Заев: Им покажав разговори на родителите на убиените деца, но не за убиства, туку за субвенции

Зоран Заев, денеска во изјава за новинарите во врска со случајот „монструм“ и сведочењета на родителите не убиените момчиња, кажа дека ги предал сите материјали кои ги имал.

- Ако побара судот да бидам сведок и да кажам се што знам, тоа ќе го направам бидејќи тоа ми е граѓанска должност. Сите материјали, не само оние за „Монструм“ коишто сум ги поседувал, се е предадено, истакна Заев, одговарајќи на новинарски прашања по прес-конференцијата во Владата за планираните инвестиции во комуналната инфраструктура.

На ова реагираше опозициската ВМРО ДПМНЕ, преку соопштение кое ви го пренесуваме во целост:

За да го одбрани својот коалициски партнер од кого му зависи опстојувањето на власт, денеска тврдеше дека Невзат Бејта со еден од обвинетите во случајот „Монструм“ разговарал околу ургенции за земјоделски субвенции.

Од друга страна, Зорица Наќевска, мајка на убиениот Александар во судот цитираше еден од разговорите кои им ги дал Заев во кој се велело: „Вечерва сонував еден многу лош сон како му ги врзав рацете на момчето, па плачев, па сега си велам да не се израдувам да не не сум го довршил тој никаквец“.
Ова дефинитивно не е разговор кој наликува на ургенција за земјоделска субвенција.

Кого штити и кого покрива Зоран Заев? Зошто продолжува да ги лаже и манипулира ожалостените семејства? Зошто ја потценува нивната мака и се обидува да ги убеди дека разговорот на Невзат Бејта и Фејзи Азири бил обичен случај на економски криминал околу ургенции за субвенции, а не дека е поврзан со грозоморното убиство?

Заев ја ветуваше вистината за случајот „Монструм“, но после 11 месеци откако тој е премиер единствена новина е тоа што обвинетите се најдоа на слобода токму како што се бараше во Тиранската платформа. Виновници зад решетки за грозоморното убиство нема, а Заев не чувствува ниту потреба да ургира кај неговиот косовски колега Рамуш Харадинај за екстрадиција на Алил Демири и Африм Исмаиловиќ.

Станува се појасно дека правда за семејствата на егзекутираните момчиња ќе има само кога Заев ќе замине од власт и ќе ги ослободи институциите.

Центар за комуникации на ВМРО-ДПМНЕ

ФОТО: Џафери потпиша- Законот за јазиците е објавен во „Службен весник“

Претседателот на Собранието, Талат Џафери, на својот официјален профил на Фејсбук објави дека Законот за употреба на јазиците, или во јавноста познат како Закон за албански јазик, е објавен во „Службен весник“. Ова значи дека законот и официјално стапува на сила.

Карактеристично е тоа што од донесувањето до објавувањето во „Службен весник“ на Законот за јазиците помина точно една година. Законот за јазиците беше донесен на 11 јануари 2018 година или на истиот ден кога во Собранието, но година дена подоцна, беа изгласани уставните измени.

Џафери изминатиов период неколку пати изјавуваше дека Законот за употреба на јазиците ќе излезе во „Службен весник“ едновремено со уставните амандмани.

Министерот Манчевски ги нападна ракометарите на Твитер

- Политиката надвор од спортот. Поздрав до репрезентативците – политичари. Доста делби”, напиша министерот за јавна администрација и информатичко општество, Дамјан Манчевски на Твитер.

Министерот во чија надлежност е и МТВ2 која емитува на албански јазик и која го нападна Столе Стоилов во директен пренос, не кажува ништо за навредите и бојкотот на спортската редакција на МТВ2 кон Стоилов.

„Забранет влез за кучиња и северо-македонци“ во Вевчани

Мал е плоштадот во Вевчани да ги собере илјадниците посетители кои денеска го чекаа почетокот на познатиот Вевчански карневал. Поворката на маскираните василичари почна, а во 15.00 часот традиционалните маски на младоженецот и невестата заиграа оро на плоштадот.

Карневалот официјално за отворен го прогласи министерот, Дамјан Манчевски.

Освен традиционалните, голем е бројот на маски кои упатуваат на политичките состојби. Во дефилето има маски на политичари, на Сорос и на Усаид, на Бејли и Пешевски, а параглајдерист со себе носи транспарент „Летаме за Европа“.

Популарно