Змии, ајкули, лавови: 8 техники кои ќе ви помогнат да преживеете средба со опасно животно

Интересно

на 3.2018

Најпрво, се надеваме дека никогаш нема да дојде до момент кога ќе треба да искористите некоја од следните техники, но доколку тоа сепак се случи, важно е да се изборите да останете живи.

Вистината е дека животните речиси секогаш се плашат повеќе од нас, отколку ние од нив. Токму тоа е и главната причина зошто се агресивни и напаѓаат. Скоро никогаш животните не напаѓаат луѓе само за да се исхранат, но во ретки ситуации може да се случи и тоа.

На крајот на краиштата, нагонот за преживување нѐ поттикнува да направиме многу чудни и несвојствени работи за нас, па по таа логика и животните реагираат на многу сличен начин.

Доколку некогаш се создаде ситуација да се најдете очи в очи со некое од наведените животни потребно е да изреагирате смирено, но и соодветно на зададената ситуација.

Прочитајте некој совет плус што треба да направите во таков момент, односно како треба да се однесуваме при ненадејна средба со диво животно:

Ајкули

Добрата вест е што од вкупно 150 видови ајкули, само 20 можат да нападнат човек. Исто така, добра вест е дека луѓето всушност не им се вкусни на ајкулите, но лошата вест е што за да го заклучат тоа, мора да пробаат.

За да избегнете напад од ајкула, избегнувајте да уринирате во водата или да пливате доколку крварите. Ако дојде до средба, не вртете го грбот во обид да избегате со пливање, затоа што тогаш ве гледаат како мамец.

Ако сте преблиску, замавнувајте кон очите. Таа зона кај ајкулите е пречувствителна.

Кенгури

Кенгурите напаѓаат ако почувствуваат ризик за заземање на нивната територија, па така, во случај да стапнете на земја што тие претходно си ја бележале, најпрво закашлајте се, голема е веројатноста да ве проценат за болни и да избегаат.

Не трчајте во обид да избегате, туку полека заминете си. Имајте на ум дека кенгурите имаат голем распон при скок, па може лесно да ве дофатат.

Лавови

Во основа, се работи за вид на мачка, па најлесен начин да ги скротите е да ги гледате право во очи. Секое губење на контактот очи во очи, им дава време да нападнат.

Обидете се да изгледате поголеми од нив, така што ќе ги раширите рацете или ќе ја кренете јакната високо. Зборувајте им гласно и со доверба, не давајте им до знаење дека сте всушност жртва. На овој начин, животното само ќе се повлече.

Бикови

Спротивно на популарното верување, биковите не ги привлекува црвената боја, туку наглите движења.

Ако имате впечаток дека бикот сака да нападне, земете дел од својата облека (што ќе го прежалите), било да е капа или маица, мавтајте со него и кога ќе се доближи, фрлете го што подалеку. На овој начин бикот ќе тргне да лови, а вие ќе имате време да се повлечете.

Медуза

За жал, ќе срушиме еден од најприфатените митови - дека печењето и болката ќе се смират со уринирање врз местото каде била медузата.

Исто така, не смеете да миете со вода од чешма, туку измијте со морска вода и потоа со пинцета отстранете ги остатоците од медузата. Набавете антиалергиска крема и мачкајте го местото.

Алигатори или крокодили

Овие животни ги имаат најсилните вилици (и питбулите исто така), па не е лесно да се извлечете. Во случај да ве фатат, замавнувајте кон очите.

Ако ви се доближуваат на копно, бегајте по цик-цак траекторија, така ќе ги збуните. Во случај да забележите дека ви наближуваат во вода, отпливајте што посмирено, бидејќи наглите движења и викањето ќе ве направат позабележливи.

Рој пчели

Доколку рој пчели ве нападне, шансите за извлекување без повреда се мали. Затоа, добро е да знаете дека темната облека ќе ги привлече и поголеми се шансите да ве касне пчела.

Но, во случај да тргне кон вас една или рој пчели, скријте се на темно место, од каде тие ќе бегаат, поради недостаток на дневна светлина.

Змии

Најголемиот дел од змиите не се опасни, а дури 80% од убодите од змија се здобиени во моментот кога луѓето пробувале да ги фатат. Сепак доколку забележите дека ви се доближува змија, не паничете, едноставно тропнете силно со ногата. Вибрациите за момент ќе ја збунат и змијата ќе ја смени патеката на движење.

Доколку се најдете во ситуација да бидете каснати од змија, не се обидувајте да го цицате отровот од раната како што прават на филмовите. Многу подобра варијанта би било да ја измиете раната со вода од чешма, секако доколку има во близина, и да се обидете да повикате помош.

(Фото) Оваа крава е продадена за 4,8 милиони долари, еве што ја прави посебна

Интересно

пред 8 часа

Гинисовата книга на рекорди собира бројни, интересни достигнувања на едно место, а сега на таа листа се запиша и една крава.

Виатина-19, крава од Бразил, стана најскапата крава продадена на аукција.

Вредноста на кравите Нелоре лежи во висококвалитетното месо кое се истакнува по својата мекост и вкус.

-Признавањето на нашата сакана Виатина-19 од Гинисовата книга не е само лично достигнување, туку и извонредна пресвртница во историјата на расата Нелоре и генетското подобрување во целина, рече одгледувачот.

Оваа крава го собори Гинисовиот рекорд откако беше продадена за 4,8 милиони долари.

Кравата Нелоре се карактеризира со светло бело крзно, лабава кожа и грпка.

Кога бебето почнува да си го препознава името?

Интересно

пред 3 недели

Во текот на првата година од животот, кај едно бебе има доста пресвртници, а можеби едно од најбитните нешта е она кога ќе почне да го препознава и да одговара на довикнувањето на неговото или нејзиното име.

Според науката, препознавањето имиња се случува поради тн. „рецептивен јазик“ што вклучува обработка на изговорените зборови и гласови. Така, оваа уникатна радост за родителот кога малечкото ќе ја сврти главата откако ќе го чуе своето име, обично се јавува неколку месеци пред првиот роденден. Меѓутоа, важно е да се забележи дека бебињата своите јазични вештини ги развиваат секое во различно време, пишува списанието „Перентс“ (Parents).

Повеќето бебиња почнуваат да го препознаваат своето име на возраст меѓу четири и девет месеци. Штом бебето ќе ја совлада оваа вештина, може да се забележи дека тоа продолжува да го гледа возрасниот – или други реакции, кога и некој да го повика по име.

Родителите веројатно ќе забележат и други промени поврзани со говорот пред тоа. На возраст меѓу четири и шест месеци, на пр., бебето обично веќе може да почувтвува промени во тонот кога нелкој му зборува, според Американското здружение за говор, јазик и слух (АСЛХА).

Не’ очекува космичка експлозија видлива со голо око, се случува еднаш во 80 години

Интересно

пред 3 недели

Небесниот танц меѓу две ѕвезди оддалечени 3.000 светлосни години ќе резултира со толку силна експлозија што ќе биде видлива со голо око со денови, изјавија во петокот астрономите од Универзитетот Нотингем Трент.

Експлозијата што се случува еднаш во животот во системот T Coronae Borealis ќе се појави како светла нова ѕвезда на ноќното небо, пред да избледи и да исчезне повторно во следните 80 години.

Професорот Даниел Браун објаснува дека овој небесен настан се нарекува „нова“, кога сјајот на ѕвездата брзо се зголемува.

Според него, не е лесно да се предвиди кога ќе се случи тој настан, но верува дека тоа би можело да се случи во секое време до септември.

„Почестени сме, ќе видиме т.н нова ѕвезда на небото“, рече Браун, посочувајќи дека T Coronae Borealis всушност не е една ѕвезда, туку две ѕвезди кои орбитираат една околу друга.

„Сега е време за уште една ваква експлозија за T Coronae Borealis, чија светлина од 11 mag, едвај видлива на темното небо, ќе се зголеми на 2 mag, споредлива со ѕвездите во Големата Мечка и ќе биде видлива со голо око дури и на загадено небо. „Новата“ ќе стане видлива во близина на соѕвездието Херкулес.

Астрономите објаснуваат дека овие „нови“ во суштина се како водородни бомби.