МВР БЕЗ ОГЛАС купи нови Шкоди од фирма што му донирала пари на СДСМ

Фирма која се водела како донатор на СДСМ го добила тендерот за набавка на нови полициски автомобили марка Шкода со парите кои државата ги доби како донација од Чешка, јавува БИРН.

Станува збор за фирмата „Делукс-ауто“ од Куманово која може да се види дека на СДСМ му донирала во 2016 година. 

БИРН јавува дека Чешка парите ги донирала во јуни 2017 година, а договорот за набавка е склучен 3 месеци подоцна во септември. 

Интересно е што на тендерот учествувале најголемите компании кои се и увозници на овие возила како Порше Македонија која е и увозник на овие автомобили. За да биде уште поинтересно, фирмата Делукс-ауто автомобилите ги набавува токму преку Порше Македонија.

Сепак од Порше Македонија велат дека постапката била транспарентна па не поднеле жалба.

(ВИДЕО) Заев: Можеби Груевски можеби бил киднапиран?!

Темата околу бегството на поранешниот премиер Никола Груевски се уште е актуелна на Балканот и во Унгарија, а на денешната прес-конференција, премиерот Зоран Заев изрази сомнеж дека можеби Груевски бил киднапиран.

„Јавно го поставувам прашањето. Дали Груевски доброволно ја напуштил државата, или можеби бил киднапиран. Очекувам и Груевски и Унгарија да дадат одговор“, рече Заев.

Апасиев: Денешнава тиранска власт целосно ја игнорира народната волја

„Во 1929 година е потпишано меѓународно протестно писмо за ослободување од затвор на ПАНКО БРАШНАР - стариот велешки револуционер и мој сограѓанин. Легендарниот учител кој го отвори АСНОМ у „Прохор Пчињски“! 

Епа Он, драги мои неписмени и подмитени социјал-демократи, се бореше за Социјалистичка Република Македонија (СРМ), а не за Република Северна Македонија (РСМ). Исто е, ама не е исто, а?  ;)

p.s. Меѓу 68-те потписници на Писмото се наоѓа и името на светски познатиот научник АЛБЕРТ АЈНШТАЈН! Тогашната окупаторска власт целосно ја игнорира петицијата, исто како што денешнава тиранска власт целосно ја игнорира народната волја. Ама, на крајот, на Илинден 1944 каузата победи  ;)

#ЛекцииПоИсторијаНаДржаватаИПравото

#КрајотГоКрасиДелото

#НароднаСамоодбрана

#ЌеПобедиме“

Еуролинк осигурување додели 30 стипендии за студентите од Правниот факултет „Јустинијан Први“

Вчера вечерта се одржа 5-тото јубилејно доделување на Еуролинк стипендиите. Беа доделени 30 стипендии за најдобрите студенти од Правниот факултет „Јустинијан Први“ при Универзитетот „Св. Кирил и Методиј“ – Скопје за учебната 2018/2019 година во вкупна вредност од 1 600 000 денари.

Еуролинк стипендијата е наменета за покривање на трошоците за кофинансирање на редовни студенти од првиот и вториот циклус на студиите. Стипендијата за студентите од првиот циклус е во висина од 40 000 денари, додека стипендијата за постдипломските студии е со висина од 60 000 денари. Во изминативе 5 години Еуролинк осигурување додели 130 стипендии на студентите од Правниот факултет, со вкупна вредност од 5 700 000 денари.

Претседателот на Надзорен одбор на Еуролинк осигурување г-ѓа Олга Костовска лично им ги врачи стипендиите на најдобрите студенти за 2018 година. „На сите стипендисти им честитам од срце, и се надевам дека ви го олеснивме патот кон иднината, покажувајќи ви ги вистинските вредности. Не заборавајте на вашата одговорност кон семејството, кон нашата татковина, кон своите сограѓани, започнете активен општествен живот, прифаќајќи ги предизвиците, бидете горди на благородноста и на хуманоста што ја носите во себе, и потрудете се секогаш да најдете начин да им помагате на оние што се помалку привилегирани од вас. Да не дозволиме вашиот и нашиот свет да ги заборават основните човечки вредности,  a  користејќи го сопствениот интелект градете достоен живот за себе и за луѓето околу вас“, им посака претседателот на Надзорен одбор на Еуролинк осигурување А.Д. Скопје на младите стипендисти.

За значењето на Еуролинк стипендијата се обратија и стипендисти на Еуролинк од претходните генерации и деканот на Правниот факултет „Јустинијан Први“ при Универзитетот „Св. Кирил и Методиј“ – Скопје, проф. д-р Горан Коевски, кој истакна „Да се вложува во образованието и развојот на студентите на Правниот факултет ’Јустинијан Први‘ - Скопје е за нас особена чест и на одреден начин препознавање на квалитетот на образованието што го нудиме. Значајно за оваа стипендија е што таа се добива во еден сложен процес и зависи единствено од квалитетите што апликантите ги имаат и на 130 студенти им овозможи поттик за да бидат подобри во нивните студии и со тоа да станат поатрактивни на пазарот на трудот, но и да создадат основа за понатамошна академска надградба“.

Проектот е дел од долгорочната корпоративна платформа, „Еуролинк – Вашата врска со вистинските вредности“, преку која се промовираат трајните образовни, културни и општествени вредности во нашата држава.

Популарно