Крај на дискриминацијата на Албанците во Македонија или интервенција на САД?!

Ширлеи Клоис Диогуарди, експерт за балканските прашања од албанско-американската лига пред Конгресот во Конгресот на САД донесе факти за тоа како Албанците во Македонија, иако се во голем број како заедница, со околу 30 отсто од вкупното население, сепак, не уживаат целосни права, како што се користењето на јазикот и се третирани како граѓани од втор ред.

Со нагласување на неефикасноста на Дејтонскиот Договор, кој ја реши војната во Босна, но не успеа да го реши конфликтот на Балканот, Клоис Диогуарди го изрази ставот дека САД дефинитивно треба најпрво да се фокусираат на прашањето за Македонија, пренесува ИНА.

„Македонија е единствената земја во Западен Балкан каде ниту една етничка група нема вистинско мнозинство. Но, континуираниот неуспех за почитување на човековите и граѓанските права за сите овие етнички групи во Македонија, доведе до вооружениот конфликт во 2001 година. За да се стави крај на овој конфликт, Европската унија и САД влегоа во преговори со Македонците и Албанците, нешто што резултираше со Охридскиот Договор. Овој договор се претпоставуваше дека ќе донесе еднаква застапеност на сите национални групи во државната администрација, како и еднаква распределба на економските ресурси. 17 години подоцна, одредбите кои се занимаваат со правдата, зајакнување на владеењето на правото, армијата, разузнавачките служби, заедно со фискалната децентрализација останува да се спроведат”, рече Диогарди во нејзиното сведочење, како дел од панелот пред американските конгресмени.

Постигнувањето на етничката еднаквост во Македонија е доведена во прашање, албанскиот јазик е втор службен јазик

Објаснувајќи ја историјата на гласањета во Парламентот, и гласањето на законот за албански јазик и платформа на Албанците, таа продолжи со нејзиниот исказ каде што вели дека: „Уште еднаш, постигнување на етничка еднаквост во Македонија е доведена во прашање. Во јануари 2018 година, Собранието на Република Македонија по втор пат го донесе законот кој албанскиот јазик го прави втор службен јазик, според договорот постигнат меѓу партијата на премиерот Зоран Заев, СДСМ и албанските партии. Меѓутоа, македонскиот претседател Ѓорге Иванов стави вето и во двата случаи, тврдејќи дека усвојувањето на втор службен јазик е закана за суверенитетот на Македонија, единството и нејзиниот територијален интегритет. Уставот на Македонија го санкционира усвојувањето на законот со две третини од гласовите во Парламентот, нешто што сé уште не се случило. Второто најважно прашање на албанската платформа е децентрализацијата на фискалниот буџет. Ставање крај на дискриминацијата на Албанците, гарантирајќи им еднакви економски можности и можности за социјален раст во областите со мнозинско албанско население, ќе доведе до значително намалување на можноста за конфликт во иднина. Прашањето е дали САД и Европската унија ќе интервенираат за да се договори план за постигнување еднаквост меѓу Македонците и Албанците, пред Македонија да стане членка на НАТО. ”

Меморандум потпишан од албански интелектуалци во Македонија, во кој што двете главни точки се поврзани со промена на македонскиот Устав

По сослушувањето, поранешниот конгресмен Џое Диогарди, претседател на Албанско-американската граѓанска лига, ексклузивно за новинската агенција ИНА ја потенцираше важноста на оваа дискусија и пренасочување на вниманието од Босна кон албанското прашање, особено во Македонија.

„Во такви случаи, многу е важно Конгресот да биде информиран. Информациите се многу важни. Ширли беше единственaта која истакна дека Дејтонскиот договор не им дозволи на Албанците да бидат дел од преговарачката маса. Затоа што Милошевиќ му го постави како услов на преговарачот Ричард Холбрук. Така, во такви случаи, како што беше овој случај со оваа расправа за Босна, треба да ја искористиш ситуацијата. И јас всушност тоа и го направив. Кога слушнав дека ќе се одржи оваа седница му се јавив на организаторите, претседавачот на Поткомитетот за надворешни работи на Претставничкиот дом, конгресменот Дана Рорабачер за дел од дискусијата да бидат и Косово и Македонија “, рече Диогарди за ИНА.

Диогуарди на присутните им го претстави меморандумот потпишан од некои албански интелектуалци во Македонија, во кој што двете главни точки се поврзани со промена на македонскиот Устав, со што ќе се одразува новата реалност, еднаквоста меѓу Албанците и Македонците, како и прашањето за името за кое се доставуваат предлози за Република Скопје; Централна Балканската Република или Мултиетничка Република Македонија.

„АЛКАЛОИД“ ПУШТИ ВО УПОТРЕБА НОВ КАПИТАЛЕН ПРОЕКТ ВРЕДЕН 19,4 МИЛИОНИ ЕВРА

Новите капацитети за производство на цврсти фармацевтски форми, со површина од 6.200 м2, се најкрупниот инвестициски потфат на компанијата во изминативе две децении

Во насока на посветеноста за постојана модернизација и за проширување на производствените капацитети, производствените волумени и на асортиманот, „Алкалоид“ АД Скопје ја комплетираше реализацијата на својот најголем инвестициски потфат во последните две децении – новиот погон за производство на цврсти фармацевтски форми Таблетно одделение 2.0 и придружните технички простории.

Новиот техничко-технолошки капацитет, чија цел е повеќе од двојно зголемување на обемот и поголема флексибилност во производството на цврсти фармацевтски форми, зафаќа површина од 6.200 м2 (производствени и технички простории), а за него „Алкалоид“ вложи вкупно 19,4 милиони евра. За изведбата на овој објект, започната во април 2021 година, беа ангажирани 30 домашни и 16 странски компании, а градежните работи и опремувањето се одвиваа под водство на стручните служби на „Алкалоид“ АД Скопје. Просториите се изведени во согласност со строгите норми за добра производствена пракса, а сите процеси се целосно интегрирани и дигитализирани, со автоматско генерирање на сите податоци од процесните контроли.

Во новиот погон за производство на цврсти фармацевтски форми ќе се врши производство на таблети, филмувани таблети, капсули и на двослојни таблети, кои за првпат се воведуваат како технологија за производство во Македонија. Станува збор за таблети што содржат неколку активни супстанции со различни хемиско-физички својства или со различен начин на ослободување на состојките, кои внимателно и прецизно се дозирани, но физички одделени со соодветно обезбедена стабилност и делотворност, овозможувајќи им на пациентите целосната терапија од неколку лекови да ја земаат само преку една таблета. Опремата за производство на цврсти фармацевтски форми е набавена од светски познати производители на опрема од овој вид: GEA (опрема за влажна гранулација), Alexanderwerk (опрема за сува гранулација), Lodige (опрема за хомогенизација), Fette (преси за таблети), Glatt (систем за филм-обложување), De Lama (автоматска машина за перење контејнери) и други.

Со пуштањето во употреба на новата техничко-технолошка единица за производство на цврсти фармацевтски форми двојно се зголемува производствениот волумен, па така, наместо досегашниот капацитет од 2 милијарди таблети годишно, моменталниот проектиран производствен капацитет е повеќе од 4 милијарди таблети годишно.

„Во динамична индустрија каква што е фармацевтската пласманите обично кореспондираат со инвестициите, вештините и знаењето, кои во изминативе две децении ги насочивме кон градење на модерно и конкурентно производствено портфолио. Нашата цел останува да се диференцираме преку знаење и развој на производи со додадена вредност, а на овој курс сме решени да останеме и во иднина, работејќи на натамошна глобализација на брендот ’Алкалоид’, достоинствено и посветено, со практикување на високи етички стандарди, кредибилитет и професионален пристап во севкупните операции“, изјави Генералниот директор и Претседател на Управниот одбор Живко Мукаетов на официјалното пуштање во употреба на новиот оддел, кое се одржа во присуство на високи претставници на менаџментот на компанијата, како и на претставници на медиумите од земјата и од регионот.

Ова е еден од најкрупните инвестициски проекти на „Алкалоид“ АД во изминатите две децении. Компанијата во 2005 година имаше пласмани од 53,1 милиони евра, а во 2023 година прикажа консолидирани пласмани од 268,3 милиони евра. Следствено на овој петкратен континуиран раст, во текот на изминатите 15 години беа реализирани инвестиции во вредност од над 220 милиони евра.

Фармацевтските производи на „Алкалоид“ се присутни на пазарите во повеќе од 40 земји во светот.

Летно сметање на времето од недела 31 март

Летното сметање на времето започнува в недела на 31 март во 02:00 часот, кога со поместување за еден час нанапред времето во 02:00 часот ќе се смета како 03:00 часот. 

Владата, на предлог на Министерството за економија, денеска на седница донесе Одлука за денот и моментот на воведувањето и денот и моментот на завршувањето на летното сметање на времето во 2024 година.

Како што соопшти вечерва владината прес-служба,  летното сметање на времето завршува на 27 октомври во 03:00 часот, така што со поместување за еден час наназад времето во 03:00 часот, се смета како 02:00 часот.

Одлуката за воведувањето летното сметање на времето е согласно Законот за сметање на времето („Службен весник на Република Македонија“ бр.17/96 и 16/97) и согласно европски директиви.

Норвешка ни испрати 76 воени возила

Норвешка испрати 76 воени возила за Македонија. Вкупно 40 камиони и 36 лесни пешадиски возила се натоварени вчера од пристаништето Оркангер и со брод ќе бидат транспортирани до Солун, информираат од норвешката амбасада.

Со донацијата, најавена во септември минатата година, како што информираат од амбасадата на Норвешка, ќе биде опремен лесен пешадиски баталјон.

-Донацијата ја симболизира важноста на НАТО солидарноста и соработката меѓу земјите членки. Способноста на алијансата да одговори на криза или конфликт зависи од силата и солидарноста на сите земји членки, а не само на една нација. На 4 април оваа година НАТО алијансата полни 75 години. Северна Македонија стана членка на НАТО во 2020 година, а Норвешка е членка на НАТО од формирањето на алијансата во 1949 година. Двете земји имаат долга историја на билатерална соработка, а со влезот на Северна Македонија во Алијансата во 2020 година соработката стана уште посилна, се вели во соопштението од норвешката амбасада.

Донацијата, како што велат од амбасадата, е и индиректна донација за Украина, бидејќи Македонија претходно донираше значителна количина опрема за Украина. Со норвешката донација, Македонија ќе може повторно да надополни дел од опремата што ја подариле, посочуваат од амбасадата на Норвешка.

Популарно