Фамилиите на загинатите планинари со писмо до Планинарскиот сојуз на Македонија

Фамилиите на младите планинари Калина Велевска и Александар Миновски кои загинаа на Кајмакчалан испратија писмо до Планинарскиот сојуз на Македонија.

Писмото го пренесуваме интегрално:

Навистина е згрозувачки повикот на квази планинарското друштво „Трансверзалец“ од чие дилетанство, кое се граничи со умисла, загинаа нашите две деца Калина и Александар. Цели три дена од нив не чувме јавно извинување или барем некаков израз на сочувство за прерано трагично изгубените животи. Наместо тоа, друштвото што ја организирало оваа тура под водство на некаков си самопрогласен водич Зоки Москито (за кого се сомневаме дали воопшто има лиценца за организирање на тури во зимски услови, но за кого сме сигурни дека нема физички и интелектуални капацитети да води луѓе ни до Средно Водно), безобразно повикува на молк и на гушење на слободата на изразување. Се разбира, за да ги прикријат големите грешки во целиот овој настан!

Сите социјални мрежи брујат од реакции на гнев и револт поради лошата организација на целиот настан во кој попусто отидоа два млади животи. Планинарскиот сојуз на Македонија треба итно да го преиспита случајот за да се утврди евентулната одговорност и да испита од која причина има неколку противречни верзии за самиот настан. Имено, од која причина турата тргнала кога од грчката страна дале предупредување да не се качуваат бидејќи условите биле екстремно лоши, колку пари се земаат од секој учесник во турата и зошто не се одложила турата за наредната недела, за кога имало прогноза дека ќе биде сончево? Кој ја пуштил веста дека во црквичката биле заробени млада жена и нејзината ќерка и дека треба да се спасуваат? Од која причина, кога се дознало дека двајцата млади планинари ги нема, во 14,30 часот, кога се известени грчките власти, ниту тогаш, ниту во текот на целиот ден, ниту следниот ден (родителите кутри од порталите дознаа), никој од организацијата на турата не ги известил родителите, ниту блиските на двајцата млади луѓе, за несреќата и кои можеле да превземат мерки за спасување?, дали воопшто некој од ова катастрофално друштво имал лиценца за водење на тури во зимски и екстремни услови?

Како можеше ова дилетантско друштво, сега да повикува на молк на социјалните мрежи и да бидат толку транспаретни, а истите тие не дадоа никаква објава кога во 14, 30 ( според некои верзии уште во 13, 30 ), утврдија дека нашиве деца исчезнаа и кога можеше да се крена на нозе целата јавност и сите безбедносни служби во државава и во пријателска Грција, за да ни ги спаси децата? Дали особата Москито имал лиценца за водење на тура во зимски услови? Дали оваа особа има положено психолошки тест? Во кој временски период се обновуваат лиценците и кој тоа го контролира ? Од која причина, досега нема никакво известување од друштвото, а од членовите на друштвото имаме информација дека им било забрането да зборуваат било што? Од нив имаме информации дека никогаш досега не биле на вака лошо организирана тура од ниедно планинарско друштво во Македонија. Кој од членовите на турата до доцна во ноќта славеле во кафеана во Лутраки? Што правеле другите членови на групата, од кои се некои искусни планинари, а особено најблискиот и најверниот другар на Калина и Ачек- Дени Ќировски???? Колку пари од оваа тура земал лицето Москито ?

Ако времето било екстремно лошо со температура од минус 20 степени и ветер од 150 км на час, кој дозволил лицата да тргнат на турата со полулесни јакни кои не се ни за пролетни услови, а не за вака исклучително лоши. ….И редица други прашања, прашалници и дилеми, чии одговори ќе ни помогнат за лоцирање на индивудуалната и колективна одговорност за граѓанска и кривична постапка….. И нормално, да се одземе дозволата за работа на овие аматери!

Дали воопшто некој од државните власти ќе се заинтересира на кој начин овие друштва функционираат, дали ги следат прописите за безбедност на планинарите, дали овие тури некаде се пријавуваат и регистрираат, дали постои некоја евиденција, дали овие друштва имаат обврска на некого да пријават вакви тури и каков е нивниот исход? Минатата година се дозволи, младиот Мартин на возраст од 17 години, да оди на ноќна тура на Шапка, но благодарение на околноста што двајца други му го грееле телото на минус 20, истиот преживеа. Треба ли уште некој живот да изгубиме? Ќе се спречи ли ова дилетанство и анарахија и ќе се воведе ред во планинарските тури или ќе се сведе на бизнис во кој човечките животи не вредат ни пет пари????

Од фамилиите на загинатите

Што има за Бугарија во договорот од Преспа?

Бугарскиот претседател Румен Радев вели дека „изгледите за развој на нашите билатералните односи и нивното расчистување со идеолошките наслаги од блиското минато се од исклучително значење за зацврстување на поддршката на Република Бугарија за интеграцијата на Република Македонија во Европската унија и НАТО.

Според него, гласањето на промените во македонскиот устав се само почеток на еден пат кој треба да доведе до уште поголема блискост, пренесе БГНЕС.

-Резултатот од спроведеното гласање на 19 октомври 2018 година во парламентот е важен чекор за Република Македонија по еден долг историски пат. Тој треба да доведе до уште поголема блискост меѓу нашите две земји на принципите на пријателството, добрососедството и соработката, изјави денеска претседателот на Бугарија.

Режисерот Јани Бојаџи: Борбата е тешка ама ќе победиме

Режисерот Јани Бојаџи кој е потписник на писмото на 40 македонски и светски интелектуалци против Преспанскиот договор, порачува дека на крајот сепак ќе победи правдата.

Според Бојаџи тоа што во јавноста нема бурни реакции не значи дека граѓаните немаат ништо против одлуката на Собранието за промена на уставот.

“Да не ве лаже тишината! Фашизмот е демонска сила која секогаш се излива на улица, жестоко удара на се што ќе и застане на патот и на крајот се задушува во руините што самиот ги создава. Синоќа ви кажаа дека нема да толерираат непријатни прашања и мислења различни од нивните! Така било од Нирнберг 1934 па се до Скопје 1943 година! И тогаш цела ,,слободна,, Европа ги подржувала и ги советувала Чесите да го прифатат тоа што е оти немало друга алтернатива! Така е и сега!

СУЛТАНА вели во Ругање со Христос: Борбата е тешка, ама ќе победиме. Смрт на фашизмот – Слобода на народот”, порачува Бојаџи кој поради својот филм Ругање на Христос беше шиканиран од владата!

Пратеничката на ВМРО ДПМНЕ, Емилија Александрова која гласаше ЗА: Тешко ми е што ме исклучија од ВМРО-ДПМНЕ, но не се лутам

Општинскиот Комитет на ВМРО-ДПМНЕ од Берово, синоќа ја исклучи пратеничката Емилија Александрова од партијата, затоа што на  седница на Собранието, таа беше еден од 8-те пратеници на опозицијата кои гласаа за отпочнување на уставни измени.

Затоа што исклучувањето беше очекувано, по најавата на претседателот на ВМРО-ДПМНЕ, Христијан Мицкоски, порталот Лидер стапи во контакт со пратеничката која ја прашале зошто одлучила да гласа „За“:

-Најпрвин сакам да потенцирам дека синоќа во Собранието на Република Македонија се донесе одлука за отпочнување на постапка за амандманска расправа за измени на Уставот. А за тоа како ќе биде крајното двотретинско гласање, сепак ќе зависи од власта, односно колку е таа спремна за прифаќање на условите кои се наведени во синоќешното соопштение до јавноста.

Одлуката беше тешка навистина, свесни за сериозноста на ситуацијата како во државата така и во политиката и какви се бранувањата таа ќе направи посебно во мојата партија. Но јас и моите колеги цврсто веруваме дека тоа што дадовме шанса е правиот пат по кој треба да се движиме, нормално уште еднаш да напоменам со прифаќање на нашите услови.

Што се однесува на одлуката на партијата да не исклучи, лично ја доживеав многу тешко. Да се биде ВМРО-ДПМНЕ е вистинска чест и мене никогаш тоа чувство на припадност неможат да ми го одземат. Искрено жалам за нивната одлука кон нас, но не им се лутам. Верувам дека разумот на крај ќе преовладува кај сите, затоа што на крајот сите имаме заедничка цел. – изјави за Лидер, пратеничката која e исклучена од ВМРО-ДПМНЕ.

За потсетување, говорот на пратеничката од 10ти октомври

Популарно