Некои цигари поскапи за 10, други за 5 денари - цените и натаму ќе растат

Дел од цигарите се продаваат поскапо. Сега за кутија Марлборо треба да платите 110 наместо досегашните 100 денари, или тоа се 10 денари повеќе од кутија за пушачите.

Како што денеска пишува Фактор, во продавниците сега може да купите Ронхил поскапи за 5 денари, а нова цена се очекува и на Вест.

- "Да, имаме нови цени за цигарите. Пред еден ден ги внесовме во систем и веќе се продаваат по повисоки цени, корекцијата е засега е само кај одредени видови на цигари" - вели вработена во еден од скопските трговски маркети, за Фактор.

Последното поскапување се случи лани, во април. Тогаш, за пет денари поскапеа цигарите „Вест" (силвер, ред и вајт), „Волтер Вулф" (блек и вајт) и „Ронхил Вејв" (голд и блек).</p><p>Со сегашното тепомо на зголемување на цените, одредени брендови можат да поскапат и до 200 денари или 3,2 евра, цена која веќе е присутна во земјите од соседството кои се членки на Европската Унија.

ВИДЕО: Со поврат на ДДВ ќе ќарат само богатите!

Најбогатите семејства ќе имаат најголем ќар од мерката поврат на 15% од платениот данок на додадена вредност. Тие што годишно трошат по 20.000 евра ќе успеат да вратат нешто помалку од просечната плата, односно 22.238 денари, покажува анализата на Институтот за економски истражувања Фајнанс Тинк. Според нивните пресметки, најсиромашните ќе добијат назад само 738 денари.

Средната класа во земјава преку повратот на ДДВ ќе добие меѓу 50 и 100 евра годишно.

Од Министерството за финансии велат дека сите детали ќе ги објават по  изборите, но уверуваат  дека се подготвени за спроведување на мерката.

“Според програмата на Владата предвиден е поврат на 15% од платениот ДДВ за граѓаните. Во тек се подготовките и мерката, како што беше најавено, ќе почне во јули годинава.

Мерката има 2 главни цели: првата е поврат на средства кај граѓаните кои одговорно го плаќаат данокот на додадена вредност, додека втората е намалување на даночното затајување.

Односно на граѓаните откако ќе побараат фискална сметка и ќе ја внесат во системот за истата ќе им биде пресметан поврат на 15% од платениот ДДВ.

Министерството за финансии ќе излезе со сите детали и анализи за повратот на ДДВ навремено, како и за секоја мерка досега”, пишува во соопштението од Министерството за финансии.

Неодамна премиерот Заев најави дека секое лице со важечка лична карта ќе може да врши поврат на ДДВ преку телефон.

Оваа мерка беше предизборно ветување на сегашната Влада. Тогаш Заев изјави дека повратот на 15% ДДВ ќе обезбеди годишно 30.000 денари, уште една плата повеќе во секое семејство.

Поскапуваат горивата

По речиси две недели од последната промена, Регулаторна комисија за енергетика напладне ќе го соопшти новите цени на горивата во Македонија, кои ќе важат од полноќ.

Со последната промена бензините поскапеа за 2 денари по литар, а дизелот за 1 денар. 

Според тоа, ЕУРОСУПЕР БС 95 чини 64,5 денари по литар, а ЕУРОСУПЕР БС 98 е 66,5 денари.

Литар дизел се продава по цена од 61 денар.

Ова се моменталните цени кои се менуваат од полноќ.

Ново поскапување на цигарите во Македонија

Нова тура поскапување на цигарите во Македонија. Од минатата недела, во продавниците поголемиот број брендови цигари се продаваат за околу 5 денари поскапо. 

Граѓаните велат дека поскапо плаќаат за брендовите Вест, Родео и Бос.

Се уште нема информации за поскапување на други брендови на цигари. 

Согласно планот за зголемување на акцизите, за неколку години се очекува кутија цигари за чини скоро 300 денари.

Популарно