(ФОТО) Каков возен парк поседуваат скопските градоначалници

Град Скопје: Градоначалникот Шилегов се вози со сопственото возило

Градоначалникот на град Скопје, Петре Шилегов, не користи службен автомобил, туку за таа намена го користи сопственото возило.

„Град Скопје во наредниот период нема да набавува луксузни возила, но доколку се набавуваат возила за потребите на администрацијата, ќе се купуваат електромобили или екоавтомобили“, истакнале од Градот.

Кисела Вода: Темелковски оди пеш на работа, а по потреба се вози со „опел инсигнија“

За потребите на градоначалникот Филип Темелковски, Општина Кисела Вода располага со возило од „опел инсигнија“ купено и произведено во 2011 година. Тоа е со кубикажа на моторот од 1.956 и со 96 коњски сили. Бојата на возилото е металик црна. Градоначалникот Темелковски на своето работно место доаѓа пеш, односно возилото го користи само за службени потреби.

Чаир: Градоначалникот Ганиу наследи „нисан леаф“, чини 34.500 евра

Градоначалникот на општина Чаир, Висар Ганиу, како службено возило користи патнички автомобил на електричен погон, модел „нисан леаф“. Возилото е купено по спроведување на законската постапка за јавна набавка во 2016 година во износ од 7.199.000,00 денари без ДДВ или 8.494.820,00 денари со ДДВ, во бела боја со моќност на мотор од 80 kW и моќност на батерија од 24 kW. Исто така, освен возилото на градоначалникот, набавени се и 3 други автомобили од ист модел за потребите на секторите во Општина Чаир. Градоначалникот на општина Чаир не планира да го смени актуелното службено возило бидејќи овој вид возила се целосно еколошки и не емитуваат CO2. Градоначалникот на општина Чаир има свој службен возач. Вредноста од 7.199.000,00 денари без ДДВ или 8.494.820,00 денари со ДДВ е вкупната вредност за сите 4 набавени автомобили на електричен погон по спроведената постапка за јавна набавка. Цената на едно возило изнесува 1.799.750 денари без ДДВ или 2.123.705 денари со вклучен ДДВ.

Бутел: Смилевски сам се вози во позајмен „ситроен 3“

Градоначалникот на општина Бутел нема свое службено возило. Во моментот се вози во „ситроен 3“ од 2000 година, кое е во сопственост на Град Скопје.

Градоначалникот Велимир Смилевски сам се вози. Општина Бутел имаше свое службено возило, но поради дефект во инсталацијата – изгоре.

Ѓорче Петров: Градоначалникот Наумоски се вози во „ауди А4“, чини 32.000 евра

Градоначалникот на општина Ѓорче Петров, Александар Наумоски, се вози во возило „ауди А4“, кое е затекнато од претходниот градоначалник. Возилото е купено во 2005 година по цена од 32.000 евра. Кубикажата на автомобилот е 1.781. Наумоски има свој возач и засега во план е да го користи истото возило, односно „аудито“.

Аеродром: Златко Марин се вози со „бмв 320 Д“, подарок од претходната влада

Моделот на службеното возило со кое се вози градоначалникот на општина Аеродром, Златко Марин, е „бмв 320 Д“. Возилото е донација од Владата на Република Македонија со одлука број 51-1131/1, објавена во „Службен весник“ 36/11, за кое е склучен договор за давање на трајно користење на движна ствар со Министерството за локална самоуправа и Општина Аеродром на 20.4.2011 година. Година на производство на возилото е 2001 година, со работна зафатнина 1.951 цм3.

Општина Аеродром не планира нова набавка на возило за службени потреби.

Центар: Богдановиќ нема службено возило, а по потреба се вози со „шевролет спарк“

Градоначалникот на општина Центар, Саша Богдановиќ, нема службено возило. За службени потреби користи едно од возилата на возниот парк на Општината, и тоа „шевролет спарк“ и „форд фокус“. „Форд фокус“, во сива боја, од 2005 година, со 1.388 кубикажа.

„Шевролет спарк“, во црвена боја, од 2011, 995 кубикажа. Градоначалникот не планира да купи возило само за свои потреби.

Карпош: Богоев го продава џипот, а се вози со „шевролет круз“

Градоначалникот на Карпош, Стефан Богоев, на работа доаѓа со сопствено возило. За службени потреби се вози со „шевролет круз“ и има сопствен возач. Оваа Општина, како што веќе спомнавме, го продава службеното возило „ауди Љ7“ со кое се возеше претходниот градоначалник.

Општините Гази Баба, Сарај и Шуто Оризари, иако неколкупати им се јавивме, решија да не даваат информации какви службени возила на располагање имаат градоначалниците од овие општини. Фотографиите на автомобилите на општините Чаир, Ѓорче Петров и Бутел се автентични на оние што се користат, а другите се модели преземени од интернет.

Ќи има ли вечер оро и ракија околу бадниковите огнови?

Овој Бадник без коледарски огнови, Градот Скопје  апелира до граѓаните да се воздржат од палење огнови на отворено по повод прославата на божиќните празници со цел да се заштити животната средина и амбиенталниот воздух. 

И овој викенд граѓаните кои се навикнати на маалски дружби ќе организираат бадников оган, иако без поддршка на општините и Македонската православна црква.

Апелот е усогласен со градоначалниците на сите скопски општини кои решија да се откажат од доделувањето дрва од општините за оваа намена, со цел да се спречи дополнително загадување на воздухот во град Скопје.

Отец Бобан: Не палете коледарски оган, дрвата дајте им ги на сиромашните

Не палете оган на 5 јануари, не играјте оро, не прејадувајте и не пијте алкохол. Таквиот обичај е спротивен на црковното учење, велат свештениците. Според нив коледарскиот оган е пагански обичај кој не е во контекст на вистинското празнување.

Во Евангелието се вели дека навистина пастирите стоеле покрај огнот чувајќи ги своите стада. Им се јави ангел господов којшто им ја соопшти радосната вест за раѓањето на спасителот на светот. Но седеле во мир и во тишина. А ние денес околу огновите правиме толку бука што и да ни се јават ангелите за да не израдуваат со некоја вест ние нема да ги слушнеме – вели Отецот Бобан од скопската епархија.

Отец Бобан потсетува дека целото тоа славје околу огновите се случува за време на строг пост, а ние за време на тој строг пост, преку паганскиот обичај, пуштаме музика, играме оро, се прејадуваме, пиеме алкохол.

Утредента треба да одиме во црква а никој од нас не е во црква. Затоа огновите, доколку сакаме да постојат, најдобро е да ги преместиме во самиот храм и притоа прво сите да присуствуваме на Бадник во самиот храм на вечерната богослужба, да излеземе надвор доколку се запали некаков оган и сите да заминеме дома во мир и тишина. Да нема прејадување, да нема алкохол, музики кои не се во контекст на христовото празнување. Па нели е пологично да има црковна музка, самите ние да пееме црковни песни, очекувајќи го празникот кој е поврзан со Бога и со раѓањето на спасителот – вели Отецот.

Отецот од скопската епархија запрашува зошто не направиме поголемо похумано дело давајќи ги дрвјата на сиромашните, наместо да ги трошиме за пагански обичаи.

Зошто трошиме толку дрвја на тој ден за ништо, кога можеме тие дрвја да ги дадеме на сиромашните да се згрејат во своите домови. Така правиме поголемо дело отколку што ќе играме ќе пиеме и јадеме вонконтекст на празнувањето на христијанските празници – апелира отец Бобан.

Македонската православна црква

Македонската православна црква во последните неколку години не му дава поддршка на бодниковиот оган и му даде карактер на пагански обичај. Ги повикува граѓаните да го одбележат празникот со присуство на литургија.

Црквата останува на повикот кон верниците од пред две години да го почнат процесот на конечно прекинување на оваа традиција меѓу народот која нема верски елементи на празнување. Дополнително МПЦ апелираше до своите верници на овој начин да спречат загадување на воздухот.

- Верниците од секое маало, секоја улица, секоја населба или град кои планираат да организираат коледарски оган, да не го прават тоа, туку да ги донираат дрвата. Исто така, на тој начин ќе покажеме и доволна граѓанска свест во време кога главниот град Скопје, но и другите градови се соочуваат со енормно ниво на загадување – нагласија од МПЦ.

Организаторите на бадниковите огнови

Организаторите на бадниковите огнови велат дека никој не може да го спречи нивното делување затоа што се работи за вековна традиција.

- И оваа година се организиравме. Веќе се собрани парите, купена е храната, попладне ќе почнеме со подготовките, ова што се собираме е традиција еднаш годишно и ја имаме од кога сум бил дете. Ептен ни е весело и убаво, не гледам зошто би се прекинала оваа традиција, вели Жарко од Бутел.

Додека чекала ред на Рамстор љубезно пуштила постара госпоѓа пред неа. Еве што се случило на крајот

Маалски Рамстор во Капиштец пред затворање. Една каса отворена, 20тина наредени. Тишина, нема музика… нема галама. Една девојка и вели на жената позади неа, одете пред мене имате помалку за наплата. Госпоѓата љубезно и се заблагодарува. Остануваме јас и едно момче позади девојката. Ми се врти и ми вели: Одете и вие имате само овошје и велам: Навистина нема потреба не се брзам, ви благодарам на љубезноста, но таа инсистира… одам и јас пред неа. Му се врти на момчето: Ако сакате одете и вие имате само млеко. Момчето некако посрамотен, вели: Не сепак ќе ве почекам.

Сите трогнати. Реагирам на глас: Ова е навистина чудно и едновремено пријатно чувство, не сме навикнати да си даваме предност едни на други, најчесто се случува спротивното. За момент помислив дека е скриена камера од оние психо – социолошки истражувања кога се мери пулсот и навиките на народот. Се создаде една убава атмосфера. Си заминавме сите насмеани.

Влегов во влез, а комшијата побрза да ми кидне со лифтот, иако ме виде. Толку од убавото чувство. А да, девојката, не беше скопјанка, комшијата е.

Фејсбук статус на Ивана Тасев

За кого џип, за кого мопед, злоупотреба на службени возила согласно чинот

До редакцијата на Лидер пристигна фотографија од полицаец кој вози девојка на службениот моторцикл. Трендот на злоупотреба на државни службени возила не запира.

Популарно