Страшното невреме ги однесе првите жртви!

Речиси цела Европа денеска се тресеше од студ откако ледениот бран од Сибир постепено се прошири на целиот континент, однесувајќи најмалку три живот, еден во Франција и два во Полска.

Студениот бран од Сибир ја зафати во неделата попладнето Франција, каде што температурата се спушти на минус 10 Целзиусови степени, а ветерот го засилува чувството на студ како да е минус 18 степени, јавува службата Meteo France.

Триесет и петгодишен бездомник е најден мртов во неделата утрото во Валенс, на југоистокот од Франција, каде што живата во термометарот во текот на ноќта се спуштила на минус 3 степени. Првите информации наведуваат на заклучокот дека починал од студ, соопштија локалните власти.

Во Полска две лица замрзнале ноќта кон саботата. Во неделата температурата во текот на денот достигнала до минус 12 Целзиусови степени.

Во Русија државниот метеоролошки завод предупреди дека во периодот меѓу 23-ти и 28-ми февруари земјата ќе ја погодат „невообичаено ниски“ температури. Ноќта кон понеделникот во околината на Москва се очекуваат минус 24 Целзиусови степени, а во некои делови на централна Русија дури и до минус 35 степени. Во речиси цела Русија во следните три дена се очекуваат силни виулици.

Буриан, студениот сибирски ветар, исто така, ја замрзна и Италија, особено нејзиниот северен дел. Властите предупредија на големо намалување на температурите и обилни снежни врнежи. Во Рим, каде што постои страв од голем пад на температурите и мразови, детските градинки и училиштата на сите нивоа ќе останат затворени.

Во Венеција силните ветрови предизвикаа затворање на мост на пристап кон градот, а во Трст налетите на ветрот достигнале брзина до 130 километри на час.

Во југоисточна Европа, невообичаено студено време за овој период од годината се очекува во Романија, од минус 25 степени, како и во соседните балкански земји. Училиштата во Букурешт нема да работат во понеделникот и во вторникот, а слична ситуација е и во трите округа на југот од земјата, каде што се очекуваат големи количества снег.

Во централна Европа, во Австрија и во Унгарија, но и во Велика Британија, Италија и Шпанија, каде што властите го повикаа населението да се подготви за доаѓањето на метеоролошкиот феномен познат како „Москва – Париз“, фронт од извонредно студен воздух кој продира од Сибир.

Сепак, ниските температури во Белгија во неделата не ја спречија групата од стотина капачи на минус 2 Целзиусови степена, колку што биле измерени ви Уи, на истокот од земјата, да скокнат во реката Меус со вода со температура од 3 степан, за да учествуваат во традиционалното годишно „зимско препливување“ на реката, белгиска традиција која трае повеќе од половина век.

За Божиќ вистинска радост за децата

Времето денеска ќе биде променливо облачно, по одделни котлини со услови за појава на утринска магла. Ќе дува умерен, а долж Повардарието повремено засилен ветер од југоисточен правец (над 60 км/час). Кон крајот на денот и во текот на ноќта ќе има локални врнежи од дожд. Минималната температура ќе биде во интервал од 0 до 6, а максималната ќе достигне од 9 до 14 степени.

Во Скопје променливо облачно со појава на утринска магла. Ќе дува умерен, повремено засилен ветер од југоисточен правец. Во текот на ноќта ќе има врнежи од дожд. Минималната температура ќе се спушти до 0, а максималната ќе достигне 11 степени.

Под влијание на циклонска активност до понеделник времето ќе биде претежно облачно со повремени врнежи од дожд кои наместа ќе бидат пообилни (над 20 л/м2).

Во недела во текот на денот поради спуштање на студена воздушна маса врнежите од дожд ќе преминуваат во снег и во повисоките места, особено во западните делови.

Од понеделник ќе дува умерен до засилен ветер од северен правец што ќе предизвика значително заладување во текот на следната седмица.

Во кои делови од Македонија е најстудено, а каде има најмногу снег?

Најстудено со измерени -3 степени целзиусови утрово е во Скопје-Петровец и Берово, снежната покривка во Маврови Анови е 30 сантиметри, соопштија од УХМР.

Во Струмица и Демир Капија се измерени -2 степени, -1 Скопје-Зајчев Рид и Гевгелија, нула во Штип, Куманово, Велес, Кавадарци, 1 степен во Крива Паланка, 3 Прилеп, Дебар, Маврови Анови, Лазарополе и Попова Шапка, 4 Битола, Дојран, Виница, 5 Тетово, Крушево, 6 Претор и 7 степени во Охрид.

Висината на снежната покривка во 7 часот е 12 сантиметри во Крушево и 10 на Попова Шапка.

Времето во текот на ноќта и утрово, како што соопштија од УХМР, е малку до умерено облачно. Во западните делови дувало слаб до умерен ветер од западен и југозападен правец и таму температурата утрово е повисока. Во останатите делови е постудено, а во некои котлини во Повардарието има магла.

Времето денеска во најголем дел од земјава ќе биде сончево и релативно топло со мала облачност. По котлините, особено долж Повардарието постудено со појава на магла, која попладне ќе слабее. Во западните делови ќе дува слаб до умерен западен, а во југоисточните слаб северен ветер. Максималната температура ќе достигне од 8 до 17 степени.

Во Скопје ќе биде магливо и тивко, попладне видливоста ќе се зголеми. Максималната температура ќе достигне 9 степени. 

Издаден портокалов аларм во Македонија

Според најновите информации на УХМР, претпладне променливо облачно и студено, понекаде и особено во источните делови ќе провејува слаб снег.

Од пладневните часови во поголемиот дел од земјата ќе биде сончево со мала до умерена облачност.

Ќе дува умерен, а вдолж Повардарието и во источните делови силен ветер од северозападен правец (над 70 км/час).

Во Скопје претпладне променливо облачно, студено и ветровито, а попладне со сончеви периоди. Ќе дува умерен до засилен ветер од северозападен правец, особено изразен на повисоко и во источните делови од регионот, велат од УХМР.

Популарно