ФОТО: Мистериозна жена се обидува да влезе во становите низ Центар, Кисела вода и Бутел

На социјалните мрежи се пренесува фотографијата од оваа мистериозна жена кој во изминативе денови се обидела да влезе во станови во Центар, Кисела вода, но забележана е и во Бутел.

-Оваа жена вчера проба да влезе во сите станови од нашава зграда. Вчера буквално во сите станови ја отвораше вратата, а можеби и по другите згради во Кисле вода, напиша една жителка од оваа населба на Фејсбук.

Некои сметаат дека е под дејство на алкохол, а снимките од камерата покажуваат дека навистина делува замаено, но очевидците тврдат дека се преправа и се обидува да ја отвори вратата на секој стан. Само во еден стан од зградата влезната врата била отворена, но станарите биле внатре и ја избркале.

Во Центар се обидувала со приказната дека барала каде се пали светлото во ходникот и бара некои луѓе на погорните катови. На социјалните мрежи се споделуваат најразлични искуства со женава. Во една зграда ги вознемирила сите станари влегувајќи им буквално среде стан, а откако ќе изреагирале истрчувала низ вратата велејќи дека згрешила. Сите кои имале можност да се сретнат со неа ја препознаваат на фотографиите.

Влегува по домови, но има посочен и пример дека била и во работни простории и барала пари за лекови. Во Бутел 1 била пријавена во полиција од страна на жителите кои се вознемириле откако влегла во сите куќи без да тропне или да ѕвони, но набргу била пуштена од полицијата.

ВИДЕО: Поплава во МРТ - пуканала цевка!

ХАОСОТ во јавниот сервис трае од синоќа. Од третиот спрат во кулата течеше вода. Ова, велат револтираните вработени се случува трет пат и не беше саниран дефектот. Проблемот настанал поради пукната цевка, а водата тече на сите страни и по скалите и се слеваше во холот.

Од сите лифтови, оспособен беше само еден. Бидејќи тука има кабли, постоеше опасност од пожар за што беше викнато и против пожарно возило. Вработените се вознемирани поради негрижата за објектот а воопшто и за функционирањето на МРТВ.

Во моментов, како што не информираат на проблемот во кулата се работи, а во малите згради е санирано водоснабдувањето.

ВИДЕО: Скопјанец си направи багер и чисти снег по тротоари

На Фејсбук денеска кружи ново видео како скопјанец го чисти снегот од тротоарот на булеварот Митрополит Теодосиј Гологанов со сопствено возило наменски трансформирано во „импровизиран багер“.

Иницијативата е на деловниот објект на „Орифлејм“. Обврската за чистење на тротоарите од снег, според прописите, е на граѓаните и деловните објекти.

Фатени студентите кои поставиле телефон да ги снима женските туѓеви во СД „Кузман“

Државниот студентски дом „Скопје“ ја информира јавноста дека се идентификувани студентите кои поставиле мобилен телефон со камера на надворешната страна на прозорецот на тоалетот на третиот кат во студентскиот дом „Кузман Јосифовски – Питу“, лоциран во центарот на главниот град.

„Се работи за двајца студенти кои престојуваат во домот, а се фатени веднаш по дојавата. Безбедноста на студентите, како и заштитата на нивната приватност се многу важни за раководството. Секое нивно нарушување се зема за сериозен прекршок, а студентите ќе бидат соодветно санкционирани, согласно со правилникот“, истакнуваат од управата на студентскиот „Кузман Јосифовски – Питу“.

Од таму истакнуваат дека во моментов се работи на поставување видеонадзор во студентските домови со цел зголемување на безбедноста на студентите.

Популарно