Во недела камбаните ќе го означат почетокот на еколошко востание во Дебрца

Охрид, 16. април 2018 (ОХРИДПРЕС) – Во недела, 22-ри април, на Денот на екологијата, симболично, во пет до дванаесет часот,  камбаната на црквата „Свети Атанасија“, во селото Црвена Вода, ќе го означи почетокот од еколошкиот бунт на жителите од општина Дебрца, но и од други градови во земјата, против владината намера за изградба на регионална депонија кај селото Годивје, на само неколку стутини метри од новиот автопат во изградба, Кичево-Охрид.

Звукот на оваа камбана, слично како и во 1941-та, ќе го преземат и ќе го продолжат црквите во сите останати села, со што ќе започне второто, овој пат, еколошко сенародно востание. Веднаш потоа, после селото Ботун, влезот во првоослободената територија за време на антифашистичката војна пред 75 години, ќе биде сопрен сообраќајот на автопатот Охрид-Скопје, откај кичевската страна и кај Ново Село и така ќе биде цели два часа, се` додека трае големиот протест.

– Обезбеден е широк простор, на кој ќе можат да се паркираат до илјада лесни возила, додека автобусите на неколку превозници, постојано ќе сообраќајат на релацијата до Охрид и назад. Интересот за протестот е огромен. Просторитте на Општинската организација на Сојузот на ветераните за Охрид и Дебрца, претпладнево, беа претесни да ги примат сите заинтересирани. Оваа асоцијација, пријави над двесте учесници-по список, исто толку и организацијата на Сојузот на борците и поддржувачи, а јавно се огласи и Општинската организација на Партијата на пензионерите, која, исто така, по список, ќе носи членови и симпатизери на протестот, информираат организаторите.

Координативното тело, веќе излезе со јавен проглас (Манифест!), а печатеше и плакати и помали флаери.

– Дебрчани, сега е моментот. Дебрца чиста ја наследивме, чиста и ќе ја оставиме, порачаа организаторите на протестот, кои во повикот потсетуваат на убавините на овој регион, но и на значењето на Дебрца во градењето на државата, тогаш кога било најтешко, се вели во Прогласот.

Во подготовките е вклучена и локалната самоуправа од општина Дебрца, иако раководена од градоначалник од редовите на СДСМ и со Совет со мнозинство на истата партија. Советот на општина Дебрца, претходно, едногласно ја отфрли одлуката за давање согласност за основање на регионална депонија и потребната инфраструктура за Југозападниот плански регион од страна на Владата на Република Македонија. Од Советот се огласија дека се решени да истраат до крај во намерата Дебрца да остане еколошки чиста и заштитена средина, без можност за сквернавење на нејзината природна еко рамнотежа.

Советниците, изгласаа заклучок целост да ја почитуваат волјата на граѓаните на Дебрца, изразена преку референдумската одлука, односно јасно изразената волја против предложеното решение. Од вкупно запишаните 4.625 граѓани во избирачкиот список, на референдум излеглоа 3.149 граѓани, или 68 проценти. Од излезените граѓани против изградба на регионална депонија се изјасниле 2.746 или 87 проценти, додека за изградба се изјасниле 297 или 13 посто од вкупно излезените граѓани.

Покрај референдумот, жителите на Дебрца го држат за збор и тогашниот лидер на опозицијата, сега премиер, Зоран Заев, кој на предизборен митинг во Белчишта, седиштето на општината, јавно вети дека ќе се заложи да не се гради планираната депонија во Годивје. Градоначалникот, Зоран Ногачески, изјави дека целосно ќе ја почитува волјата на граѓаните кои на референдум се изјаснија против изградба на регионална депонија во атарот на селото Годивје. Ногачески таквиот став го изнел и на средбата на премиерот и министерот за животна средина со градоначалниците, посветена на решавањето на проблемот со депонирањето и третманот на цврстиот отпад. Градоначалникот Ногачески е категоричен дека не може да се оправда било какво решение за регионална депонија во срцето на Дебрца. Ногачески уште еднаш го повикува надлежното министерство да отвори нова дебата и расправа по ова прашање, која ќе биде транспарентна, со вклученост на сите засегнати страни, како и стручната јавност, екологистите, еколошките здруженија и граѓаните да го изнесат својот став.

Идејата за регионална депонија во Дебрца е стара неколку години. Најнапред, со средства на ЕУ, беше изработена стручна студија за најповолни локации за изградба на регионална депонија во Југозападниот плански регион во кој спаѓаат општините Охрид, Струга, Дебрца, Вевчани, Дебар, Центар Жупа, Кичево, Македонски Брод и Пласница. Во неа беа посочени 4 локации, а како најпогодна за изградба на регионална депонија се издвојува село Годивје во општина Дебрца. 

извор: ОхридПрес 

Филипче: Подобро да купуваме од приватните болници, отколку да вложуваме во државни болници

Во гостувањето во Топ тема на телевизија Телма, министерот за здравство Венко Филипче, објасни што значи најавата за јавното приватно партнерство во брзата помош и зошто се иницирал овој процес. Новата намера на министерството за здравство е државата да почне да купува здравствени услуги од приватните здравствени установи.

-Проблемите со кои се соочува системот и неговите недостатоци, не натераа да пронајдеме уште едно алтернативно решение кое функционира во многу европски земји. Од физибилити студијата очекуваме да ни каже дали истата сума на средства која што сега се користи за итната помош и набавка на возила, плати и тренинг на вработените, може да се искористи на порационален начин за да имаме поефикасен систем. Како систем постои делумно во Италија, Велика Британија, постои во некои од покраините на Германија, изјави министерот Филипче.

Тој праша дали здравствениот систем треба да се занимава со набавка на возила и инфраструктура или градење на згради за болници, или едноставно треба да се ослободи од менаџирање на инфраструктурата и да стане систем кој ќе купува услуги?

Министерот Филипче рече и дека брзата помош е терет и непотребен трошок во поглед на одржувањето и сервисот на возилата на брзата помош.

Иако министерството за здравство во својот буџет има предвидено набавка на нови амбулантни возила и ќе опремува возила од МЗШВ за потребите на итната помош, сепак ќе водедува и јавно приватно партнерство, односно купување на услугите на брзата помош, за кое Филипче ветува дека граѓаните нема да имаат никаков трошок и двојно плаќање.

Имено околу 152 организации од 45 земји бараат од ММФ да не поддржуваат јавни приватни партнерства поради корупција и заради договорите во 4 очи и тајноста на договорите помеѓу државата и компаниите, кои не можат да се објават.

За министерот Филипче прашање е дали вреди да се инвестира во државните здравствени болници, и притоа сака да даде можност на приватен инвеститор да изгради болница со приватни здравствени услуги.

Дали Иванов може да ги помилува осудените за 27 Април?

По прecудите на cyдот за терористичко делување на 27-ми април и вкупната затворска казна од 211 години за 16-те обвинети во случајот сеуште не стивнуваат рекациите во јавноста. Мислењата се поделени, дали претседателот Иванов има право да ги амнестира или не. Еве што вели законот.

Доколку има желба, законот му дозволува на претседателот Ѓорге Иванов да ги пoмилyва ocyдените и така целосно да го стопира случајот.

Во законот за помилyвaње, делото за тepopистичко загpoзување на уставниот пopeдок не е помеѓу оние кои се исклучени за пoмилyвање.

–Пoмилyвање не може да се даде и на лица ocyдени за kpивични дела против изборите и гласањето од Глава шеснаесета од Kpивичниот законик („Службен весник на Република Македонија“ број 37/96, 80/9, 4/202, 43/203, 19/204, 60/206, 73/206, 7/208 и 139/208), kpивични дела против половата cлобода и половиот мopал од Глава деветнаесета од Kpивичниот зakoник сторени спрема деца и малолетни лица, kpивични дела против здравјето на луѓето од Глава дваесет и прва: kpивично дело нoeвластено производство и пуштање во промет на нapкотични дpoги, психотpoпни супстанци и прекурсори од членoт 215 и kpивично дело овозможување на употреба на нapкотични дpoги од членoт 216 и за kpивични дела пpoтив чoвeчноста и меѓунаpoдното право од Глава триесет и четврта од Kpивичниот законик – стои во законот.

Бучковски: СЈО се служи со удбашко-сталинистичка манипулација

На денешното судско рочиште обвинителката Лиле Стефанова рече дека доказите кои денеска му ги предочи на тогашниот министер за транспорт и врски Џемали Мехази, се од Комисијата за хартии од вредност од Вашингтон.

„Јас едвај го чекам сведочењето на Слободан Богоевски кое ќе го даде пред наш суд, за да поднесам кривична пријава за давање на лажен исказ. Документот кој денеска го покажала обвинителката Лиле Стефанова ми беше предочен и мене, кога сведочев пред Комисијата за хартии од вредност во Вашингтон во февруари 2014 година. На секого што го видел тој документ со никакви потписи, му е јасно дека станува збор за фалсификат создаден во удбашко-сталинистичката кујна на Богоевски“, изјави експремиерот Владо Бучковски.

Популарно