Денеска облачно со краткотраен дожд, но невремето допрва доаѓа

Времето во Македонија претпладне ќе биде умерено до значително облачно, а во планинските делови на исток и особено на запад ќе има услови за краткотраен дожд, на високите планини од слаб снег. Во посеверните делови ќе дува претежно умерен западен ветер, а во југозападните и јужните делови ветерот повремено ќе засилува. Попладне облачноста ќе се намали.

Утринската температура ќе се движи од два до шест, а дневната од 11 до 19 степени.

Во Скопје претпладне ќе биде умерено облачно со услови за појава на слаб дожд, а  попладне облачноста ќе се намали. Ќе дува слаб до умерен претежно западен ветер.

Утринската температура ќе се спушти до пет, а дневната ќе се искачи до 15 степени.

Во среда повторно ќе има врнежи кои ќе бидат поинтензивни на запад и потоа ќе се прошират кон север, а врнежите ќе бидат од снег понекаде во овие подрачја и на 1500 метри. Од ноќта кон четврток ќе има значително заладување поради што врнежите кои од ноќта ќе се прошират од запад кон исток, при тоа ќе поминуваат од врнежи од дожд во врнежи од снег.

Во четврток од ноќта и претпладне ќе има појава на замрзнат дожд на патиштата, а преку денот на југоистокот врнежите ќе бидат од дожд. Врнежи со помал интензитет се очекуваат и во петок кога ќе биде најстудено и тие ќе бидат претежно од слаб снег.

Денеска сончев ден, но од утре...

Времето во Македонија ќе биде сончево со мала до умерена локална облачност и студено.

Утринската температура ќе се движи од минус три до минус 10, а дневната температура од еден до девет степени.

Во Скопје ќе биде сончево со мала до умерена локална облачност и студено. Утринската температура ќе се сушти до минус седум степени, а дневната температура ќе достигне до пет степени.

Во четврток попладне и во петок ќе има повремени врнежи претежно од снег и на места ќе се формира нова снежна покривка. За време на викендот ќе преовладува облачно време со повремен локален дожд на пониските места, а на планините со повремен снег. По одделни котлини ќе има појава на магла.

Денеска малку снег - снежниот бран доаѓа во...

Времето во Македонија ќе биде променливо облачно, на места со провејување на слаб снег. Ќе дува ветер претежно од северен правец.

Утринската температура ќе се движи од минус осум до еден, а дневната од минус два до шест степени.

Во Скопје времето ќе биде умерено облачно со слаб северен ветер. Утринската температура ќе се спушти до минус три, а дневната ќе достигне до четири степени.

Во среда ќе биде стабилно со ниски минимални температури, а во четврток на места ќе има врнежи претежно од снег со слаб до умерен интензитет. Во петок и сабота по котлините ќе има услови за појава на магла.

Снежна бајка и 20 цм снежна покривка во овие градови

Во текот на изминатата ноќ под влијание на циклонот НЕВЕН кој неодамна ја зафати државава услови нови врнежи од дожд на ниските и снег на повисоките места и на планините.

Рано утринава поради заладувањето и северниот ветер снежната граница се спушти под 1000 м.н.в.

Претпладнево снег паѓаше во Крива Паланка, Берово а најинтензивен беше во Кратово каде снежната покривка веќе изнесува дури и околу 20 цм а тоа може да го погледнете на следната фотографија која доаѓа од снежното Кратово:

Нов влажен бран циклонот НЕВЕН ќе услови во среда и ќе услови врнежи претежно од снег и на пониските места, овој бран ќе услови понатамошно зголемување на снежната покривка на повисоките места и на планините а снежна покривка е можно да се формира и на некои од пониските места.

Подготви: Славчо Попоски

Популарно