Светлана беше најдобра ракометарка во светот, а сега може да остане на улица

Во изборот на ИХФ го доби признанието за најдобра ракометарка на сите времиња, додека во 1988 година беше најдобра ракометарка во светот. Она што таа успеа да го направи уште на 20 години, многумина не успеаја ниту за цела кариера.

Сепак, како што самата Светлана Китиќ вели, колку што имаше среќа во ракометот и во кариерата, толку нема во другите работи во животот. Таа сега има 57 години и се соочува со огромен проблем бидејќи покрај тоа што има проблеми со здравјето би можела и да заврши на улица.

Станот којшто го купила во 2007 година во Белград бил на кредит во швајцарски франци, па сега ратата е многу поголема и се наоѓа во ситуација од која тешко може да најде излез.

– Сумата беше еднаква на 50.000 евра, но сега има проблем со тоа што ратата стана двојно поголема. Во меѓувреме мојот син се разведе и се врати за живее кај мене. За да му помогнам, подигнав уште еден кредит во готовина, изјавува Китиќ.

Сега некогаш најдобрата ракометарка во светот мора да и плати на банката сума од 66.000 евра или ќе остане без стан.

– Поради долгот во банката се најдов на црната листа и нема начин како да дојдам до 66.000 евра во моментов. Рокот за подмирување веќе помина, а беше до 5 април. Прашав многумина за заем, но немаат толку пари. Првите денови ми беше најтешко. Плачев криејќи се од децата. Сега мојата ќерка вели дека ќе го продаде бубрегот за да ја реши работата. Тоа нема да и го дозволам ниту во лудило, вели Китиќ.

(ВИДЕО) Аргентинци претепаа хрватски навивачи

Аргентинските навивачи збеснаа по поразот на својата репрезентација од Хрватска (0-3), па одлучија гневот да го „истурат“ на хрватските навивачи.Од видеото кое го пласираа руските медиуми, се гледа дека натпреварот уште трае, а двајца-тројца Хрвати биле начекани од Аргентинци и крвнички тепани и клоцани. Верзијата во руските медиуми е дека тепачката ја прекинале од обезбедувањето на стадионот, но такво нешто не може да се види на видеото, кое очигледно добро покажува како Аргентинците го „истураат“ својот бес на хрватските навивачи и никој од обезбедувањето не реагира.

Кафулињата и рестораните во Москва се соочуваат со голем проблем, почна да снемува од најбараниот пијалак

Во кафулињата и рестораните во Москва почна да им ги снемува залихите на пивото, чија консумација е зголемена во текот на Светското првенство, кое се одржува.

Сопствениците на одредени локали тврдат дека им снемува пиво и дека на доставата на нови количини мора да чекаат подолго од обично.

Москва се претвори во град на Светското првенство, град на љубители на фудбалот кој пеат, извикуваат навивачки пароли и пијат пиво во преполните кафулиња и ресторани во близина на Кремљ и Црвениот плоштад.

-Не очекувавме дека ќе сакаат да пијат само пиво, изјавил келнер од еден ресторан, кој барал да остане анонимен, затоа што не сакал да ги одврати гостите кои планираат да го посетат тој ресторан.

Тој кажа дека ресторанот скоро останал без залихи на пиво и дека на доставата се чека околу 24 часа, што е подолго од вообичаеното.

-Навистина има многу луѓе во Москва. И сите тие пијат. Топло е, а тоа е фудбалот, вели келнерот.

Шанкерот во кафулето „Гогол“, кој се претставил како Дмитриј, кажа дека навивачите за три дена испиле 800 литри пиво и дека денеска морал три пати да ги дополнува залихите во кафулето.

Меѓутоа, навивачите велат дека не го чувствуваат овој проблем, затоа што пиво имало секаде, само треба да се побара.

Ги погоди точните резултати од досега одиграните мечеви - луѓе чекаат прогнози за да се кладат!

Рускиот музичар Игор Данилов, случајно или не, предвиде дека Русија ќе ја победи Саудиска Арабија и Египет, но и точните резултати. Затоа Русите го следат неговиот Твитер налог и бараат нови одговори.

И не само тоа, се кладат во склад на тоа што ќе објави „Јин Дагон“, како што тој се потпишува на Твитер.

Ден пред отворањето на Мундијалот, за руската екипа која нижеше порази и беше далеку од нокаут фазата, напиша: Можете ли да замислите да ја победиме Саудиска Арабија со 5:0, а потоа и Египет со 3:1? А потоа во последна минута да ја земеме победата над Уругвај? Ако можете, тогаш имате ведар карактер!

И двата резултати излегоа на виделина. Дали Игор е видовит или само позитивец, се прашуваат Русите.

Сепак се кладат по неговите прогнози. А сега е прашање што виде понатаму?

Се чини дека е токму позитивец, зошто објави фотографија на рускиот тим на светскиот трон. Па сега... кој знае, можни се чуда!

Популарно