Обвинителство може кривично да гони за навредите на Фејсбук за загинатите планинари

Несреќата со двајцата планинари кои загинаа искачувајќи го Кајмакчалан, покрај изразите на сочувство и неверување на социјалните мрежи, зема и друга димензија. Се појавија згрозувачки и навредливи коментари, исполнети со говор на омраза, постирани од профили со име и презиме, но и од такви, сокриени зад слогани и пароли, како што е случај со прифлот „ИМЕТО НЕ ГО ДАВАМЕ“.

Дали надлежните можат да го запрат ваквиот говор на социјалните мрежи, дали некој ќе одговара треба да покаже увидот на Обвинителството.

– Објавите се следат, истите ќе се анализираат. Ако Обвинителството утврди дека постојат елементи на кривично дело за кое се гони по службена должност, ќе реагира – велат од Јавното обвинителство.

Како дошло до несреќата во која младите планинари Калина Велевска и Александар Миновски ги загубија животите, пак, одговорот треба да го дадат грчките служби. Тоа во моментов не е во надлежност на македонските органи, но кога ќе пристигнат информациите од Грција, тие ќе ги разгледаат и ќе се одлучи дали и што ќе се преземе.

ФОТО: Џафери потпиша- Законот за јазиците е објавен во „Службен весник“

Претседателот на Собранието, Талат Џафери, на својот официјален профил на Фејсбук објави дека Законот за употреба на јазиците, или во јавноста познат како Закон за албански јазик, е објавен во „Службен весник“. Ова значи дека законот и официјално стапува на сила.

Карактеристично е тоа што од донесувањето до објавувањето во „Службен весник“ на Законот за јазиците помина точно една година. Законот за јазиците беше донесен на 11 јануари 2018 година или на истиот ден кога во Собранието, но година дена подоцна, беа изгласани уставните измени.

Џафери изминатиов период неколку пати изјавуваше дека Законот за употреба на јазиците ќе излезе во „Службен весник“ едновремено со уставните амандмани.

Министерот Манчевски ги нападна ракометарите на Твитер

- Политиката надвор од спортот. Поздрав до репрезентативците – политичари. Доста делби”, напиша министерот за јавна администрација и информатичко општество, Дамјан Манчевски на Твитер.

Министерот во чија надлежност е и МТВ2 која емитува на албански јазик и која го нападна Столе Стоилов во директен пренос, не кажува ништо за навредите и бојкотот на спортската редакција на МТВ2 кон Стоилов.

„Забранет влез за кучиња и северо-македонци“ во Вевчани

Мал е плоштадот во Вевчани да ги собере илјадниците посетители кои денеска го чекаа почетокот на познатиот Вевчански карневал. Поворката на маскираните василичари почна, а во 15.00 часот традиционалните маски на младоженецот и невестата заиграа оро на плоштадот.

Карневалот официјално за отворен го прогласи министерот, Дамјан Манчевски.

Освен традиционалните, голем е бројот на маски кои упатуваат на политичките состојби. Во дефилето има маски на политичари, на Сорос и на Усаид, на Бејли и Пешевски, а параглајдерист со себе носи транспарент „Летаме за Европа“.

Популарно