ФОТО: Неверојтна трансформација на овој млад Македонец за само една година!

Седумнаесет годишниот Стоилковски Петар од Крива Паланка е доказ дека со напорна работа и трпение, се е возможно. Нека неговата приказна, која е далеку од крајот, ве мотивира и вас во реализација на вашите соништа. 

- Во животот е најлесно да се препуштиш на срцето за да ти избере некаква цел, само тоа и ништо друго може да те насочи кон најправилното нешто за твојата иднина. Претпоставувам дека секој во животот има некоја цел, без разлика на туѓите ставови и размислувања, секој напорно работи за да го постигне тоа што го наумил, добро или лошо. Многумина тоа го менуваат за краток период, доколку нема успех или има не доволно вложен труд, целта се запоставува и многу е тешко да се зацрта нова. Пријателски совет би ви дал никогаш да не се откажувате од тоа што го сакате, макар и да е на крајот на светот, ништо не е невозможно.

Достигнатата цел со уживање и без никаков труд е многу различна од целта која што е надмината со мака и пот. Мојата тема е бодибилдинг, целта ми е насочена кон искачување на врв од кој што ќе можам јас да ги видам сите, самиот да знам дека сум на врвот, не сите да ме видат мене. Откако наполнив десет години прв пат тргнав со мојот татко во теретана. Од самиот влез, тој сјај во очите, таа љубов на прв поглед кон здраво и фит тело, тоа не може да се опише со ниту еден збор. Од тогаш си имам зацртано цел дека еден ден ќе го имам најубавото тело. Од тогаш па се до мојата шеснаесетта година барем еднаш до двапати неделно одев на тренинг. Откако наполнив шеснаесет години, решив да го зацртам денот од кој ќе почнам секој ден да одвојувам време за напорен тренинг во кој што давам се од себе. Моментално сум на седумнаесет години, преостануваат уште точно шест недели кои ме делат од мојот прв натпревар, првиот обид за да се победам самиот себе, првата желба која што со целото срце посакувам да ја остварам, да докажам дека секој труд се исплати, дека ништо не е залудно.

Најмалку ми е битно дали ќе освојам прво место или ќе добијам некаква награда која што би ја потрошил за краток период. Моето исполнување на душата ќе биде излегувањето на бина, излегувањето на врвот, пред сите, покрај други личности со кои што заедно имаме иста цел, иста желба, но различен напор, тие не се мои противници, никој од нив не би се осмелил да го понижам доколку се истакне повеќе или помалку од мене, секој заслужува да даде се од себе и да види до каде му е завршена поставената цел. Секако овој натпревар нема да биде крајот и нема да ги зацрта моите цели како решени, секој следен ден со повеќе работа да се надминам самиот себе, да го надминам претходниот успех и неуспех, да го победам стравот во мене и да докажам на сите дека во нашите мали срца постои огромна љубов кон спортот и здравиот начин на живеење, не одделува од сите кои што не го сакаат спортот и се спротиставуваат, без разлика на каков тип на активност станува збор.

Мојата љубов  кон фитнес и бодибилдинг е неопишлива, тоа е нешто што ми го смени животот, животот кој што содржи секојдневна здрава исхрана, редовни тренинзи, вишок енергија и надополнето расположение кое што е беспрекорно. Откако го запознав ваквиот начин на живот, моето тело нема потреба од било какви штетни состојки кои би го загрозиле мојот организам. Не чекајте друг да одлучува и да раководи со вашето тело, тоа е само ваше и посочете го кон тоа што ви посочува срцето.

Испртатено до Петар Стоилковски, 17 - Крива Паланка

Д-Р Митов: „Нашите генерации им го згорчија зборот држава на младите“

Животни приоритети и принципи е темата во новото издание на „Нешто конкретно“. Нашите гости зборуваат за тоа како ненормалното стана нормално и како кршењето на правилата стана правило.

 Проф. Д-Р Аце Миленковски, Д-Р Александар Митов, Дина Јашари и Сања Ристиќ на едно место и со многу слични но и различни приоритети. На почетокот на емисијата зборувајќи за почитта, како ја стекнал, каде, со кого и кон кого, ректорот на Универзитетот Скопје, Аце Миленковски ги испочитува гостите и водителката Снеже Велков со подароци кој им ги подели во студиото. За него најголем приоритет во животот е верата. „Се родивме овде во Македонија нашата вера ја определија бабите, дедовците, нашите родители и таа е преубава вера на која што ние и припаѓаме овдека во оваа држава, без верба во Бога ништо не правиме” рече тој и ја издвои пораката на Трамп дека никој не смее да се смета како најважен и најголем освен Бог.

Сања Ристиќ најголем приоритет си е самата себе, како мајка на две деца таа смета дека децата можат да бидат среќни и здрави и здраво да се развиваат само ако имаат среќна и здрава мајка. Таа истакна дека тој приоритет не значи оти треба да се грижи за својот физички изглед односно да си посетува масажи и фризери, туку работа на сама себе да живее во мир и спокој на душата, бидејќи само така може да делува и да биде добра мајка, добра партнерка и добра во кариерата.

 Д-Р Митов зборуваше за тоа како на младите во Македонија зборот држава им е згорчен. „Ние нашите генерации им го згорчивме зборот држава на младите, ги потсеќа на корупција, криминал и разно разни глупости и кога ќе им се каже зборот држава ги потсеќа на лошо“. Негов најголем приоритет во животот е секако семејството, но меѓу другите приоритети ја издвои својата градина каде вели дека собира енергија за сите останати обврски во текот на денот, единствено му е жал што нема повеќе време да им посвети на пријателите.

Дина Јашари се пожали од условите во државните факултети, студентските домови и потсети на тоа дека за разлика од нас во Љубљана постои бесплатно студирање и условите не се споредуваат. Но и покрај се оваа млада пејачка стои на тоа дека не сака да се отсели од Македонија за евентуална подобра иднина како што тоа го прават нејзините врсници. Разликата во возраста на нашите гости фантастично ги прикажа приоритетите на секоја една генерација кои секако со годините се менуваат.

Гледајте ја емисијата на нашиот канал на YouTube, а новата веќе следната недела од 17.00 часот на Телма.

НЕ ЗАПИРА ХУМАНИТАРНАТА ПОМОШ ЗА ЛЕОНИД - DNK ја лицитира Златната бубамара, сумата достигна 150 илјади евра

Владимир Блажев од ДНК преку фејсбук информира дека утре во 22 часот завршува лицитацијата на нивната награда Златна бубамара, за хуманитарната помош за лекување на Леонид Индов, чија сума досега достигнала 150.000 илјади евра. 

Еден од лицитаторите исплатил 90 илјади евра.

„Другари ЛЕО видно расположен ви испраќа голем поздрав од Виена и ви се заблагодарува на сите вам за безрезервната поддршка која му ја давате изминатиов период, а посебно последнава недела.Да ве потсетам дека лицитацијата на Златната бубамара завршува утре во 22ч, а највисоката понуда до сега изнесува 150.000 денари. Начинот на лицитирањето ви е веќе познат. Ја пишувате сумата во коментар на мојот инстаграм (djshortypofficia) пост или на DNK фан страната на ФБ“, пишува Владимир Блажев.

Популарно