Денеска облачно, но дождот доаѓа во...

Времето во Македонија ќе биде умерено облачно со умерен западен ветер, само во крајните западни и источни планински подрачја со услови за локален дожд. Утринската температура ќе се движи од минус еден до пет степени, а дневната од шест до 19 степени. 

Во Скопје ќе биде облачно со умерен западен ветер.

Утринската температура ќе достигне до четири степени, а дневната температура до 16 степени. 

Во четврток ќе се задржи суво време. Нови врнежи од дожд ќе има во петок претпладне, особено во западните делови. Во сабота во текот на денот ќе дува засилен јужен ветер, а ќе биде и нестабилно со повремен пороен дожд и грмежи. Во недела врнежите ќе се со послаб интензитет и ќе биде посвежо

Цела Македонија под снег: Еве каде вее во моментов

Претежно облачно време со повремени врнежи кои поради спуштање на студен воздух од север речиси насекаде ќе преминуваат во снег, освен на југоистокот најавува Управата за хидрометеоролошки работи (УХМР).

Врнежи повеќе ќе има во претпладневните часови во централните и источните делови од земјава, а попладне постепено ќе се преместуваат кон исток и ќе престануваат. Ќе дува умерен, вдолж Повардарието засилен ветер од северозападен правец, што во текот на денот ќе предизвика пад на температурата за неколку степени.

Дневната температура ќе биде во интервал од -2 до 4 степени.  Во Скопје претежно облачно со умерен, повремено засилен ветер од северозападен правец. Температурата ќе биде околу 1 степен.

Висината на снежната покривка на Попова Шапка изнесува 19 сантиметри, а најмногу  дожд до седум часот изутрина е регистриран во Охрид, Тетово, Претор, Пожаране, Крушево. Минималните темпартури изнесувале  нула степени во Скопје-Зајчев Рид, Куманово, Маврово и Лазарополе,  еден степен во Пожаране, два во Скопје Петровец, Тетово, Крива Паланка и Крушево,  четири во Охрид, Претор, Штип, Берово и Дебар…

Според УХМР, до вторник ќе преовладува облачно време со повремени врнежи претежно од снег со променлив интензитет. Утре повеќе врнежи ќе има во западните, а во вторник во јужните делови. Во среда и четврток се очекува стабилно и суво време.

Скопје и скопјани како и поголем дел од државава пред снежна покривка

Денот недела ни носи продор на студен воздух од север и спуштање на снежната граница па така врнежи од снег веќе може да се очекуваат и понекаде на пониските места во државава и тоа особено на север, запад, североисток како и истокот од државава, услови за формирање на тенка снежна покривка има понекаде и  на пониските места.

Послаби локални врнежи од снег можни се и во Скопскиот регион додека максимумот на температурата денес ќе се искачува во интервалот некаде од 3 до 10 степени, меѓутоа истите во текот на денот ќе бележат тенденција на опаѓање па така до понеделник наутро речиси насекаде ќе бидат во негатива.

Во понеделник ќе има послаби врнежи од дожд и снег додека во текот на ноќта кон вторник како и во вторник циклонот НЕВЕН ќе услови нови поинтензивни врнежи кој ќе бидат претежно од снег со што во поголем дел од државава очекуваме формирање на снежна покривка додека на повисоките места и на планините ЗНАЧИТЕЛНО ќе се зголеми.

Утре (недела) како и во вторник ќе дува умерен, повремено засилен ветер од северен правец.

Подготви: Славчо Попоски

ВИДЕО: Србија затрупана во снег и до половина метар

Последните 24 часа речиси без престан паѓа снег во Србија, а висината на снежната покривка некаде изнесува и над половина метар. Сообраќајот се одвива отежнато, а многу траси на автобусите се измените поради снежните наноси и сообраќајките на автопатиштата.

Снежната покривка во Нови Сад е 58 сантиметри, а во Белград 28 сантиметри, но се очекува зголемување на снежните наноси со оглед дека е најавено да продолжат врнежите и во текот на викендот.


Популарно