(ВИДЕО) Цела Босна шокирана: За што ги спрема ова исламистичко здружение овие деца

Снимката што се појави на Јутјуб под назив „Аскери Зимски камп 2018“, на која се гледа како деца од различни возрасти учат за исламот, но и прават различни вежби предизвика големи реакции во Босна и Херцеговина, но и во регионот. – Сериозно пристапивме, проверуваме, дадов наредба што е можно побрзо да ни се достават сите можни информации. По првата проверка, постојат индикативни работи, бидејќи лица од криминално миље се наоѓаат во врвот на Здружението, па се сомневам во нивните добри намери, изјави министерот за безбедност на БиХ, Драган Мекиќ. „Државната агенција за истраги и заштита располага со одредени оперативни сознанија за Здружението `Аскер“, врз основа на кои се спроведуваат одредени активности, па во овој момент не сме во можност да доставиме повеќе информации“, наведуваат од СИПА за Н1.

– Исламската заедница во Б и Х нема официјални информации за тоа дека Здружението Аскер организира верско подучување, ниту тие побарале согласност или мислење од Исламската заедница во БиХ, се наведува во реакцијата од Канцеларијата за односи со јавност на Ријасетот на Исламската заедница во БиХ.

Општинскиот совет на Усура, во чија близина е стациониран кампот побара да се истражат сите околности, со оглед на тоа дека објавувањето на видео записот на кој деца и млади во придружба на вехабии се обучуваат во кампот, „внело голема вознемиреност и предизвикало реакции меѓу граѓаните на општина Усура поради можното нарушување на безбедносната ситуација и усложнување на меѓународните односи“.

– Ги учиме децата на боречки вештини иако се мали за да почуствуваат дека телото им е силно. Воедно го јакнеме и нивниот дух. Ги подготвуваме за времето кога ќе се осамостојат и кога ќе им биде потребна силата на телото и духот, изјави за ТВ Сараево претседателот на Здружението за развој на политички и физички карактеристики „Аскер“ Енвер Хебибовиќ.

– Некому пречи тоа што децата се верски освестени, што не се срамат од тоа што се муслимани, тоа што клањаат, што признаваат дека Алах им е господар. Тие деца сигурно никому не сакаат зло. Тие се тука на доброволна база. Тие ќе пораснат во комплетни личности, кои можеби ќе бидат опасност само за злонамерните луѓе, кои спроведуваат свои планови, истакна Хебибовиќ.

На сервисот Јутјуб е објавено 20-минтуно видео за обука на 30-тина деца, повеќето на возраст до 14 години, кои кон крајот на јануари го посетувале „зимскиот камп“, организиран од вехабистичкото здружение Аскер. Дел од медиумите во Сараево наведуваат дека станува збор за редовен тренинг на деца, но медиумите на хравстски и српски јазик во Б и Х пишуваат дека сето тоа потсетува на воена обука со верска, исламска индоктринацијa.

Каменос: Ќе го ЗГАЗИМЕ Скопје за 20 минути со тенкови!

Поранешниот грчки министер за одбрана Панос Каменос во интервју во средата го напаѓаше Преспанскиот договор, велејќи дека Грција за 20 минути би ја зазела Македонија, пишува „Катимерини“

„Ние не чувствуваме никаква 3акана. Скопје е работа од 20 минути. Ако трупа тенкови решат да ја преминат границата, ќе стигнат до другата страна на Скопје. Ќе стигнат до Србија“, рече тој за грчкиот телевизиски канал ТРТ.

Тој потоа повтори дека бил „измамен“ од премиерот Алексис Ципрас, за кој рече дека првично требало да го донесе договорот за името во парламентот по март.

Поранешниот владин коалициски партнер, кој поднесе оставка од министерското место откако договорот беше донесен на ратификација во парламентот, го критикуваше и поранешниот министер за надворешни работи Никос Коѕијас велејќи дека „дејствувал предавнички“.

Вучиќ: Србија прва ќе ја признае Северна Македонија

Српскиот претседател Александар Вучиќ вечерва во Нови Сад на отварањето на манифестацијата „Нови Сад-европска престолнина на младите“, им честиташе на премиерите Зоран Заев и Алексис Ципрас на ратификацијата на Преспанскиот договор.

-Ние не се мешаме во внатрешните работи на други држави, кога договорите се постигнати и донесени. Србија им честита и на Скопје и на Атина. Србија ќе биде една од првите држави, кои својот јужен сосед ќе го признае под новото уставно име. Сакаме најдобри можни односи и со двете земји и уште еднаш им честитам на господинот Заев и Ципрас, истакна Вучиќ одговарајќи на новинарско прашање.

На прашањето за тоа колку овој договор ќе придонесе за добриот развој на односите меѓу Србија и Косово, рече дека „постојано за ова слуша приказни“, но нагласи дека „тука се работи само за името“.

– Нашите проблеми во односите со Приштина се стопати потешки.Тоа мора да го разберат луѓето, но и овие од Европа и Светот, кои кажуваат, „аха решивме еден проблем, сега ќе го решиме вториот проблем“. Да, ние сакаме да го решиме, само немојте да ги поистоветувате, бидејќи тоа се драматично различни проблеми и според тежината и според последиците и по се останато, рече Вучиќ.

Според него, политиката на Србија, а пред се заради младите, е политика на регионалната стабилност и поликата на отворени граници.

Несреќа на Шар Планина: Во лавина загина заменик-министер

Заменик-министерот за дијаспора на Косово, Аријан Даци, загина во лавина на Брезовица, која се наоѓа на косовската страна на Шар Планина, пишува српски blic.rs повикувајќи се на косовските медиуми.

„Газета експрес“ пренесува дека претставникот на полицијата во Урошевац, Басри Шабани потврдил дека лавината на Брезовица однела човечки животи.

Смртта на Даци, син на некогашниот претседател на косовскиот парламент Неџад Даци, ја потврдиле и претставници на косовската влада.

Неофицијално, жртвите скијале на необележани патеки.

Популарно