Може ли да се забремени за време на месечниот циклус?

Можеби некои ќе се зачудат, но прашањето „дали може да се забремени за време на месечниот циклус“ е мошне често, а одговорот е кус: „да“. Всушност не постои период кој би бил целосно безбеден за незаштитен секс, советуваат гинеколозите.

Пред да се појасни поради што е можно да се забремени за време на менструацијата, корисно е да се знае како всушност доаѓа до бременоста.

Женското тело минува низ процес, кој се нарекува овулација. Овулацијата се случува кога зрелата јајце клетка (или неколку јајце клетки) се ослободуваат од јајниците и тоа е плоден период на женскиот циклус. Секој месец во јајниците созреваат неколку јајце клетки, а вообичаено една излегува во јајоводите и тогаш е подготвена да биде оплодена од сперматозоид. Кога ќе дојде до средба меѓу сперматозоидот и јајце клетката резултатот може да биде бременост.

Ѕидот на матката во овој период се здебелува, со цел матката да се подготви за зачнување. На тој начин матката е подготвена да ја прими оплодената јајце клетка од која ќе се развие дете. Доколку не дојде до оплодување, нивото на естроген и прогестерон се намалува, здебелениот ѕид на матакта се лупи и доаѓа до појава на крварење, односно месечен циклус.

Шансите да забремените за време на циклусот се помали, отколку во друг период, меѓутоа тоа е можно.

Имено месечниот циклус не е секогаш ист. Жените имаат мошне различни месечни циклуси и некои од нив имаат крварења и меѓу циклусите, кои не се менструација. Стрес, болест и многу други работи можат да предизвикаат спречување на крварењето или крварење и кога немаат месечен циклус, па лесно може да се направи грешка, кога всушност сте имале менструација и на тој начин е тешко да се пресметаат плодните, односно неплодните денови.

Овулацијата не е целосно сигурна. Жените ги отпуштаат јајце клетките околу 12. до 16. ден пред менструацијата, меѓутоа тоа може да се случи и порано и подоцна.Освен тоа жените кои немаат месечен циклус поради малата килажа или преголемата, бидејќи дојат, бидејќи се пред менопауза, имаат некоја болест или земаат некои лекови, можат да имаат целосно непредвидлива овулација. Истражувањата покажале дека сперматозоидите во телото можат да преживеат и до седум дена, иако просечниот век е три до четири дена.

Бременоста може да се случи и за време на циклусот, бидејќи сперматозоидите во телото можат да останат неколку дена, а на жената може да и се случи да овулира набргу по менструацијата.

Закрепнувањето по „скршено срце“ трае три месеци

Раскинувањата oбично завршуваат со подолготрајна тага.

Научен труд објавен во британскиот „Журнал“ за позитивна психологија открива колку време во просек им треба на луѓето да закрепнат по болен прекин на љубовна врска.

Кога „срцето е скршено“, преовладува чувството на безвредност, што поттикнува повредената или повредениот „да се држи“ дури и поцврсто за она што веќе не е достапно. Во такви случаи се јавуваат збунетост, лутина, тага, фрустрација. Уште повеќе, ако е присутна ниска самодоверба којашто нѐ тера постојано да се обвинуваме и омаловажуваме себеси, преболувањето на раскинувањето тогаш е потешко, па тоа „заздравување“ оди побавно.

Тоа ќе рече – проценувањето колку долго ќе трае таа лоша состојба по раскинувањето зависи, до одреден степен, од самодовербата.

Според наводите, на 71 отсто од 155 млади возрасни лица им биле потребни околу 11 седмици за промена кон подобро. До крајот на тие три месеци, испитаниците можеле да ги видат добрите страни на нивното раскинување. Тие, имено, почувствувале „созреаност“ и подготвеност да се насочат кон целта – позитивни промени по раскинувањето.

Разумно е да се очекува дека зацврстувањето на ниската самоувереност по раскинувањето може да трае барем неколку недели. А пак, факторите коишто влијаат на таа временска рамка зависат од самиот човек и од врската која штотуку завршила.

Три реченици кои звучат како љубов, а всушност зад нив се крие манипулација

Понекогаш е тешко да се разликува грижата и љубовта од манипулацијата. Ова се фрази кои се користат за да се залажат партнерите.

Има луѓе кои имаат потреба да манипулираат со луѓето со кои се во врска или брак, поради некои психолошки проблеми што ги имаат.

Овие три реченици манипулаторите често ги користат како параван, бидејќи наликуваат на љубов.

„Ова го правам за твое добро“

Манипулаторот сака да изгледа како да се грижи за вас, а всушност сака да ве контролира за да ја постигне својата цел. Реченицата „Го правам ова за твое добро“ звучи како израз на грижа и љубов, но тоа е начин манипулаторот да ве принуди да го прифатите она што го прави велејќи дека е за ваша корист.

„Дали вака ми враќаш?

Кога манипулаторот ќе ви каже: „После се што направив за тебе, ти ми враќаш вака?“, тоа покажува дека сака да се чувствувате виновни. Не се залажувајте да мислите дека тој се грижи за вас. Тој само сака да ве натера да се согласите со она што тој го сака.

„Очекував повеќе од тебе“

Оваа реченица прави личноста кон која е насочена да се чувствува помалку вредна од манипулаторот. Тие се потпираат на моќта за да ги постигнат своите цели. И повторно сака да се чувствувате виновни што не го постигнавте она што требаше, според мислењето на манипулаторот.

Што се случува во телото на мажот кој подолго време нема секс?

Има многу причини зошто треба редовно да имаме секс, но покрај задоволството, важни се и причините поврзани со здравјето.

Мажите кои редовно имаат секс се позадоволни од животот и посреќни, тоа го имаат потврдено повеќе истражувања, но дали некогаш сте се прашале што се случува со вашето тело кога ќе престанете да имате секс редовно?

Ова се најчестите последици:

Еректилна дисфункција

Мажите кои подолго време немале секс, а имаат над 50 години, најверојатно ќе се соочат со проблемот еректилна дисфункција. За да останете во сексуална форма, мора да ја одржувате.

Зголемен ризик од рак на простата

Ако не мастурбирате редовно и исто така немате секс, ги зголемувате шансите за заболување од рак на простата. Истражувањата покажале дека честото ејакулирање (4 до 7 пати неделно) го намалува ризикот од рак на простата.

Висок крвен притисок

Истражувањата покажале дека луѓето кои имаат редовен секс имаат понизок крвен притисок од оние кои имаат долги паузи меѓу сексуалните активности.

Стрес

Една жешка ноќ во кревет може да ви го подобри расположението и барем на кратко да ве ослободи од грижите и стресот. Ендорфинот што се ослободува за време на сексот го подобрува расположението, а и бројни науни истражувања покажале дека сексот има поволно дејство врз луѓето кои се под стрес.

Слаб имунитет

Доживувањето оргазми е од голема корист за вашиот имунолошки систем. Медицински истражувања покажале дека мажите кои немаат секс редовно имаат послаб имунитет и се поподложни на болести.

Популарно