Лидер: Талат Џафери и Мирослав Грчев си ги вработиле децата во ЕЛЕМ

Претседателот на Собранието на Република Македонија Талат Џафери и Мирослав Грчев си ги вработиле своите деца во ЕЛЕМ – објави Лидер повикувајќи се на извори во оваа државна компанија.

Како што пишува Лидер, Бесија Џафери, ќерка на претседателот на Собранието Талат Џафери во АД ЕЛЕМ е вработена како референт за правни работи од петти месецов.

Од истиот датум, како инженер за животна средина, вработен е и Димитар Грчев, кој е син на архитектот Мирослав Грчев кој во исто време е советник во Министерството за култура и голем промотор и подржувач на политиките на власта.

Децата на функционерите се вработени со договор за привремено вработување, што било потврдено и од анонимни извори од Агенцијата за вработување.

Грчки авиони ќе го бранат воздушниот простор над Македонија

Можноста грчкото вoeно воздухопловство да помага во контролата на воздушниот простор (FIR) на Македонија е еден од веројатните договори што ќе се разгледаат.

Според грчката телевизија Open,  како за време на посетата на Алексис Ципрас на Скопје, така и за време на посeтата на министерот за одбрана на Грција, што според истите информации, би следела по онаа на грчиот премиер, јави дописничката на МИА од Атина.

Телевизијата Open објави дека практично, оваа соработка би значело дека доколку се наведе сомнителен случај со непозната авио трага во воздушниот простор на Македонија, тогаш „грчките воени авиони ќе бидат повикани од соседите да се доближат до непознатата трага и да проверат за што станува збор”.

Според телевизијата, станува збор за вообичаена пракса меѓу земјите сојузници на НАТО, кога една држава ги нема неопходните средства, тогаш друга помага. Ваква пракса постои за FIR на Албанија и Црна гора, каде што помагаат Грција и Италија.

Како што веќе објави МИА, посетата на Алексис Ципрас на Скопје се планира за почетокот на следнот месец, а иако грчките медиуми го споменуваат 2 април како можен термин, сепак според информациите на дописничката на МИА од Атина, точниот датум се уште не е одреден.

Самиот Ципрас, при обраќањето на економскиот форум во Делфи рече дека во Скопје ќе допатува со бизнис делегација, но и министри од неговата влада.

Според Open, неколку дена по посетата на Ципрас на Северна Македонија, во Скопје ќе пристигне министерот за одбрана на Грција , Евенгелос Апостолакис за да се разгледаат можностите за билатерална одбранбена и воена соработка, како што се заеднички воени вежби, размена на студенти од воените академии и сл.

Заев призна: Ги амнестиравме зошто ни трбаше 2/3 мнозинство за „Преспанскиот договор“

Премиерот, Зоран Заев, денеска изјави дека нема најави за нова амнестија, ниту од Министерството за правда, ниту од претседателот, кој, како што рече, нема повеќе законска можност за тоа.

Како што рече Заев, Законот за амнестија на обвинети за настаните од 27 април, беше донесен во моменти кога беше потребно двотретинско мнозинство за уставните измени.

„Нема потреба повеќе од таа работа, нема такви случаеви. Ниту некој планирал ниту било што. Законот за амнестија се случи во рамки на помирувањето, тоа е многу сериозен процес, кога на државата и требаше двотретинско мнозинство, јавно го кажувам тоа и не бегам од тоа. Верувам дека парламентот нема потреба повеќе да посегнува по вакви работи затоа што овој случај беше јасно издиференциран, каде се одделија сите кои учествуваа во организација на насилство, од оние кои беа заведени во таквиот случај. Не верувам дека никој од институциите, ниту Министерството за правда, ниту претседателот, ќе отвори ваков случај на амнестија – рече Заев.

Популарно