Калина и Александар починале во рок од еден час, тврди судска медицина од Солун

На врвот Кајмакчалан, смртта настапила прво кај планинарката Калина Велеска, а еден час подоцна починал Александар Миновски. Времето на смртта е од извештајот за обдукција направен во солунскиот институт за судска медицина. а за Телма ги потврди форензичарот Леонидас Мармалакис.

Миновски Александар, 10-ти февруари, околу 11 часот навечер. Тоа е заведено како време на смрт, рече Мармалакис.

Телма:-За Калина?

Мармалакис: Истиот ден околу 10 (22) часот.

Обдукцијата утврдиле дека причина за смртта е смрзнување, потврди форензичарот од судска медицина во Солун.

Во грчкиот институт не ни одговорија дали двајцата планинари имале други повреди и  скршеници, бидејќи во полицискиот извештај кој го објави Телма во понеделник стоеше дека Александар бил најден во 22 часот во свесна состојба, а спасувачите се обиделе со ремен да го извлечат но тој им паднал во подлабока бездна и не можеле да го пронајдат.

Еден час по неуспешното спасување, Александар починал – утврдиле во солунската судска медицина.

Истрага на скопско обвинителство и оддел за насилен криминал на СВР Скопје

Десет дена по веста за трагедијата, скопското јавно обвинителство утрово соопшти дека отвораат истрага која ќе ја води секторот за насилен криминал во скопската полиција. Ќе се проверуваат три работи.

-Федерација на планинарски спортови по однос на тоа кој, кога и како ја организирал планинарската експедиција, кои се потребните услови за таква организација и дали тие биле исполнети, како и други околности.

-Планинарското друштво „Трансверзалец“, нивните акти и одлуки врз основа на кои се организираат планинарските експедиции, потребните услови што треба да се исполнат, како и околностите под кои се спроведувало искачувањето на Кајмакчалан.

-Треба да бидат обезбедени и листинзите на појдовни и дојдовни повици од мобилните телефони на починатите планинари.

Обвинителството не соопштува што ќе прави со обдукцијата и со истрагата на грчката полиција. Во солунскиот институт за судска медицина велат дека сега се прават токсиколошки анализи кои се долги и дека конечниот извештај ќе биде готов дури за неколку месеци.

Телма: Кога ќе го завршите извештајот? Кога ќе го пратите на полицијата?

Мармалакис: Треба најмалку 3 до 4 месеци.

Калина Велевска и Алексндар Миновски почина при искачување на врвот Кајмакчалан, а досега никој не презеде одговорност за трагедијата.

Миомир Серафиновиќ

Мајката на Данка бришела пораки од телефонот

Според неофицијални сознанија од истрагата, вештачењето на мобилниот телефон на Ивана Илиќ покажало шокантни и донекаде загрижувачки информации.

Имено, како што пренесе Пинк.рс многу пораки и податоци за повици се избришани.

„Она што е особено изненадувачки е што ден пред исчезнувањето и на денот на исчезнувањето на малата Данка, од телефонот се избришани многу пораки и повици. Ова го утврдиле инспекторите за високотехнолошки криминал. Пораките и повиците може да се избришат од телефонот, но да останат во базата на податоци“ рекол изворот за Пинк.рс.

Вратен и третиот мандат за формирање влада, следат нови избори во Бугарија

Претставниците на партијата „Има таков народ“ (ИТН) денеска на бугарскиот претседател Румен Радев му го вратија третиот и последен мандат за состав на влада, што тој им го врачи, со што се отвора патот за закажување на вонредни парламентарни избори.

Мандатот што и беше врачен на ИТН беше последна шанса за формирање на редовна влада во рамките на Народното собрание, јавува Бугарското радио.

Претседателот Радев сега мора да одреди датум за предвремени парламентарни избори, откако три мандати за формирање влада му беа вратени.

Хрватска: Наполитанки Кит Кат повлечени од пазарот

Хрватскиот државен инспекторат ги повлече од пазарот наполитанките „Нестле Кит Кат мини“ поради присуство на минерални масла, соопшти Агенцијата за земјоделство и храна.

Се повлекува исклучиво „Несле Кит Кат Мини“ 200 г во кесичка серија 40580734, со рок на траење од 01.2025 година, пренесува Дневник.хр.

Производител е Nestle Deutschland AG, Франкфурт, Германија, а дистрибутер за Хрватска е Nestle Adriatic д.о.о. од Загреб.

Популарно