(ВИДЕО) Кога природата ќе повика: Од Линекер и Ана Ивановиќ, до Серхио Рамос

Серхио Рамос е топ тема во шпанските медиуми, откако на вчерашниот дуел во Еибар, едноставни исчезна од теренот на пет минути. Подоцна тренерот Зинедин Зидан на новинарите им објасни дека капитенот морал да оди во тоалет.

Случајот на Серхио Рамос е интересен, но не и еднинствен во светот на спортот. Во минатото многу спортисти се соочиле со сличен проблем, но што ако ситуацијата на спортоското борилиште не го дозволува тоа. Што тогаш ? Некои „успеале“ да го решат проблемот и останале запаментени по тоа.

На Олимписките игри во Рио де Жанеиро, атлетичарот Јоан Диниз буквално „ги наполни гаќите“ за време на трката во брзо одење. Камерите го регистрираа тоа.

Гери Линекер, легендарниот англиски голгетер, на Светското првенство во 1990 година за време на дуелот помеѓу Италија и Англија решил да се „олесни“ на теренот, а случката ја открил во интервју за Би би си.

Славниот и контроверзен германски голман Јенс Леман морал да унирира зад рекламите за време на натпревар во Лигата на шампионите.

Тенисерката Ана Ивановиќ без дозвола на судијата заминала во тоалет, а кога се вратила на теренот била санкционирана со четири поени. Еден поен за секои 20 секунди. На крајот била поразена.

Ниту атлетичарката Пола Редклиф не можела да се воздржи во 2005 година, исто како и тријатлонката Џули Мос за време на финална трка.

Зошто Бехрами не „леташе орел“?

Откако Гранит Џака и Џердан Шаќири, двајцата швајцарски репрезентативци со албанско потекло ги прославија головите за победата над Србија (2-1) со „летање орли“, провоцирајќи ги српските навивачи во Калининград, многумина без зачудени зошто во таа прослава о политичка конотација не учествувал Валон Бехрами, кој е по потекло од Косово.

Таткото на Бехрами, Рагип откри за швајцарските медиуми зошто неговиот син не им се придружил на Џака и Шаќири, кои сега се предадени на дисцилинска комисија поради своите прослави и се соочуваат со суспензија од најмногу два меча.

Бехрами е родум од Косовска Митровица.

„Валон не прави такви работи, од едноставна причина. Можеби спортот понекогаш е повеќе од спорт, ама тој не сака да се плетка во такви работи“, рекол таткото на швајцарскиот репрезентативец.

Рагип се преселил од Косово, кога Валон имал четири години, заедно со својата сопруга Халима и ќерката Валентина. Немале документи, па во средината на 90-те им се заканувала депортација.

„Немаше каде да се вратиме, па размислувавме да одиме илегално во Шведска или Германија. Но интервенираше татко на еден соиграч на Валон од младинските категории. Собраа 2.000 потписи и некако останавме. Во тоа време Валон беше подобар во скијање, затоа што само што почна да игра фудбал“, додава таткото на Бехрами.

Како што објавуваат медиумите, Бехрами не го интересира политика, туку само спорт и тој со сите фудбалери со кој играл, без оглед на етничаката припадност имал фантастичен однос и бил пример за однос кон сите.

Sport1.mk

Антиќ, Стојановски и Чековски запишани како Северно Македонци на „Евробаскет“

Глобалниот сајт „Евробаскет“ ги промени податоците за националноста на македонските кошаркари. На профилите од Перо Антиќ, Дамјан Стојановски и Ѓорѓи Чековски во делот за националноста се запишани како Северно Македонци.

Исто така доколку се одбере лигата на Република Македонија, сајтот појавува резултати од Северна Македонија. Кошаркарите имаат бројни успеси во репрезентацијата на Македонија.

Во кариерата на Антиќ се запишани клубови од земјава, Балканот и САД. Стојановски е прогласен за најдобар кошаркар на Македонија во 2014 година, додека неговиот колега Чековски е меѓу шесте најдобри играчи на првенствата во различни категории.

Сајтот „Евробаскет“ е креиран во 1997 година, кој застапува 248 кошаркари од преку 196 земји и 435 лиги. Базата ја сочинуваат профили на повеќе од 500.000 кошаркари и тренери.

Кристијан Ландов

Кривична пријава за Александар Маленко

Генералниот секретар на Пливачката федерација на Македонија, Марјан Соколовски, во интервју за весникот „Вечер“ вели дека Александар Маленко ќе биде гонет со кривична пријава заради лажно претставување како претседател на Пливачката федерација на Македонија, а дополнително ќе добие и прекршочна пријава за своите постапки.

Соколовски, кој на крајот од минатиот век беше еден од тренерите кои работеа со Александар Маленко кога тој беше најдобриот пливач во Македонија, во интервјуто ги објаснува постапките на својот пулен, што предизвикало дуализам и фантомска појава на две федерации и поделеност на клубовите и пливачите.

– Претставувајќи се како претседател во Пливачката федерација на Македонија и во ФИНА, самиот себеси си се демантира дека бил во својство на претседател, иако таа функција цело време му припаѓаше на Александар Почевски. Ние сакаме да спречиме тој повеќе да се појавува како претседател на ПФМ. Исто така ќе поднесеме кривична пријава против него, бидејќи тој се потпишал на два документа на кои не смеел да го направи тоа, вели Соколовски.

Популарно