Ме викаат папучар, но не ми е гајле

Титулата „папучар“ ја добиваат оние мажи кои ги третираат своите сопруги како рамноправни партнери во бракот и домот. Еден од „нив“ се исповеда и треба да му се даде признание.

„Еден мој пријател ми дојде на кафе, седнавме и разговаравме за животот … “Отидов на момент да ги измијам садовите кои останаа во мијалникот,” му реков.

Тој ме погледна како да сум му кажал дека отидов да конструирам вселенски брод. Ми рече со восхит, но малку збунето:

“Добро е за тебе што ѝ помагаш на жена ти, кога јас ќе го направам тоа, жена ми тоа не го цени. Еден ден го избришав подот, ниту благодарам не ми кажа.”

Се вратив да седнам со него и објаснив дека јас не ѝ помагам на жена ми.

“Мојата сопруга нема потреба од помош, нејзе ѝ е потребен партнер.

Јас сум партнер во куќата и поради тоа партнерство се поделени задачите, но сигурно не се работи за помош во куќата.

Не ѝ помагам на жена ми да се исчисти куќата, затоа што живеам тука, па морам и јас да чистам.

Не ѝ помагам на жена ми во готвење, бидејќи и јас сакам да јадам и затоа треба да готвам.

Не ѝ помагам на жена ми да ги измие садовите по јадење, затоа што и јас сум го користел приборот за јадење.

Не ѝ помагам на жена ми околу децата, бидејќи тие се и мои деца, а мојата улога е да бидам татко и родител.

Не ѝ помагам на жена ми да простира и пегла облека, бидејќи тоа е и мојата долна облека и облека на моите деца.

Јас не сум помош во домот, јас сум дел од куќата.

А што се однесува до фактите, го прашав кога последен пат, откако завршила со чистење на куќата, со перење облека, откако ја сменила постелнината на креветот, ги избањала децата, зготвила, организирала и така натаму, ѝ рекол благодарам? Но, благодарам од типот: “Леле! Жено моја! Ти си прекрасна!”

Дали ти се чини апсурдно? Ти изгледа чудно?

А ти кога, еднаш во 100 години, го исчисти подот, очекуваше минимум награда за квалитет, со многу слава.

Зошто? Дали некогаш си размислувал за тоа, пријателе?

Можеби поради тоа што, според тебе, сето тоа се нејзини обврски? Можеби затоа што си навикнал сето тоа да се заврши, а ти ниту со прст да не мрднеш?

Значи, цени како што би сакал тебе да те ценат, на ист начин и со ист интензитет.

Испружи ја раката, однесувај се како вистински партнер, а не како гостин, кој дошол само да јаде, спие и се мие …

ФОТО: Момче со рак во терминална фаза го теши својот брат

Фотографијата од 15-годишно момче со рак во терминална фаза како го теши својот расплакан брат стана вирална.

Во 2019. година, на тинејџерот Иан му бил дијагностициран остеосарком. По операцијата и неколкумесечната хемотерапија, дознале дека е излечен. Но, во ноември 2021. година, болеста се вратила и се проширила низ телото. На Јан и неговото семејство им било кажано дека ништо повеќе не може да се направи и дека ќе умре.

Кога Јан ја споделил страшната вест со својот помлад брат Питер, тој се расплакал и липал. Иан силно го прегрнал, да го утеши и му се извинил што не можел да го победи ракот.

Потресната фотографија од трогателниот момент меѓу двајцата браќа на Фејсбук ја објави Бенџамин Елиот од Орегон.

„Иан реши сам да им каже на своите пријатели и помалиот брат дека ракот неизбежно ќе го убие. Мислам дека оваа фотографија го покажува доброто за кое Иан сакаше и се веруваше дека ќе биде споделено. Дури и со катастрофални прогнози, Јан е тој што ги теши другите. Вистината е дека тој одбива да живее за себе. Избра да живее за другите до моментот кога ќе го земе последниот здив“, напишал Елиот.

Стотици ја коментирале фотографијата и признале дека сцената ги скршила.

„Мразам рак“, „Срцето ми е скршено“, „Неверојатен пример за љубов и понизност. Моите молитви се со ова момче и неговото семејство“, напишале некои.

Рецепт за денешен ручек

Рибина чорба

Одберете некое поголемо парче риба или две помали. Ако има во неа икра уште поубаво, ќе ја ставите и неа во чорбата. Рибата исчистете ја, пресечете ја на половина и ставете ја во тенџере со вода на оган, само да ја фати еден клуч, да можете да ја исчистите.

Потоа внимателно исчистете ја од коските. Tаму каде можете, на пр. од долниот дел оставајте поголеми парчиња, не ја ситнете многу. Тргнете го месото настрана. Кромидот изрендајте го и ставете го во тенџерето каде ќе ја варите чорбата.

Таму ставете го и другиот зеленчук. Јас секој од нив го сечкам различно, морковот на тркалца, целерот на ситни коцкички, пашканатот на подолги лентички, лукчето ситно исечкано. Сето ова со малку масло ставете го да се запржи. Потоа турете вода, компирот на најситно изрендајте го и ставете го и него, ставете ја рибата, зачинете и варете се додека не се свари зеленчукот. На крајот прелијте ја чорбата со малку црвена запршка, (ако не ви е доволно густа може и малку брашно да ставите во запршката) и исечкајте го магдоносот. Уживајте, ова ми е една од омилените чорби, особено во зимско време. 

Рецепт за денешен ручек

 Ручек со зелка.

СОСТОЈКИ:

1 главица кромид

1 праз

1 морков

2 чешни лук

1 кг. свежа зелка

1 коцка супа

1 лажиче оригано

2 лажици маслиново масло

1 л. доматно пире

2 л. вода

сол

ПОДГОТОВКА:

Кромидот и празот ситно се сечат, па се ставаат во тенџере да се динстаат со масло. Се додава и половина шолја вода и се остава вака 5 минути.

Лукот се сече, морковот се лупи и ренда, па се додаваат на кромидот и празот, и се става уште една шолја вода. Се додава и коцка за супа и оригано.

Зелката се сече ситно, па и таа се става во тенџерето.

Се ставаат доматното пире и водата.

Се динста се околу еден час, па се додава и сол по вкус.

Не и е потребна запршка, убава е вкусна и здрава.

Популарно