Заев: Им покажав разговори на родителите на убиените деца, но не за убиства, туку за субвенции

Зоран Заев, денеска во изјава за новинарите во врска со случајот „монструм“ и сведочењета на родителите не убиените момчиња, кажа дека ги предал сите материјали кои ги имал.

- Ако побара судот да бидам сведок и да кажам се што знам, тоа ќе го направам бидејќи тоа ми е граѓанска должност. Сите материјали, не само оние за „Монструм“ коишто сум ги поседувал, се е предадено, истакна Заев, одговарајќи на новинарски прашања по прес-конференцијата во Владата за планираните инвестиции во комуналната инфраструктура.

На ова реагираше опозициската ВМРО ДПМНЕ, преку соопштение кое ви го пренесуваме во целост:

За да го одбрани својот коалициски партнер од кого му зависи опстојувањето на власт, денеска тврдеше дека Невзат Бејта со еден од обвинетите во случајот „Монструм“ разговарал околу ургенции за земјоделски субвенции.

Од друга страна, Зорица Наќевска, мајка на убиениот Александар во судот цитираше еден од разговорите кои им ги дал Заев во кој се велело: „Вечерва сонував еден многу лош сон како му ги врзав рацете на момчето, па плачев, па сега си велам да не се израдувам да не не сум го довршил тој никаквец“.
Ова дефинитивно не е разговор кој наликува на ургенција за земјоделска субвенција.

Кого штити и кого покрива Зоран Заев? Зошто продолжува да ги лаже и манипулира ожалостените семејства? Зошто ја потценува нивната мака и се обидува да ги убеди дека разговорот на Невзат Бејта и Фејзи Азири бил обичен случај на економски криминал околу ургенции за субвенции, а не дека е поврзан со грозоморното убиство?

Заев ја ветуваше вистината за случајот „Монструм“, но после 11 месеци откако тој е премиер единствена новина е тоа што обвинетите се најдоа на слобода токму како што се бараше во Тиранската платформа. Виновници зад решетки за грозоморното убиство нема, а Заев не чувствува ниту потреба да ургира кај неговиот косовски колега Рамуш Харадинај за екстрадиција на Алил Демири и Африм Исмаиловиќ.

Станува се појасно дека правда за семејствата на егзекутираните момчиња ќе има само кога Заев ќе замине од власт и ќе ги ослободи институциите.

Центар за комуникации на ВМРО-ДПМНЕ

Не сме првата држава која го менува името - овие 7 земји го сториле тоа пред нас

Синоќа во Собранието со 80 гласови „за“ беше изгласана одлуката да пристапување кон уставни измени,  заради имплементација на Договорот од Преспа.

Со ова се отвора патот за спроведување на Преспанскиот договор за промена на името, со цел Македонија да продолжи кон членство во ЕУ и НАТО.

Ова се седумте земји кои го променија своето име, пред нас:

Бангладеш

После раздвојувањето на Пакистан од Индија, неговиот источен дел се одвоил од новонастанатата држава и го променил името од Источен Пакистан во Бангладеш.

Шри Ланка

Шри Ланка првично се викала Цејлон.

Индонезија

Оваа држава претходно се викала Источна Индија. Недолго по отцепување од матичната земја, го променила и името.

ДР Конго

Бидејќи се одвоил од Белгија во 1960 година, се викал Република Конго, по истoимената река, за да во 1971 година стане Заир. Заир во 1997 година се преименувал во Демократска Република Конго.

Мјанмар

За да раскрсти со колонијалното минато, Бурма го сменила името во Мјанмар. Светот долго се спротивставувал на ова име, но од 2012 година ситуацијата се менува, на што влијаела и демократската транзиција.

Буркина Фасо

Француската колонија Горња Волта во декември 1984 година се преименувала во Буркина Фасо. Ова име значи „земја на исправените луѓе“, на најраспространет домашен дијалект.

Камбоџа

Камбоџа двапати го менувала името. Режимот на Црвените кмери и го дал името Кампучи по доаѓањето на влас во 1975 година, што била само транскрипција на првичното име на кмерски дијалект. Името на Камбоџа е вратено во 1989 година.

ВИДЕО: Муковски ја запеа химната од говорница, па гласаше за

Пратеникот на ВМРО-ДПМНЕ Крсто Мукоски кој тврдеше дека не ги отворил вратите на македонското собрание на 27 април кога група насилници ги нападнаа пратениците од СДСМ и албанските политички партии, вчера, по излегувањето од домашен притвор гласаше „за“ промена на уставот со цел промена на уставното име на Република Македонија.

Мукоски подолг период беше во притвор, по што потоа мерката притвор беше замената со куќен притвор.

Мукоски тогаш во повеќе наврати избегнуваше да одговори, но воедно и негираше дека тој ги отворил вратите од Собранието, иако на снимките јасно се гледа дека токму тој и Сашо Василевски се тие кои овозможуваат на граѓаните да влезат во Собранието.

Мукоски беше оној кој го предводеше и „хорот“ на ВМРО-ДПМНЕ, но и на сите други пратеници кога се пееше македонската химна во македонското Собрание.

Се поставува прашањето дали токму притворот и притисокот за тој 27 април сепак е вистинската причина што Мукоски, но и дел од другите нивни колеги се одлучија да гласаат „за“ промена на уставот, со цел промена на уставното име на Република Македонија.

Кои се следните чекори во процесот за уставни измени?

Со 80 гласа „за“, синоќа во Собранието на РМ беше донесена одлуката за уставни измени, предвидени со договорот кој со Грција беше потпишан во Преспа.

Вчерашното гласање беше само почетна фаза, а следуваат уште неколку за овој процес да се комплетира.

После ова, Владата ќе интервенира со четири амандмани во македонскиот устав, ќе ги подготви, а потоа истите треба да минат на претрес во две комсии во Собранието, додека расправата за нив може да трае по три ден.

По утврдувањето нацрт на секој од амандманите, се отвора јавна дискусија, во кој пратениците можат да поднесат амандмани на амандманите.

И за нив следува претрес во две комсии, по што Собранието се изјаснува поединечно за секој амандман на уставните амандмани.

Премиерот Заев на вчерашната прес-конференција кажа дека очекува што поголем број пратеници да се приклучат кон следната фаза.

„Ние гласавме за потребата од уставни промени, допрва ќе се гласа за нацрт амандманите, ќе се гласа со двотретинско мнозинство за амандманите“, истакна Заев.

Заев посочи дека постои иницијатива од пратениците во четирите амаднмани, да се зајакне нашиот јазик и идентитет, и поради тоа Владата е подготвена да соработува со Парламентот за да ја обезбеди поддршката.

Следува рок од 15 дена за доставување на амандманите, но според Заев колку порано се заврши, толку порано и грчкиот парламент ќе ја донесе одлуката.

Популарно