“Избегав од Алкатраз, сега имам рак”: Пронајдено писмо за познатото бегство од затворот, а авторот има еден посебен услов

Целиот свет знае дека бегството од најпознатиот затвор е невозможно. Но, што доколку некој сепак го преживеал Алкатраз и ги надмудрил чуварите и полицијата?

ФБИ до ден-денес го држи овој случај отворен – браќата Џон и Кларенс Англин како и Френк Морис поминале шест месеци, смислувајќи пеколен план како да побегнат од добро познатиот затвор. Она што е интересно е тоа што овие тројца мажи се единствените затвореници кои успеале да побегнат.

Нивните тела никогаш не биле пронајдени, а сè уште останува мистерија дали тие воопшто преживеале.

Во 2013 година, локалната полиција во Сан Франциско добила едно мистериозно писмо на човек кој се претставил како Џон Англин. Тој во писмото открива дека во 1962 година побегнал од затворот и дека сега има 83 години и има рак.

"Побегнав од Алкатраз во 1962 година со Кларенс и Френк Морис. Имам 83 години, рак и се наоѓам во лоша состојба. Да, сите го преживеавме бегството, но со тешки маки", стоело во писмото за кое никогаш не е утврдено дали навистина е дело на Џон.

Во писмото стои дека тројцата затвореници преку копање на вентилационите отвори успеале да исползат од затворот. Кога дошле до водата, тие искористиле појаси за спасување со цел да стигнат до копното, но не се знае како дошле до истите.

Следното утро, стражарите пронашле празни кревети со кукли кои "глумеле" затвореници, за да не се открие бегството. Главите на куклите биле направени од сапун и тоалетна хартија, а тие имале и вистинска коса која затворениците ја собирале од затворскиот фризер.

Англин тврди дека денес живее во Јужна Калифорнија. Неговиот брат наводно починал во 2011 година, а Френк Морис во 2008 година

"Доколку на телевизија јавно ветите дека ќе отслужам казна затвор во траење од една година и дека ќе ми биде достапен лекар, јас ќе ви напишам писмо со точната локација на која што се наоѓам. Ова не е шега", напишал наводниот Англин.

Полицијата го отфрлила ова писмо.

"Немаме никаква причина да веруваме дека некој тукутака се променил и дека сака да го почитува законот пред својата смрт".

Приказната за овие криминалци ги инспирирала продуцентите во Холивуд да снимат филм за најпознатото бегство од Алкатраз, со Клинт Иствуд во главната улога.

Над половина од жителите на Европа имаат прекумерна тежина, кај нас 55,7 проценти

Над половина од возрасните граѓани во земјава имаат прекумерна тежина, а „подебели“ во регионот се само Хрватите, покажува анализата на статистичкиот портал „Ландгеист“, базирана на податоци на Евростат.

Над половина од жителите на Европа имаат прекумерна тежина односно Индекс на телесна маса (БМИ) еднаков или поголем од 25. Најголем процент на возрасни луѓе со прекумерна тежина имаат Малта (62,5%), Исланд (62,0%) и Латвија (60,4%), додека најмал Италија (41,9%), Швајцарија (45,6%) и Франција (46,4%). Кај нас 55,7 проценти од возрасното население има прекумерна тежина.

Земјите со висока стапка на дебелина, пишува Ландгеист, исто така, имаат и високи стапки на луѓе со прекумерна тежина. Малта е втора земја со најголема дебелина во Европа и исто така земја со најмногу килограми во Европа. Швајцарија е земја со најмалку дебелина во Европа, но и втора земја со најмалку прекумерна тежина во Европа. Но, и неколку земји како Естонија, Финска, Исланд, Северна Македонија, Романија, Словачка и Словенија кои имаат релативно ниски стапки на дебелина, но имаат некои од највисоките проценти на луѓе со прекумерна тежина во Европа.

Од земјите во регионот само Црна Гора (48,1%) има помалку од половина од населението со прекумерна тежина, додека најголема стапка на возрасни со прекумерна тежина има Хрватска – (58,1%). Потоа следат Словенија (55,7%), Грција (54,9%), Бугарија (53,7%) и Србија (52,5%).

Најшокантен факт е веројатно дека во речиси секоја земја во Европа, повеќе од половина од сите возрасни луѓе се со прекумерна тежина. Во Малта (62,5%), Исланд (62,0%) и Латвија (60,4%) е дури над 60%. Единствените европски земји каде помалку од 50% од населението е со прекумерна тежина се Италија (41,9%), Швајцарија (45,6%), Франција (46,4%), Кипар (47,9%), Црна Гора (48,1%), Холандија (48,3%) ), Белгија (48,9%) и Луксембург (49,7%). Но, да бидеме искрени, дури и резултатот на Италија од 41,9% е шокантно висок.

Индексот на телесна маса (БМИ), според Евростат, од каде се земени и податоците, се дефинира како тежина во килограми поделена со квадратот на висината во метри. Луѓето на возраст од 18 години или повеќе се сметаат дека имаат недоволна тежина со (БМИ помал од 18,5), нормална тежина (БМИ помеѓу 18,5 и помалку од 25) и пред-дебела (БМИ помеѓу 25 и помалку од 30). Категоријата прекумерна тежина (БМИ еднаков или поголем од 25) ги комбинира двете категории пред-дебели и дебели.

Вознемирувачко видео: Куче фрлено од зграда во Тетово

На социјалните мрежи се шири вознемирувачко видео на кое се гледа како куче паѓа од балкон на зграда, од голема висина.

-Педесет и осумгодишниот тетовец Ѓ.З. вчера (22 март) во 18 часот и 40 минути во СВР Тетово пријавил дека околу 17 часот од балкон на зграда во изградба на улица “Благоја Тоска” во Тетово,, спроти зградата во која тој живеел, од шесттиот кат паднало куче и набргу потоа yгинало. Кучето, според пријавеното, во објектот се обидувале да го заловат двајца тетовски пожарникари. Се расчистува и документира случајот, велат од МВР.

На видеото може да се чуе плач на кучето пред да падне од голема висина, а од зградата се слушаат гласови.

Поднесено обвинение против Тони Цетински: Пејачот може да биде казнет со 8 години затвор

Специјалното обвинителство на Хрватска за сузбивање на корупција и организиран криминал поднесе обвинение против Тони Цетински откако беше утврдено дека користел лажен сертификат за вакцинација против коронавирусот, објави веб-страницата Империјал.

Како што дознава споменатиот медиум, на 28 декември 2023 година, заменик-обвинителот Вјекослав Шаулиќ до Жупанискиот суд во Загреб испратил обвинение против 18 лица, меѓу кои и познатиот пејач.

Тони Цетински е обвинет дека платил за да добие лажни потврди за вакцинација против Ковид.

Обвинетите се товарат дека дале пари, така што медицинската сестра, која тогаш работела во Здравствениот дом Загреб и била овластена да пристапува и да внесува податоци во информацискиот систем на Министерството за здравство, лажно ја внесувала информацијата, дека обвинетите биле вакцинирани.

– Кој нуди поткуп на службено или одговорно лице за да изврши службено или друго дејствие што не треба да го изврши во или надвор од границите на неговите овластувања ќе се казни со затворска казна од една до осум години – се наведува во дописот.

Популарно