Детали за состојбата на прегазеното дете од Ѓорче Петров

Детето кое вчера беше прегазено на улицата „Борис Сарафов“ во Ѓорче Петров е во стабилна состојба, која интензивно се следи од страна на докторите од Клиниката за неврохирургија.

Жителите од овој реон, но и голем број граѓани најавуваат повторно излегување на протести, бидејќи повеќе пати било воочувано дека токму оваа улица е небезбедна за движење на пешаците и нема правилна сигнализација.

– Секој ден тука ни се децата, овде одат на училиште. Зарем треба да ги затвориме дома? – прашуваа вчера револтираните граѓани.

Ѓорчевци најавија протестен собир и за денес, пред училиштето „Мирче Ацев“ од 18 часот.

„Сакаме конечно решение за сите жители на Ѓорче Петров и решение за дивееето во сообраќајот“, се вели во повикот за протестот.

„Лапнале“ 150.000 од кладилница во Битола - полицијата трага по нив

Две маскирани лица синоќа ограбиле Спортска обложувалница на улицата „Прилепска“ во Битола.

Како што соопшти МВР, околу 22:40 часот било пријавено дека две маскирани лица со закана со пиштол извршиле разбојништво над вработениот при што одзеле околу 150.000 денари од дневниот промет.

Се преземаат мерки за расчистување на случајот.

Возилото на српската водителка и вистинската мета ги разликува само ова

Во вторникот околу 13 часот при експлозија на рачно направена експлозивна направа повреден е Небојша Мичиќ, татко на познатата водителка Маријана Мичиќ, кој управувал со возилото.

-Пластичен експлозив од околу 200 грама беше поставен под совозачкото место. Бомбашот или поради неискуство или брзање експлозивната ја ставил под „голфот“ на Маријана, кој од метата на нападот се разликува само по гумите. Инаку првите резултати кажуваат дека напаѓачот го чекал „голфот“ на Вождовац и дека експлозивот го активирал оној момент кога му се појавил на видно поле - објаснува извор близок на истрагата за „Србија денес“.

Братот на српската водителка во изјава за медиумите кажал дека бомбата по грешка е поставена под нивниот автомобил.

Крими техника: Со што биле стрелани момчиња и рибарот кај Смилковското Езеро?

Со две пушки калашников и еден пиштол биле усмрттени четирите момчиња и рибарот кај Смилковското Езеро, на 12 април 2012 година. Ова било утврдена со вештачењето на Крим техника во МВР,  а денеска на судското рочиште за “Монструм”, го појасни крим техничарот Неџат Скулиќ.

Како што рече сведокот во телата на момчињата завршиле 21 куршум, од кои 13 чаури биле испукани од две пушки калашников, а 8 чаури од пиштол долга деветка.

На местото на злосторството биле пронајдени и 8 испукани проектили. Сепак оружјето со кое беа убиени децата и рибарот никогаш не беше пронајдено.

Вештакот исто така напомена дека една од пеестината чаури кои биле испукани кај една фарма во Белимбегово во 2009 година се поврзува со испукана чаура кај Смилковското Езеро. За инцидентот кај Белимбегово на шестгодишна казна затвор е осуден Фејзи Азири обвинет и во случајот “Монструм”.

Популарно