Трамп сакал да ја нападне Русија, но го убедиле мета да биде само Сирија!

Претседателот на САД Доналд Трамп и американската воена команда имале како реална опција да ги нападнат руските системи против-воздушната одбрана во Сирија. 

Волстрит журнал пишува дека Трамп имал во план да ги нападне руските системи ПВО.

Како што наведе неименуван извор на американскиот весник кој е добро познат со ситуацијата, шефот на Пентагон Џејмс Матс му предложил на Трамп три сценарија на воената операција во Сирија.

Во првото било  предвидено нападот на сиријските објекти кои имаат врска со хемиско оружје, во  второ уништување на голем број на цивили, вклучувајќи ги и сиријските командтни центри. Во третото сценарио на удар се нашле и руските системи ПВО во Сирија. 

Според зборовите на изворот, Трамп инсистирал на нападор на руските и иранските објекти во Сирија, но Матс успеал да го убеди да направи  „ хибриден план“ кој на крајот беше реализиран. 

САД, Велика Британија и Франција нападот врз Сирија  го изведоа ноќта меѓу 13 и 14. април. 

Претседателот на Русија, Владимр Путин ја нарече агресивна воена операција на суверена држава, потсетувајќи дека хемискиот напад во Сирија не е потврден. 

(ВИДЕО) Двајца Афроамериканци беа уапсени само зашто седнале и ништо не нарачале

Компанијата Старбакс планира да организира обука против расни предрасуди за дури 175.000 свои вработени, по инцидентот во Филаделфија, каде двајца Афроамериканци беа уапсени само зашто седнале и ништо не нарачале.

Кога вработена во угостителскиот објект ги прашала гостите што ќе нарачаат, тие рекле дека прво ќе го почекаат пријателот што треба да дојде. Тогаш менаџерот на кафулето повикал полиција со образложение дека „двајцата мажи одбиваат да нарачат или да си одат“.

Видео снимката која ја направија посетители на кафулето ја шокираше јавноста во САД.

Старбакс се извини по инцидентот, а двајцата Афроамериканците набргу беа ослободени од страна на полицијата.

Настанот предизвика бројни протести во кафулето во Филаделфија и повици за бојкот на Старбакс. Поради тоа, компанијата наредниот месец на неколку часа ќе затвора 8.000 свои локали во САД, и ќе организира обука против расизам за вработените. 

(ВИДЕО) Страшна исповед на патник во американскиот авион: Жената до половината висеше надвор...

Патниците кои што го преживеаа летот на авионот на американската авиокомпанија "Southwest Airlines" на кого му експлодираше моторот за време на летот, го опишаа хоророт низ кој што поминале.

Откако моторот на авионот кој што летал од Њујорк до Далас експлодирал, шрапнели го оштетиле трупот и искршиле еден од прозорците. Една жена која што седела веднаш до прозорот била сериозно повредена од експлозијата, а за малку и ќе излетала од авионот.

Половина од нејзиното тело веќе било надвор од авионот, по што патниците реагирале, ја грабнале и ја повлекле назад во авионот. Како што раскажуваат некои патници за американските медиуми, сцените биле страшни, а крв имало насекаде.

„После експлозијата авионот започна нагло да паѓа, некои започнаа да паничат, беше прилично морничаво“, изјави Тимоти Бурман за американските медиуми.

„Одредено време бевме надвор од контрола, а пилотот се мачеше да го исконтролира авионот. Сите мислевме дека паѓаме. Сопругата и јас мислевме дека ќе умреме. Навистина сме благодарни што го преживеавме тоа“, изјави Бурман.

„Стујардесите започнаа да трчаат, настана хаос. Сите се насочија кон дупката каде што беше авионот. Не знаевме што да направиме, дали да ставиме нешто врз дупката или не. Мирисаше на чад“, раскажува тој.

Како што авионот се приближувал кон пистата, стујардесите соопштиле дека патниците треба да се подготват за удар. За среќа, пилотите успешно го приземјиле авионот на пистата.

„Десетина минути бевме без еден мотор. Од 2500 на 1500 метри се спуштивме прилично брзо, но после тоа беше полесно. Пилотите и екипажот одлично ја завршија работата“, изјавил еден од патниците.

Во авионот кој што летал на редовна линија од Њујорк до Далас имало околу 150 патници и членови на екипажот. Во несреќата загинала Џенифер Риорден која што иако била спасена од тоа да излета од авионот, сепак им подлегнала на повредите, а потешко биле повредени 12, а полесно 7 лица.

Популарно