишна жена која е позната и под името Сена Халиловиќ. Според информациите од хрватските медиуми, таа живее на релација Босна-Хрватска-Италија. Главно престојува на својот имот во Мостар, а има и вила во Италија, поточно во Астија.

Официјално е мажена за Италијанец, а инспекторите веруваат дека нејзиниот имот, освен недвижностите, има и над 400 автомобили од висока класа.

Таа е чело на групата која главно е во роднински врски, но и бракови кои се склучени само за државјанство. Дел од нејзините роднини се уште живеат во Италија во бегалски кампови, но дел нив уживаат на имотите на Амела.

Таа на неколку пати подигнувала големи суми од една банкарска експозитура во Трогир, пред воопшто некој да се посомнева во потеклото на средствата.

Инспекторите, според сознанијата на хрватските медиуми, веќе со месеци работат на случајот со Амела и нејзината група, истрагата е во завршна фаза, а во неа помогнала и италијанската полиција.

Истрагата се води против Амела и уште 21 лице, а веќе од следната недела се очекува испитување на осомничените во судот во Торино каде ќе добијат уште една прилика да го објансат потеклото на парите.

Издаден е првиот родово неутрален пасош

Во Холандија е издаден првиот родово неутрален пасош. Леон Зегерс (57) добил пасош со ознака "X" во полето за пол, наместо "M" за маж или "Ж" за жена.

Роден е како маж, Зегерс во 2001 година подлегнал на операција за да стане жена, но денес се идентификува како "интерсексуалец". 

Зегерс го добил случајот на суд откако поднел тужба. Судот за тоа образложи дека тоа е спречување за регистрирање на лица како родово неутрални и е еднакво на "нарушување на приватниот живот, самоопределување или лична автономија".

Блиску до 4% од холандската јавност не се изјаснува како маж, ниту како жена.

И покрај оваа одлука на судот, и понатаму на судот му останува да одлучи дали поединецот има право да се идентификува или изјаснува како "X" личност.

НОВИТЕ CITROËN BERLINGO И CITROËN C4 CACTUS СЕ ФИНАЛИСТИ ЗА НАГРАДА НА AUTOBEST 2019

Жирито на европскиот AutoBest ги објави 6-те финалисти од повеќе од 20 кандидати. Во рамките на овој престижен натпревар Citroën во финалето учествува со 2 модели, новото Citroën Berlingo и новиот Citroën C4 Cactus. Oткако постои оваа награда, веќе 18 години, за прв пат се случува еден производител да има 2 модели во финалето. Освојувачот на наградата "Best Buy Car of Europe" за 2019 година ќе биде објавен на 15-ти декември. Воедно, Линда Џексон, извршниот директор на Citroën доби награда за најдобар врвен менаџер, прва жена во ManBest алејата на славните.

Citroën Berlingo, најпродаваниот модел на Citroën во речиси 17 земји во 2017 година, во моментов е  најпродаван модел на Citroën веднаш по C3. Во Европа тој е вториот најпродаван модел на повеќенаменски возила и останува во топ три во својот сегмент. Oд лансирањето во 1996 година па сѐ до денес, произведени се повеќе од 3,3 милиони возила. Оваа нова генерација, инспирирана од очекувањата на клиентите, е совршена илустрација на новото мото “Inspired by You”. Новото Citroën Berlingo со својата просторност и функционалност како и иновативна понуда во смисла на дизајн, прилагодливост и практичност, е идеален избор за луѓето со активен стил на живот.

Со својот уникатен карактер, новиот C4 Cactus е ултра комфорен компактен автомобил. Овој нов модел претставува надополнување на првичниот C4 Cactus, ставајќи го во нова димензија во однос на технологијата и опциите на моторот, додека продолжува да се издвојува преку својата единственост и удобност. Новиот C4 Cactus е дел од Citroën Advanced Comfort® програмата за сеопфатен пристап кон комфорот и нуди беспрекорна удобност во возењето со иновативната технологија за потпирање со Прогресивни хидраулични перничиња (Progressive Hydraulic Cushions™ – PHC), која ги филтрира нерамнините на патот така што имате чувство дека лебдите на летечки килим, а воедно е и првото возило во светот со седишта Advanced comfort.

Жирито составено од  31 член од 31 европска земја, ќе ја донесе својата финална одлука врз основа на 13 критериуми меѓу кои вредност за парите, дизајн, удобност и технологија, како и достапност на услугите за сервис и резервни делови во дистрибутивните мрежи. По групните тестови, кои ќе се одржат на 27 и 28 ноември, возилото кое ќе брои најмногу гласови ќе ја освои оваа престижна награда.

Победникот ќе биде официјално објавен на 15-ти декември.

ЗОШТО ДА СЕ ИЗУЧУВА ИТАЛИЈАНСКИОТ ЈАЗИК?

На 19.10.2018, од 11 часот, љубителите и изучувачите на италијанскиот јазик имаа можност да бидат дел од настанот одржан во рамките на Неделата на италијанскиот јазик организиран од Арс студио во соработка со Здружението на професори по италијански јазик, Италијанската амбасада во Република Македонија,Катедрата за италијански јазик и книжевност на Филолошкиот факултет „Блаже Конески“ и GuerraEdizioni.

Во рамките на настанот, присутните посведочија кои можат да бидат придобивките од изучувањето и познавањето на италијанскиот јазик.

„Италијанскиот јазик сè уште звучи како во времето на Данте, но сепак отсликува еден нов свет изграден врз темелите на една исклучително богата култура. Како што вели Андреа Рикарди: ‘Италијанскиот јазик треба да се предава како јазик на кој луѓето гледаат со симпатија а не со носталгија,’“ изјави професор Ана Комоди од Универзитетот за странци во Перуџа.

На настанот пристуствуваа италијанскиот амбасадор во Републука Македонија Н.Е. Карло Ромео, конзуларниот кореспондент на Италијанската амбасада Стојан Витанов,  претставници од Министерството за образование и наука, и други претставници на академски установи.

Како дел од настанот, беше одржан и меѓународен семинар за обука на професори по италијански јазик, и присутните добија насоки за користење на учебниците по италијански јазик Ragazzi in rete во издание на Guerra Edizioni во соработка со Арс студио.

Популарно